Luke 18
18
1La yākugātl tsa numāhyis dumā lah daḵwuk nīk kā hīmunātla mīs bībagwanum hawāḵ‐ula, glū kās kīsī yāyā‐īḵ‐īdā;
2Nīkia, lāḵī da numūtla gūqila numūq dādalītā‐īnūḵ hī gāḵ lī, yiḵā kīs wūtla kitlatlā sa Ike Gīkumī, lūtlī kīs māyānīdi‐nūqs bagwānum.
3Lūtl tī numūq zidāk ūzākias tlāwunum hī gāḵ lī da gūqila, lī da zidāk qunāl gāḵ lak, nīkia, kus‐īda ka un kla ḵa yaksamī gaḵun.
4La nīk kās kīs ma wīs glī: lā tā ātlum nīnk̤īk̤‐īda, wāh mī gin kīs kitlātlā sa Ike Gīkumī, kīs ḵād māyānīdinūqs bagwanum;
5La mīs glin kā gāḵ īnāyas gada zidākuk yāwīnal gaḵun, la mī sin kus‐īd‐kl kā ī, ā kla gāḵ hīmunātla um yawīnal gāḵun.
6Lī da Gīkumāyī nīkia, hūklīla lāḵ watldum ā sa kīs ek dādalītā īnūḵwā.
7Wa kīs kla ī da Ike Gīkumī kusīd‐kl kā īs kūglaqā, yiḵā hawāḵule‐kī ḵūḵ kākanūklīḵ gla wūḵ nīnālāḵ, laḵa wāh um kla kīs ākl?
8Nīkin klūkl yikīḵs kusīdī klāk yihyilākl; wa wetlā tā klī kū gāḵ klī da Ḵwanūqa sa bagwanum, khā um kla īḵ ūqizalazī lāḵwā awīnāgwīsīḵ?
9¶ La nīks gada numāhyis dumāk lah dāḵw ḵī da qilīx‐um hīlīkulā sīs egalazīh dāḵwī, kās k̤iltī ḵa ā sa nāhwā ātl‐ūgwil lāk:
10Mālūq wūtlī bībagwanum la lāgūstau laḵa umyāḵulazī kās hawaḵ‐ulī: yiḵā numūq Pharisee, lī da numūq hātlākulilgisā.
11Yiḵā Pharisee glāwītl kās hawāḵ‐ulī qīkiala ga qilīx‐ma: Ike Gīkumī, kīlākiaslā hyīḵ gin kīsik hī qīx ī ūgwil bagwanum, nīnānūtl‐tsīlilq, klīqā mas, mū‐umḵwila, glū ga qīx gada hātlā‐kulilgisik.
12Mātl puneh kīs humāp num puna gīla, zawe gin klā gāyūtlī laḵun nāhwā uḵā.
13Lā glā tī da hātla‐kulilgis, glāwītla ī laḵa qīsala, kīs nīk kas au gla tī īk̤i‐kumhīd tsīs kayākus laḵa īk̤ī, au um muhiā ḵīs tukubauyī, nīkia, A Ike Gīkumī wāḵ la wo sin klāḵ gin yāksamīk.
14Nīkin klūkl yiḵ gada bagwānumk la bunīstā lāḵīs gūq ek‐mūdumā kāwī laḵa numūq: kā nāhwā īk̤iala mas ḵīs bagwanum īnayī qilīx‐ma bunīstā matsū‐kl; lā glā tī da bunāla masā ḵīs bagwānum īnayī qilīxma īk̤īstā‐matsū klī.
15¶ Wa gāḵ daḵwī lāk sīs ginginānum munīḵwī, kā pāgaā‐klilīsīk: gil mīs glī kīkākūklā matsa was dūqilā ḵīk lah daḵw klūtlilāh daḵwuk.
16Au mī sī Jesus klīlālāh daḵwuk kā gaḵīs lak, nīkia, helūmāla ḵwā ginginānum munī ḵwīḵ gaḵ gaḵun, qālā hyī ḵād bulāq; kā īḵs yū ma ās qīx zāts gīkāsa sa Ike Gīkumī.
17Au lin nīkiūkl, yiḵ ungwā kla kīs dādāla kluḵ gīkāsa sa Ike Gīkumī hī qīx ā ginānum bīdawī kīyos tā qaīglas klisī lāk.
18¶ Numūq tī da gīkumāyī wuklāk, nīkia, Ek Kākūklāmas, māsin qīgīlas kla kun loklīḵ hīmunīs qilā?
19Lī Jesus nīkik, mā zīs glīḵīd gītla gaḵun klas ek? kīyosa ās ekia, hī ga mī da numūq ma, ḵā Ike Gīkumī.
20Kauklila umsī ḵā wātldum ī, qālā uḵīduḵ mūḵwāyī, qālā tlila masuḵ, qālā gilūklāḵ, qālā klīlqālāḵ, māyāhyilā lāḵīs ūmp ūs gla wīs abump ūs.
21La nīkia, nāhwīs tā mūqun āḵīlāq geh‐īd lāḵ gin ginānuma ūtlik.
22Wa gil mī sī Jesus wuklilā ḵīk, la nīk īk, num‐īs wayūglānuma ūs: lāḵudā ga ḵīs nāhwe ūs uḵā, kās yāqā ūsā ḵā wīwūsīlākā, we lā klis uḵnūgwād klis tlāhwile laḵa īk̤e awīnāgwīs: kās kīlaga ūs legī gaḵun.
23Gil mīs gla wūklilā ḵīk, la aul zihyilāqā: kā īs k̤īk̤ayāda īnayī.
24Wa lī Jesus dūqātlāk nīkia, aula wīs tā hulsila um klī da k̤īk̤ayāde la‐īkl lāḵ gīkāsa sa Ike Gīkumī.
25Kā īḵs pusātla kāwāya ī kā gūdānā kās laīklī lāhsau lāḵ qoḵglayas kunāyau, lā glāḵ kā laīklīsa k̤īk̤ayādī bagwanum lāḵ gīkāsa sa Ike Gīkumī.
26Wa yih daḵw ḵī da wuklilek, nīkia, wa ungwā zau tī da qāqilaāq klā?
27Au mīs nīkia, yiḵī da wāh sa wās bagwanum kīsī wāh sū sa Ike Gīkumī.
28Lī Peter nīkia, dok, lī gānūh bo sunūh nāhwā, kunūh gāḵī lega yūkl.
29La nīk lāh daḵwuk, au lin nīkiūkl, kīyosa ī bagwānum la bo sīs gūq, glū kunum, glū nātl numwiyūt, glū gīga‐ūtl‐nūq, glū sāsum, kā ī da gīkāsa sa Ike Gīkumī,
30Yiḵā kīs kla lo‐kluḵ k̤ekāwayā lāq, hī mī sī da awīnāgwīsa gāk‐kl, hīmunīs qilā.
31¶ La uḵīd ḵā mālūgwagīyū, kās nīkī lah dāḵwuk, dūqātla, la munts lā‐kl lāḵ Jerusalem, la mī sī da nāhwā kiātā yūtl tsa prophets lā‐kl qātl tsīs tā‐kl lāḵ Ḵwanūqa sa bagwānum.
32Kā īḵs la mā ī zawe‐kl lāḵā kīs mātltela ḵā Ike Gīkumī, kās le‐kl umlum‐kl, glū mīklā sū‐kl, glū qīsā sū‐kl.
33Lah daḵw klī hwisā kluk, kās k̤īlāhīdī kluk: lā klī glāḵwilīs‐kl ḵā lā kla yūdūh wuḵsā‐kl nālā‐kl.
34Lāh dāḵw kīyos ayūzitl‐ts lākuk; lā gada watldum qulāgluq lah dāḵwuk, lah dāḵw kīs kauklila ḵā la wātldum ā.
35¶ Wa yiḵs la ī īhiātl lāḵ Jericho, numūqī da pupās bagwanum qāstaulīs ḵā tihyila dādākiāla ā:
36La wūklilā ḵā kīmaul hayākula, la wuklāk mā sī.
37Lāh daḵw nītlā kīḵs ke‐nāqila ī Jesus as Nazareth.
38La lāqagātl nīkia, Jesus, yūkl ḵwanūqs David, wāḵ‐īda gaḵun.
39Wa yih daḵw ḵī da gala gīwāyī klūlgātluk kā qīklātlīs: au mīs la hutīd lāqā, yūkl ḵwanūqs David, wāḵīdā gāḵun.
40Lī Jesus glāḵ‐wālīsa, la uḵ‐kiagātl kā gāḵ yū wīs lāk: wa gil mīs gāḵ nuhwāhīda, la wuklāk.
41Mā sīs qayau ūs kun qīh‐īdaāsū‐kl? la nīkia, Gīkumī, kun dūqilāh‐īdī.
42Lī Jesus nīkik, wīga dūqilāh‐īduḵ: ḵīs ūqizālazī yūs ek‐īdā masūkl.
43Wa hīh‐īdā mīs dūḵ‐wāklilā, la legīk, zilwāka‐tawī ḵā Ike Gīkumī: gla wa nāhwā bagwanum yiḵs lāh dāḵwa ī dūḵ‐wāklilā ḵīk, zaws zilwākā lāḵā Ike Gīkumī.
Цяпер абрана:
Luke 18: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.