Luke 15
15
1La mīs nāhwī da hīhātlākulilgis gla wī da īānūqeḵ yekīnayī gāḵ qāsūtlil lak kās hūklīlīk.
2Wa wīla mī sī da Pharisees gla wa k̤īkiātīnūḵ kīkayūda, nīkia, yiḵwā bagwanumḵ uḵā ā ḵwā ī‐ātunḵweḵ yekīnayī, laḵa ūḵw humāp gla wī.
3¶ La yākagātl lah daḵwuk yis gada numāhyis dumāk, nīkia,
4Ungwī lah daḵwūkl uḵnūgwadis lāk̤inde lamadu, kās hyisā masī ḵā num ī lak, kīs tlūwākla ḵā lālak̤indāle sa nānumā laḵa lūbīs, kās le laḵa hyisā, ālek?
5Kās gil mī khāk la humtīduk, ekīk̤āla:
6Wa gil mīs gāḵ nenāqa kās klīlatlūwī ḵīs nīnumūq gla wīs gūqilūt, nīk lah daḵwuk, ekīk̤āla‐la gla wun; kāḵ gin leg khāḵ gin lāmādūq yiḵ gada hyisāhdik.
7Nīkin klūkl yikīḵs hī ma ī gāḵ qīx ī ekīkulā klī laḵa īke awīnāgwīs kā ī da numūq uḵ duḵ yekīnayī la māyatā, klūmakawīs kā ī da lālāk̤indāla sa nānumūqā es‐ekiā, ḵā kīyosa las māyādumā.
8¶ Ungwī ḵa ī zidākīnī laḵā sī uḵnūgwādis nukā‐skumā dālā, kū hyisā mas lāḵuḵ numskumā, kīs mīhyitūduḵ nīgwāyau kās ḵīqilītlī ḵā gūq, kās ek mī yālāgilītl, atl um qātl ālek yiḵs lā ī khāk?
9We kās gil mī khāk, la klīlātlau ḵīs nīnumūq gla wīs gūqilūt, nīkia, ekīk̤āla‐la gla wun, kāḵ gin la mī gin khāḵ gin hyisgwātl dik.
10Hī um ḵa ā qīx, nīkin klūkl, ekīkulī lāḵ uḵāsa sa pīpaglum nūqā sa Ike Gīkumī kā ī da numūqī uḵ duḵ yekīnayī la māyāta.
11¶ La nīkia, sāsum nūq wūtlī da numūq wūtla bagwānum sa mālūq:
12Lī da zāyā nīk ḵīs ūmp, Ump, kīlatsa qāsīsteḵ gāḵun: la wāwāhsaākā ḵīs māmīkias lah daḵwuk.
13Wa kīs tā kīpun hwas yiḵs lā ī da zāyā k̤iswutl‐īda, kās le laḵa qīsāla awīnāgwīs, hī mīs la kīs k̤ābālātsī ḵīs uḵī autlītas.
14Wa gil mīs wīlā masa, hī mīs la wānatlah dum sī da awīnāgwīs: la wīwūsīlākā.
15Wa la hanīnāḵw laḵa numūqī bagwanum gūqila laḵ; la yālākas lāḵīs awīnāgwīs kā humgīlī sī ḵā gwasū.
16La nīk kās pāpūklih‐īdī sa kū‐qatlitauyī hume sa gwasū; yiks la ī kīyos bagwanum zawk.
17Gil mīs gla nunwākīḵ‐īda, la nīkia, ginūq zī hīlūbatl‐zanaya sin ūmpa kīnums humāya glū zawe, la mī sin tlil lāq sgin pūskāk!
18La mun glāḵwilīs‐kl kun lā un lāḵ un ūmpā, la mī sin nīk‐kl kī, Ump, la mun yāk īd ḵā īke awīnāgwīs, laḵa ā ḵa īs dūqilā īnāyūs.
19Kīsin la hītlū kun glīkādīs ḵwanūqūs: yū la ga hyin qīx ūḵ numūqāḵ lāḵūs hīlūbātlzanayā kūs.
20La glāḵwilīsa, kās gāḵī lāḵīs ūmp, gil mīs gla qīsātla‐ma, lī ūmpas dūḵwāklilāk, la wosus, kās zilhwīdī, la huḵwāklil laḵ kūkūnes kās mīzīk.
21Lī da ḵwanūq nīkik, Ump, la mun yāk‐īd ḵā īke awīnāgwīs, lāḵa ā ḵā īs dūqilā īnāyūs, kīsin la hītlū glīkādis ḵwanūqūs.
22Au mīs glī da ūmp nīk ḵīs hīlūbatlzanayī, kīla hānāqīla sa ekia nuh‐wanāyā, kās nuhwunda ūsā sī lākuk, uḵzānun dā hyī ḵa ās kīkutuḵglāya lākuk, glū tībāyau laḵ ga gūgwayū gwas:
23Glū kās gāḵa ūsā sī da tsunḵwe ginānum mūs‐mūsā kās k̤īlāh‐īda ūsā kī, kunts wegī humāpa, kunts ekīkulī:
24Kā gin ḵwanūqik yiḵs tlileh‐dik, gāḵuk qilāh‐īda; hyiseh‐dik, gāḵuk khā: we lah daḵw ekīḵ‐īda.
25Wa yiḵ qulyaqī ḵwanūqis hīh‐dī gāḵ lī da awīnāgwīs: yiḵs gāḵa ī qāsūtlil laḵa gūq, la wūklila ḵā dunkiāla gla wa yawālā.
26La klīlāla ḵā numūqī laḵa hīlūbatlzanayī, kās wuklek māsī gada.
27La nīkik, gāḵ mūs zāye kūs, la mī sūḵ ausīḵ k̤īlāh‐īd ḵwā tsunḵwāḵ ginānum mūs‐mūsā, ka ūs gāḵ īnāyīḵ ītū kluq ek mā.
28Aū mīs la tlāwīsā, kīs nīk kās laīklī: gaḵī ūmpās lā‐wulsā, kās hawāḵulīk.
29Aū mīs nānāḵmī nīk ḵīs ūmp, doḵ, gin lek kīḵ‐unḵīl īāḵul kās, hīweḵā tin nīkiakā ḵīs wātldum ūs; wa las hīweḵā zaw gaḵun klas umā‐bīdāwā lāmādū, kun ek̤īkulī gla wun nīnumūq:
30Gil mīs glū gāḵā yiḵwā da ḵwanūqa kūs, yiḵwā lāḵ wīlā ḵīs māmīkias de ūs laḵa klīklauskās, las k̤īlāh‐īd ka‐ūḵwā ḵā tsunḵwā ginānum mūs‐mūsā.
31La nīkik, ḵwanūq, yūh se ma āḵ gla kūs lūḵ, kupetl gla wun, hūtsīstā mī sūḵ da uḵā kun.
32La mīs gla ek kunts ek̤īkulī, glū kunts mūlī, kā ga zāyāk lāh dih kīs ekia, gāḵik qilāh‐īda, lāh dih hyisā, gāḵik khā.
Цяпер абрана:
Luke 15: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.