LUKU 21
21
1É pọ́n aga bo sọ mọ omẹ adọkunnọ lẹ he to nunina yetọn le dlọn do adọkunnu lọ mẹ. 2E sọ mo asusiọsi wamọnọ de, é to abọgan-kuẹ flínflín awe dlọn do e mẹ. 3E dọmọ, Sọn nugbo de mẹ yẹn dọ hlan mì, asusiọsi wamọnọ he dlọn do e mẹ hú yé omẹ pó: 4na ehe lẹpo sọn susugbọpọ yetọn mẹ dlan do nunina lọ mẹ ṣigba ewọ sọn matindo etọn mẹ dlọn do é mẹ dùdù he é tindo lẹpo.
5Le mẹdelẹ to ohó tẹmpli tọn dọ, le yé yí ozannu dagbe po nunina po do doaso nẹ do, é dọmọ, 6Na onú he mìwlẹ to mimọ helẹ, azán ja, to ehe mẹ yè ma to na jo ozannu dopo dai to awétọ ji, he yè ma na hó liai 7Yé sọ kanbiọ ẹ dọmọ, Meplọnto, whetenu we onu helẹ na yin mọ? ohia tewẹ na tin whenuena onú helẹ na jọ? 8E sọ dọmọ, Mì payi mìde go, na ye klọ mì blo: na gbẹtọ susu na wá to oyín ṣie mẹ, domọ, Yẹn we ewọ; podọ, ojle lọ sepọ enẹwutu mì yì hodo yé blo. 9Ṣigba whenuena mìwlẹ na sè awhán linlin po zingidi po, mì dibu blo; na onú helẹ ma sọgan nọ ma jọ whẹ gba; sigba opòdo ma yin to afọdoponẹji gba.
10Whenẹnu wẹ é dọ hlan yé, dọmọ, Akọta de na fon do akọta de ji, aholudu de do ahọludu do ji: 11aigba whinwhan daho na tin to oten hunkọhunkọ me, huvẹ po azọ̀n ylankan po; avosisa, po ohia daho po na tin sọn olọn me 12Ṣigba jẹnukonna onú hele, ye na dè alọ yetọn wle mì, bo na dohomeken mì, bo dè mì jo hlan sinagogu le, po ogànhọ po, yè na hen mì yì ahọlu lẹ, po ogán lẹ po nukon na oyín ṣie tọn wutu. 13E nasọ lé hlan ye na okunnude de, 14Enẹwutu mì dotana ẹn to ayiha mìtọn mẹ, nado dowe daidote, onú he mì na gblọn tọn blo: 15na yẹn na na onù de po nuyọnẹn po mì, ehe mẹglatọ mìtọn lepo ma na sọgan sọtadona, kavi lé avùnnukọn sọ 16Yè na dè mi hia gbọn alọ mẹjitọ mìtọn lẹ tọn mẹ, podọ gbọn alọ mẹmẹsunnu le tọn mẹ, podọ gbọn alọ hẹnnumẹ lẹ tọn mẹ, podọ gbọn alọ họntọn lẹ ton mẹ; yé nasọ basi yè ni hù delẹ to mì mẹ. 17Yè na gbẹwunna mì sọn gbẹtọ lepo de, na oyín ṣie tọn wútu. 18Ṣigba oda ota mìton ton dopo ma na dòn. 19To homẹfa mìtọn mẹ, mì na yí ayiha mìtọn whlá.
20Ṣigba whenuena mìwlẹ mọ yè yí awhàn lédo Jelusalẹm, whenẹnu mì ni yọnẹn dọ ovọje etọn sẹpè 21Whenẹnu mì gbọ mẹhe tin to Judé lẹ ni hòn yì osó lẹ ji; bo sọ gbọ ye he tin to gblagbla etọn mẹ le ni fọ́n ton yì; mì sọ dike yé he sọ tin to topevi mẹ lẹ biọ é mẹ blo. 22Na azán ahọsu tọn wẹ ehelẹ, na onú he yè wlan lẹpo nido yin hinhendi. 23Ṣigba dindọn hlan yé he mọhò lẹ, podọ hlan yé he to anọ do na ovi to ozán nẹlẹ mẹ Na nukunbibia daho na tin to aigba ji, podọ homégble hlan gbẹtọ helẹ. 24Yé na gbọn onu ohi tọn me jai, ye nasọ hẹn yé mẹglọnọ yì biọ akọta lepo me. Jelusalẹm na zùn zinzíndai sọn Kosi lẹ de, kaka ojlẹ Kosi lẹ tọn nado sọ. 25Óhia na tin to owhè po osùn po mẹ, podọ to sunwhlẹvu lẹ mẹ; podọ to aihọn me nukunbia akọta lẹ ton, to flujijẹ mẹ na gbigbó ohù tọn po agbowhẹn po. 26Gbetọ na to didaku na obú, podọ na nukundo onú nele he ja aihọn ji tọn; na yè na whan huhlọn olọn tọn lẹ 27Whenenu wẹ yé na mọ Ovi gbẹtọ tọn ja to aslọ de mẹ po huhlọn po po gigo daho po. 28Whenuena onú helẹ na sè jijọ, mì ni pọ́n aga, bo sọ zé ota mìtọn do aga; na ofligò mìtọn to dindòn sẹpè wutu.
29E sọ dọ olo de hlan yé, dọmọ, Mì pon ovotin po atin lẹpo po; 30whenuena ye tọ́nkun, mìwlẹ mọ bo sọ yọnẹn na mìde dọ ojlẹ alúnlún tọn tin sẹpè to dinvie. 31Yèdo mọwe mìwlẹ ga, whenuena mì mọ onu helẹ to jijọ, mì ni yọnẹn dọ ahọludu Jiwheyẹwhe tọn tin sẹpọ. 32Nugbo wẹ yẹn dọ hlan mì, Whẹndo he ma to na juwayì kaka yè nado hẹn onú lẹpo di. 33Olọn po aihọn po na juwayì; ṣigba ohó ṣie ma to na juwayì.
34Ṣigba mì ni payi mìde go, vlavo ayiha mìtọn nikã yín yíyí gigófla do doagbanna, po núnùmú ogbè tọn po, bọ azán lọ nado wá mì ji ajiji di omò de. 35Na mọwe é na wá yé mẹpo ji do he nọ nò nukunmẹ aigba tọn ji lepo. 36Ṣigba mì nọ hó mìde to osã lẹpo, bo nọ basi ovẹvivẹ, na mì nido yínuglo nado họngansọn onú helẹ pó mẹ he to na wá jọ, podọ nado site to Ovi gbẹtọ tọn nukọn.
37To okle lẹpo é nọ to mẹplón to tẹmpli mẹ; to ozán lẹpo mẹ é nọ tọ́njẹgbonu yi bo nọnọ̀ oso he yè nọ ylọ osó olivie tọn mẹ. 38Gbẹtọ lẹpo sọ wá e de to tẹmpli mẹ to afọnnu fliflimẹ, nado sè ohó etọn.
Цяпер абрана:
LUKU 21: BWL23
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Holy Bible in Gun-Alada © Bible Society of Benin and Bible Society of Nigeria, 1923.