LUKU 17
17
1E SỌ dọ hlan nuplọntọ etọn lẹ, dọmọ, E glo dọ nujọ ablida tọn lẹ ma na do wá: ṣigba dindon hlan ewọ he de é gbọn wá. 2E yín dagbedagbe nẹ, eyín ye sìn osé de do okọ go nẹ bọ ewọ yin zizé dlẹn ohù mẹ, hú dọ ewọ ni hẹn dopo to flínflín helẹ mẹ nado dahli. 3Mì payi mìde go; eyín mẹmẹsunnu towe wàylando, Wọhẹ ẹ; eyín é lẹnvọjọ, jona ẹn. 4Eyín e wàylan do we whla sinawè to azán dopo mẹ, bo sọ gò do de we whla ṣinawe to azán dopo mẹ, dọmọ, Yẹn lẹnvojọ; bo jona en.
5Apọsteli lẹ sọ dọ hlan Oklunọ, dọmọ, Deji na yisé: mìtọn. 6Oklunọ sọ dọmọ, Eyín mìwlẹ tindo yise di okún mutaldi tọn dopo, mì do dọ hlan atin sikomoli tọn he, dọ, Yè ni dòn we sùn po odọ po, bo yín didó do ohù mẹ; e na sè mìtọn. 7Mẹnu wẹ to mi mẹ, he tindo afanumẹ de he to aigbajlo, kavi he to lẹngbọ yìn, he na dọ hlan ẹn, whenuena é sọn oglè mẹ wá whegbe, dọmọ, Wá jagla nado dùnú to afọdoponẹji? 8bọ é ma na kúkú dọ hlan ẹn, dọmọ, Wleawu onú he yẹn na dù tọn, bo blàgó, bo sẹn mi, kaka yẹn na do dù bo nù: enẹgodo hiẹ na sọ dù bo sọ nù? 9Be ewọ dopéna afànumẹ lọ, na é wà onú he yè degbè nẹ̃ wutu? yẹn ma lẹn mọ gba. 10Yèdọ mọ wẹ mìwle ga, whenuena mi ko wà onú he yè degbèna mìvò, mì dọmọ, Afànumẹ madoalenọ wẹ mí: onú he yín azón wiwà mìton wẹ mí wà.
11Ẹ sọ wá jọ, whenuena é jei Jelusalẹm, wẹ é jugbọn Samalia po Galili po ṣẹnṣẹn. 12Le é biọ gbeta de mẹ, sunnusi ao he yin pòtọnọ pé e finẹ, he site to aganu. 13Yé sọ zé ogbè yetọn daga dọmọ, Jesu, Oklunọ, wàlẹblanu na mí. 14Whenuena é mọ ye, é dọ hlan yé, dọmọ, Mì yi, bo do mìde hia yẹwhenọ lẹ. E sọ wá jọ le yé to yìyì, ye we. 15Dopo to ye mẹ, whenuena é mo dọ ewọ wé, é lé do godo, bo yí ogbè lelé de do gigo: pana Jiwheyẹwhe, 16e sọ họ́ do nukunmẹ etọn ji to afọ etọn go, bo to pédo nẹ; Samaliatọ wẹ ewọ. 17Jesu sọ gblọn dọmọ, Pòtọnọ ao ma wẹ yè lèwé? fie wẹ sinenẹ lẹ lọ te? 18Yè ma mọ mẹhe lẹgò nado pagigona Jiwheyẹwhe gba, adavo jonọ he. 19E sọ dọ hlan ẹn, dọ, Fọn, bo yì; yise towe ko whlẹn we gán.
20Podọ le Falesi lẹ kanbiọ ọ dọ, whetẹnu wẹ ahọludu Jiwheyẹwhe tọn ja, e gblọnna yé, bo dọmọ, Ahọludu Jiwheyẹwhe tọn ma ja po ohia po gba: 21mọwẹ yé ma to na dọmọ, Pọn to ofi! kavi, pọn to odọn Na, pọn, ahọludu Jiwheyẹwhe tọn tin to gblagbla mì tọn me.
22E sọ dọ hlan nuplọntọ lẹ, dọmọ, Azán le ja, whenuena mìwlẹ na jlo na mọ dopo to azán Ovi gbẹtọ tọn lẹ tọn mẹ, bọ mì ma to na mọ ẹn. 23Yé nasọ dọ hlan mì, dọmọ, Pọ́n to ofi, kavi, pọ́n tó odon mì yì blo, mì sọ hodo yé blo. 24Na di abì, whenuena e gbòdlan sọn awà dopo ji to olọn glọ, bo nọ họ́nwun je awà awetọ ji to olọn glọ; mọkẹdẹ wẹ ovi gbẹtọ tọn na nọ to azán etọn gbe. 25Ṣigba é ma sọgan nọ ma duya onú susu tọn whẹ, na yè ni sọ gbé ẹ dai sọn alọ whendo he tọn mẹ gba. 26Podọ le e wá jọ do to azán Noe tọn lẹ mẹ, Yedọ mọkẹdẹ wẹ é na tẹ ga to azán ovi gbẹtọ tọn lẹ tọn mẹ. 27Yé tò dùdu, yé to nùnù, yé to alọwle, yè sọ to nina to alọwle mẹ kaka jẹ azán he gbè Noe biọ ohún mẹ, bọ osìngigọ́ wá, bo hù yé òmẹ pó súdo. 28Mọkẹdẹ ga yèdọ dileó wá jọ do to azán Lọti tọn lẹ mẹ; yé to dùdù, yé to nùnù, yé to hihọ, ye to sisà, yé to dido, yé to ohòdó; 29ṣigba to azán he gbè Lọti tọ́n sọn Sọdọmi é jajikun miyọn po whemi po sọn olọn me, bo sọ hù yé omẹ pó súdo 30Mọkẹdẹ we é na te to azán ne gbè, he yè do Ọvi gbẹtọ tọn hia. 31To azán nẹ gbè, mẹhe tin to ohọta bọ agbàn etọn tin to owhé gbè, mì dike e jẹte yì nado zé e sẹ̀ blo; mì dike mẹhe sọ tin to ọglègbo, mọkẹdẹ lẹgò wá godo blo. 32Mì flin asi Lọti tọn. 33Mẹdepope he na din nado whlẹn alindọn etọn gán na hẹn ẹn bú; mẹdepope he nabu alindọn etọn na whlen ẹn gan. 34Yẹn dọ hlan mì, dọmo, To ozán ne me, goẹtọ awẹ na tin to adózan dopo ji, yè na yí dopo, bo jo awetọ dai. 35Yọnnusi awe na to osé li dopọ; yè na yí dopo, bo jo awetọ dai. 36Gbẹtọ awe na tin to oglègbo; yè na yí dopo, bo jo awetọ dai 37Yé gbingblọn dọ hlan ẹn dọ, To fie, Oklunọ? Ewọ sọ dọ hlan yé, do, Fie osiọ te, finẹ ga wẹ aklasu lẹ nọ plidopọ do.
Цяпер абрана:
LUKU 17: BWL23
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Holy Bible in Gun-Alada © Bible Society of Benin and Bible Society of Nigeria, 1923.