JOHANU 2
2
1TO azán atọ̀ntọ me alọwle do tin to Kana Galili tọn; onọ Jesu tọn so tin to finẹ: 2yè sọ ylọ Jesu po nuplontọ etọn lẹ po do alọwle lọ kòn. 3Whenuena ovẹ̃n gboda, onọ Jesu tọn dọ hlan ẹn, dọ, Yé ma tindo ovẹ̃n gba. 4Jesu sọ dọ hlan ẹn, dọ, Nawe, etéwe yẹn do na wà hẹ we? ojlẹ ṣie ma ko wá gba. 5Onọ etọn sọ dọ hlan lizọnyítọ lẹ, dọ, Onú depope é dọ hlan mi, mì wà ẹ. 6Ozén ozannu tọn ṣidopo delẹ tin bọ yè ko zé tunte to finẹ, dile wàlo lèwé Ju lé tọn te, dopodopo yetọn hẹn otozẹn awe kavi atọ̀n hunkọ. 7Jesu sọ dọ hlan yé, dọ, Mì da ósìn go ozẹ́n lẹ. Yé sọ dà osìn gó yé kaka je onù. 8E sọ dọ, Mì bà ẹ dinvie, bo zé yì na ogán núdùdù tọn. Yè sọ zé e yì. 9Whenuena ogán nudùdù tọn dó osìn he yè diọ zun ọvẹn pon, bo ma yon ofi he é sọn, (ṣigba lizọnyítọ he bà osìn le yọnen;) ogán núdùdù tọn ylọ asisunọ lọ, 10Bo sọ do hlan en, dọ, Omẹ popo to whéwhéwhenu nọ zé ovẹ̃n dagbe jẹgbonu; whenuena gbẹtọ lẹ ko muahàn dagbedagbe, whenẹnu ehe ylanhu: ṣigba hie to ovẹ̃n dagbé gopayi kaka je dinvie. 11Ehe wẹ ohia tintan he Jesú wà to Kana Galili tọn, bo dè gigo etọn do gbangba; nuplonto etọn le sọyí i sè.
12To godo ehe tọn, é jete yì Kapẹlnaumi, ewọ po onọ etọn pọ, pó mẹmẹ sunnú etọn lẹ pó, po: nuplọntọ etọn lẹ pó; yé ma sọ nọte to finẹ hò àzán susu gba.
13Juwayì Ju lẹ tọn sepó, Jesu sọ hẹ́ji yì Jelusalẹm 14E sọ mo to tẹmpli mẹ yé he to oyín po lẹngbọ po, po apoe le po sà, po akuẹdiọtọ le po sinai: 15whenuena é yí okan tẹ̃le de do: basi oba, é yàn yé omẹ pó jegbonu sọn tẹmpli mẹ, lẹngbọ po oyìn lepo; bó sọ diọ akuẹ akuẹdiọtọ lọ tọn kònyingbe, bo takiti na tafo lẹ; 16bo dọ hlan yé he to apoe sà lẹ dọ, Mì zé onú helẹ sọn ofi; mì yí ohò Oto ṣie tọn do basi ohò ajọ tọn blo. 17Nuplontọ etọn lẹ sọ flin dọ yè ko kamwe dọ, Vivenu ohò towe tọn du mi pó 18Enẹwutu Ju lẹ gblọn, bo dọ hlan ẹn, dọ, Ohia tẹwẹ hiẹ yí hia hlan mi hiẹ mẹhe tó onu helẹ wa? 19Jesu sọ gblọn bo dọ hlan ye, do, Mì họ́ tẹmpli he liai, to azán atọ̀n me yen nasọ zé e do ote, 20Enẹwutu Ju lẹ do hlan ẹn, dọ, Owhè kandesidopo wẹ yè do gba templi he, bó hiẹ na zé e do ote to azanatọn me? 21Ṣigba templi agbasa etọn tọn wẹ éto didọ. 22Enẹwutu whenuena é fọ́n sọn oku, nuplọntọ etọn lẹ flín dọ é ko dọ ehe; yè sọ yí Owé wiwé sè, po ohó he Jesu dọ po.
23Whenuena é tin to Jelusalẹm to juwayì kọn, to hùnwhezángbè, omẹ susu yise to oyín etọn mẹ, whenuena: yé mọ ohia he é basi. 24Ṣigba Jesu lọsu ma sisé ede hlan yé gba, na e yon gbẹtọ lepo, 25Podọ é ma yín núwhèdonọ dọ omẹ de na do dekunnu gbọn gbẹtọ tọn dali wutu: hà ewọ lọsu yọn nuhe tin to gbẹtọ homẹ.
Цяпер абрана:
JOHANU 2: BWL23
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Holy Bible in Gun-Alada © Bible Society of Benin and Bible Society of Nigeria, 1923.