Marko 13
13
Yesu gba ke a ma ba kpata sɔlemi we ɔ hɛ mi
(Mateo 24.1-2; Luka 21.5-6)
1Benɛ Yesu ngɛ kpo jee ngɛ sɔlemi we ɔ, e kaseli ɔmɛ a ti nɔ kake de lɛ ke, “Tsɔɔlɔ, hyɛ, tɛ nɛ ɔmɛ kle loo, nɛ tsu ɔmɛ nɛ a kɛ ma a hu ngɛ fɛu saminya.”
2Yesu he nɔ ke, “O ngɛ tsu nguangua nɛ ɔmɛ hyɛe? A be tɛ kake sie ngɛ eko nɔ; a ma tsitsɛɛ eko tsuaa eko ngɔ fia si!”
Nyɛ maa na nɔ́, nɛ a maa wa nyɛ yi mi
(Mateo 24.3-14; Luka 21.7-19)
3Benɛ Yesu kɛkɛ hii si ngɛ Oliv yo ɔ nɔ ngɛ sɔlemi we ɔ hanɔ ɔ, Petro, Yakobo, Yohane, kɛ Andrea ba na lɛ, nɛ a bi lɛ ke, 4“Tsɔɔlɔ, níhi nɛ o de nɛ ɔ, mɛni be a maa ba mi? De wɔ! Ke ní nɛ ɔmɛ tsuo maa ba mi ɔ, mɛni okadi maa je kpo?”
5Yesu de mɛ ke, “Nyɛɛ hyɛ saminya, konɛ nɔ ko kó mlɔɔ nyɛ! 6Nihi babauu maa ba nɛ a kɛ ye biɛ maa tu munyu; a ti nɔ tsuaa nɔ ma de ke, ‘Imi ji Kristo ɔ nɛ!’ Nɛ a maa mlɔɔ nihi fuu. 7Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo. 8Ma maa te si ngɔ wo ma; nɛ matsɛ yemi maa te si ngɔ wo matsɛ yemi. Zugba ma mimiɛ, nɛ a maa nu he ngɛ hehi fuu; nɛ hwɔ maa ba. Níhi nɛ maa ba nɛ ɔ ngɛ kaa yohɔyo kɔɔmi sisije kɛkɛ.
9 #
Mat 10.17-20; Luk 12.11-12 “Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ. 10Ja a fiɛ sane kpakpa a ngɔ tsɔɔ je ma amɛ tsuo loko nyagbe ɔ maa ba. 11Se ke a ngɔ nyɛ kɛ ya kojomi he ɔ, nyɛ ko hao nyɛ he ngɛ nɔ́ nɛ nyɛ ma de he. Ke be ɔ su ɔ, nɔ́ tsuaa nɔ́ nɛ a ngɔ wo nyɛ nya a, lɔ ɔ nyɛ de. Ejakaa munyu nɛ maa je nyɛ nya a, pi nyɛ nɔ́, se mohu Mumi Klɔuklɔu ɔ nɔ́. 12Nyɛmimɛ maa ngɔ a sibi kɛ ha nɛ a gbe mɛ, nɛ tsɛmɛ hu maa ngɔ bimɛ kɛ ha. Bimɛ maa te si ngɔ si a fɔli, nɛ a kɛ mɛ ma ha nɛ a gbe mɛ. 13#Mat 10.22 Nihi tsuo maa nyɛ nyɛ ngɛ ye biɛ ɔ he; se nɔ nɛ daa haomi ɔ nya kɛ ya siɔ nyagbe ɔ, Mawu ma he e yi wami.
He hiami ngua a
(Mateo 24.15-28; Luka 21.20-24)
14 #
Dan 9.27; 11.31; 12.11 “Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ. 15#Luk 17.31 Nɔ nɛ ngɛ tsu yi mi ɔ kó kple si, aloo ya sɛ we ɔ mi kaa e maa ngɔ nɔ́ ko kɛ to dɛ. 16Nɔ nɛ ngɛ ngmɔ si ɔ kó kpale e se ba ngɔ e tade. 17Yihi nɛ hɛɛ muklii, kɛ ni nɛmɛ nɛ ngɛ nyɔ hae ngɛ jamɛ a be ɔ mi ɔ, a ní maa pee mɔbɔ wawɛɛ nitsɛ. 18Nyɛɛ sɔle ha Mawu, konɛ ní nɛ ɔmɛ kó ba mi fĩɛ be mi. 19#Dan 12.1; Kpoj 7.14 Jamɛ a be ɔ mi ɔ, he hiami nɛ a nɛ́ e nɔ eko hyɛ kɛ je benɛ Mawu bɔ ade kɛ ba su mwɔnɛ ɔ maa ba, nɛ jehanɛ hu, nɔ́ ko kaa jã be bae hu. 20Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.
21“Jehanɛ hu ke nɔ ko de nyɛ ke, ‘Hyɛ, Kristo ɔ ngɛ hiɛ ɔ!’ aloo ‘Hyɛ, e ngɛ lejɛ ɔ!’ ɔ, nyɛ ko he ye. 22Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete. 23Se nyɛɛ lɛɛ nyɛɛ hyɛ saminya! I de nyɛ nɔ́ tsuaa nɔ́ ngɔ to.
Nɔmlɔ Bi ɔ bami
(Mateo 24.29-31; Luka 21.25-28)
24 #
Yes 13.10; Ezek 32.7; Yoel 2.10, 31; 3.15; Kpoj 6.12 “He hiami nɛ ɔ se ɔ, pu maa tsɔ diblii, nɛ nyɔhiɔ hu be kpɛe. 25#Yes 34.4; Yoel 2.10; Kpoj 6.13 Dodoehi ma tsɔ kɛ je hiɔwe ba nɔ si, nɛ a ma tsitsɛɛ he wamihi nɛ ngɛ hiɔwe ɔ kɛ je a blɔ hehi. 26#Dan 7.13; Kpoj 1.7 Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ he wami nguaa, kɛ hɛ mi nyami. 27E maa tsɔ hiɔwe bɔfo ɔmɛ kɛ ya bua nihi nɛ Mawu hla a a nya kɛ je je ɔ kɔ nya eywiɛ ɔmɛ tsuo, kɛ je zugba nyagbe he kɛ yaa si hiɔwe nyagbe he.
Ngmɔkɔ tso ɔ he ní kasemi
(Mateo 24.32-35; Luka 21.29-33)
28“Nyɛɛ kase nɔ́ ko ngɛ ngmɔkɔ tso ɔ he; ke e kɔni ɔmɛ tsɛ̃ nɛ ba mumu ba nɔ ɔ, nyɛ le kaa latsa be su ta. 29Ja nɔuu hu ke nyɛ na nɛ kikɛmɛ a ní nɛ ɔmɛ ba mi ɔ, nyɛ na nɛ nyɛɛ le kaa be ɔ su haa. 30Anɔkuale mi i ngɛ nyɛ dee ke, loko yi nɔ nɛ ɔ maa be ɔ, ja ní nɛ ɔmɛ tsuo ba mi lolo. 31Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho kɔkɔɔkɔ.
Nɔ ko li ligbi ɔ, loo ngmlɛfia a
(Mateo 24.36-44)
32 #
Mat 24.36
“Se jamɛ a ligbi ɔ, loo ngmlɛfia a, nɔ ko li; hiɔwe bɔfo ɔmɛ li, Bi ɔ hu li, ja Tsɛ ɔ pɛ. 33Nyɛɛ hyɛ saminya, nyɛɛ huɔ,#13.33 Ngmami komɛ kɛ piɛ he ke “nɛ nyɛɛ sɔle.” ejakaa nyɛ li be mi nɛ ngmlɛfia a maa su. 34#Luk 12.36-38 E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya. 35Lɔ ɔ he ɔ, nyɛɛ hyɛ saminya, ejakaa nyɛ li be mi nɛ wetsɛ ɔ ma; eko ɔ gbɔkuɛ, loo nyɔ mi kpɛti, loo kungwɔ nɔ kpami be, loo mɔtu, 36konɛ ke e ba tlukaa a, e kó ba na nyɛ kaa nyɛ ngɛ mahe hwɔe. 37Nɔ́ nɛ i ngɛ nyɛ dee ɔ, nihi tsuo i ngɛ dee ɔ nɛ. Nyɛɛ huɔ!”
Цяпер абрана:
Marko 13: Dangme
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bible in Dangme © Bible Society of Ghana, 2018.