Папулярныя біблейскія вершы з Marko 13

Падзяліцца

Nihi tsuo maa nyɛ nyɛ ngɛ ye biɛ ɔ he; se nɔ nɛ daa haomi ɔ nya kɛ ya siɔ nyagbe ɔ, Mawu ma he e yi wami.

Nyɛɛ hyɛ saminya, nyɛɛ huɔ, ejakaa nyɛ li be mi nɛ ngmlɛfia a maa su.

Se ke a ngɔ nyɛ kɛ ya kojomi he ɔ, nyɛ ko hao nyɛ he ngɛ nɔ́ nɛ nyɛ ma de he. Ke be ɔ su ɔ, nɔ́ tsuaa nɔ́ nɛ a ngɔ wo nyɛ nya a, lɔ ɔ nyɛ de. Ejakaa munyu nɛ maa je nyɛ nya a, pi nyɛ nɔ́, se mohu Mumi Klɔuklɔu ɔ nɔ́.

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho kɔkɔɔkɔ.

“Se jamɛ a ligbi ɔ, loo ngmlɛfia a, nɔ ko li; hiɔwe bɔfo ɔmɛ li, Bi ɔ hu li, ja Tsɛ ɔ pɛ.

Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo.

Lɔ ɔ he ɔ, nyɛɛ hyɛ saminya, ejakaa nyɛ li be mi nɛ wetsɛ ɔ ma; eko ɔ gbɔkuɛ, loo nyɔ mi kpɛti, loo kungwɔ nɔ kpami be, loo mɔtu, konɛ ke e ba tlukaa a, e kó ba na nyɛ kaa nyɛ ngɛ mahe hwɔe. Nɔ́ nɛ i ngɛ nyɛ dee ɔ, nihi tsuo i ngɛ dee ɔ nɛ. Nyɛɛ huɔ!”

Ma maa te si ngɔ wo ma; nɛ matsɛ yemi maa te si ngɔ wo matsɛ yemi. Zugba ma mimiɛ, nɛ a maa nu he ngɛ hehi fuu; nɛ hwɔ maa ba. Níhi nɛ maa ba nɛ ɔ ngɛ kaa yohɔyo kɔɔmi sisije kɛkɛ.

Ja a fiɛ sane kpakpa a ngɔ tsɔɔ je ma amɛ tsuo loko nyagbe ɔ maa ba.

Nihi babauu maa ba nɛ a kɛ ye biɛ maa tu munyu; a ti nɔ tsuaa nɔ ma de ke, ‘Imi ji Kristo ɔ nɛ!’ Nɛ a maa mlɔɔ nihi fuu.

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete.

“He hiami nɛ ɔ se ɔ, pu maa tsɔ diblii, nɛ nyɔhiɔ hu be kpɛe. Dodoehi ma tsɔ kɛ je hiɔwe ba nɔ si, nɛ a ma tsitsɛɛ he wamihi nɛ ngɛ hiɔwe ɔ kɛ je a blɔ hehi.