Genesis 5
5
Ang mga Kaliwat ni Adan
(1 Cron. 1:1-4)
1Amo#Gen. 1:27-28. ini ang lista sang mga kaliwat ni Adan. Sang pagtuga sang Dios sang mga tawo, ginhimo niya sila nga kaangay sa iya. 2Gintuga#Mat. 19:4; Mar. 10:6. niya sila nga lalaki kag babayi, ginbendisyunan kag gintawag sila nga “Katawhan.” 3Sang si Adan nagaedad sing 130 ka tuig, ang iya asawa nagbata sing lalaki nga pareho gid sa iya, kag ginhingalanan niya sia kay Set. 4Sa tapos sini, si Adan nagkabuhi pa sing 800 ka tuig. May iban pa sia nga mga kabataan, 5kag sang 930 na ka tuig ang iya edad napatay sia.
6Sang si Set nagaedad sing 105 ka tuig, nagbata ang iya asawa kay Enos, 7kag nagkabuhi sia sing 807 pa ka tuig. May iban pa sia nga mga kabataan, 8kag sang nagaedad sia sing 912 ka tuig napatay sia.
9Sang si Enos nagaedad sing nobenta ka tuig, nagbata ang iya asawa kay Kenan, 10kag nagkabuhi pa sia sing 815 ka tuig. May iban pa sia nga mga kabataan, 11kag sang nagaedad sia sing 905 ka tuig napatay sia.
12Sang si Kenan nagaedad sing setenta ka tuig, nagbata ang iya asawa kay Mahalalel, 13kag nagkabuhi pa sia sing 840 ka tuig. May iban pa sia nga mga kabataan, 14kag sang nagaedad sia sing 910 ka tuig napatay sia.
15Sang si Mahalalel nagaedad sing sesentay singko ka tuig, nagbata ang iya asawa kay Jared, 16kag nagkabuhi pa sia sing 830 ka tuig. May iban pa sia nga mga kabataan, 17kag sang nagaedad sia sing 895 ka tuig napatay sia.
18Sang si Jared nagaedad sing 162 ka tuig, nagbata ang iya asawa kay Enoc, 19kag nagkabuhi pa sia sing 800 ka tuig. May iban pa sia nga mga kabataan, 20kag sang nagaedad sia sing 962 ka tuig napatay sia.
21Sang si Enoc nagaedad sing sesentay singko ka tuig, nagbata ang iya asawa kay Metusela. 22Si Enoc nagkabuhi sa paghiambit sa Dios sa sulod sang 300 pa ka tuig, kag may iban pa sia nga mga kabataan, 23tubtob nga nag-edad sia sing 365 ka tuig. 24Nagkabuhi#Sir. 44:16; 49:14; Heb. 11:5; Jud. 14. sia sa paghiambit sa Dios, kag sang ulihi nadula sia, tungod kay ginkuha sia sang Dios.
25Sang si Metusela nagaedad sing 187 ka tuig, nagbata ang iya asawa kay Lamec, 26kag nagkabuhi pa sia sing 782 ka tuig. May iban pa sia nga mga kabataan, 27kag sang nagaedad sia sing 969 ka tuig napatay sia.
28Sang si Lamec nagaedad sing 182 ka tuig, nagbata ang iya asawa sing lalaki, 29kag nagsiling sia, “Halin sa duta nga ginpakamalaut sang Ginoo, ini nga anak magahatag sa aton sing kapahuwayan gikan sa aton mabudlay nga mga bulohaton.” Gani, ginhingalanan niya sia kay Noe.#5:29 NOE: Ini nga ngalan pareho sang Hebreo nga pulong nga kon sayuron kapahuwayan. 30Si Lamec nagkabuhi sing 595 pa ka tuig. May iban pa sia nga mga kabataan, 31kag sang nagaedad sia sing 777 ka tuig napatay sia.
32Sang makaedad si Noe sing 500 ka tuig, nagbata ang iya asawa sang tatlo ka mga anak nga lalaki nga amo sanday Sem, Ham, kag Jafet.
Цяпер абрана:
Genesis 5: MBBHIL12
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Maayong Balita nga Biblia © Philippine Bible Society, 2012