Genesis 3
3
Ang Pagpakasala sang Tawo
1Karon#Klm. Sol. 2:24; Bug. 12:9; 20:2. ang man-og amo ang mas maayo gid magpadihot sang sa iban nga talunon nga mga sapat nga gintuga sang Ginoong Dios. Ang man-og nagpamangkot sa babayi, “Nagsiling gid bala ang Dios sa inyo nga indi kamo magkaon sang bunga sang bisan ano nga kahoy sang katamnan?”
2Ang babayi nagsabat, “Makakaon kami sang bunga sang bisan ano nga kahoy sa katamnan, 3luas lang sang kahoy nga yara sa tunga sini. Ang Dios nagsiling nga indi kami magkaon sang bunga sina nga kahoy, ukon bisan magtandog sini, kay kon himuon namon ini, mapatay kami.”
4Ang man-og nagsabat, “Indi ina matuod! Indi kamo mapatay! 5Ang Dios nagsiling sina kay man nakahibalo sia nga kon magkaon kamo sang iya bunga mahatagan kamo sing ihibalo kon ano ang maayo kag malain, kag manginkaangay kamo sang Dios.”#3:5 Dios: ukonmga dios.
6Nakita sang babayi kon daw ano ang katahom sang kahoy, kag kon daw ano ayhan kanami sang iya bunga kon kaunon, kag nagpanghunahuna sia kon daw ano ayhan kanami kon sia magmaalam. Gani nagkuha sia sang bunga sang kahoy kag ginkaon niya ini. Dayon ginhatagan niya ang iya bana kag nagkaon man sia. 7Sang makakaon sila, ginhatagan sila sing paghangop, kag natalupangdan nila nga hublas sila. Gani nagtambitambi sila sing mga dahon sang kahoy nga higera kag gintabunan nila ang ila mga lawas.
8Sang kasisidmon na nabatian nila ang Ginoong Dios nga nagalakat sa katamnan, kag nagpanago sila sa iya sa mga kakahuyan. 9Pero gintawag sang Ginoong Dios ang lalaki, “Diin ka?”
10Ang lalaki nagsabat, “Nabatian ko ikaw sa katamnan. Nahadlok ako kag nagpanago ako sa imo tungod kay hublas ako.”
11Ang Dios nagpamangkot, “Sin-o ang nagsiling sa imo nga hublas ka? Nagkaon ka bala sang bunga sang kahoy nga ginsiling ko sa inyo nga indi ninyo pagkaunon?”
12Ang lalaki nagsabat, “Ang babayi nga ginhatag mo sa akon amo ang naghatag sa akon sang bunga sang kahoy kag nagkaon ako.”
13Ginpamangkot#2 Cor. 11:3; 1 Tim. 2:14. sang Ginoong Dios ang babayi, “Ngaa bala ginhimo mo ini?”
Nagsabat sia, “Ang man-og nagganyat sa akon kag nagkaon ako.”
Ang Dios Naghatag sing Silot
14Karon ang Ginoong Dios nagsiling sa man-og, “Pagasilutan ka tungod sini. Ikaw lamang sa tanan nga mga sapat ang magaantos sini nga pagpakamalaut. Sugod karon magasaog ka sa imo tiyan, kag yab-ok ang imo pagakaunon samtang nagakabuhi ka. 15Himuon#Bug. 12:17. ko nga ikaw kag ang babayi magadumtanay. Ang iya kaliwat kag ang imo kaliwat manginkaaway sa wala sing katubtoban. Ang iya kaliwat magadugmok sang imo ulo, kag magabuntog ka sang iya#3:15 iya: ukonila. tikod.”
16Kag nagsiling sia sa babayi, “Dugangan ko ang imo pag-antos sa imo pagbusong kag ang imo kasakit sa imo pagpamata, pero handumon mo gihapon ang imo bana, kag sia magagahom sa imo.”
17Kag#Heb. 6:8. nagsiling sia sa lalaki, “Bangod kay nagpamati ka sa imo asawa kag nagkaon sang bunga sang kahoy nga ginsiling ko sa imo nga indi pagkaunon, ang duta pagapakamalauton tungod sa imo. Magapangabudlay ka sing tudo sa bug-os mo nga pagkabuhi, agod makapatubas ini sing tuman nga pagkaon para sa inyo. 18Ang duta magapatubo sing hilamon kag tunokon nga mga tanom kag mapilitan ka sa pagkaon sing mga hilamon sa latagon. 19Kinahanglan magpabalhas ka kag magaobra sing tudo gid agod makapatubas ang duta sing nagakaigo nga kalan-on para sa imo, tubtob magbalik ka sa duta sa diin ka maghalin. Kay ginhimo ka halin sa duta, kag sa duta ikaw magabalik.”
20Ginhingalanan ni Adan#3:20 ADAN: Ini nga ngalan sa Hebreo nagakahulogan “mga katawhan”. ang iya asawa kay Eva#3:20 EVA: Ini nga ngalan pareho sang Hebreo nga pulong nga nagakahulogan “nagakabuhi”. kay sia ang iloy sang bug-os nga katawhan. 21Kag ang Ginoong Dios naghimo sing mga bayu halin sa panit sang mga sapat para kay Adan kag sa iya asawa, kag ginpabayuan niya sila.
Si Adan kag si Eva Gintabog halin sa Katamnan sang Eden
22Dayon#Bug. 22:14. ang Ginoong Dios nagsiling, “Karon ang tawo nanginsubong sa aton, kay makahibalo na sia kon ano ang maayo kag malain. Indi gid sia pagtugotan sa pagpupo sang bunga sang kahoy nga nagahatag sang kabuhi, kay kon makakaon sia sini magakabuhi sia sing walay katapusan.” 23Gani ang Ginoong Dios nagtabog sa iya halin sa katamnan sang Eden kag ginpapanguma sia sang duta sa diin sia gindihon.
24Dayon gintabog sang Dios ang tawo pa gwa, kag sa nasidlangan sang katamnan sang Eden may ginbutang sia nga mga kerubin#3:24 MGA KERUBIN: Buhi nga mga tinuga nga may mga pakpak (tan-awa ang Lista sang mga Pulong). kag ang nagadabdab nga espada nga nagabalabag sa tanan nga alagyan agod nga wala sing may makapalapit sa kahoy sang kabuhi.
Цяпер абрана:
Genesis 3: MBBHIL12
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Maayong Balita nga Biblia © Philippine Bible Society, 2012