INṬANNA 3
3
Mihriem tlûkna
1 #
Tp 12.9;; 20.2 Chun, LALPA Pathienin ramsa a siem po poa chun rûl a var vervêk tak a. Ama chun nuhmei kuoma chun, “Pathienin ‘Huona thei ra hrim hrim hi in fâk ding a ni nawh,’ a ti am a nih?” a ta.
2Nuhmei chun rûl kuoma chun, “Ti lo e, huona thing rahai hi kan fâk thei a;
3huon lailung lai taka thing um, chu ra ruok chu Pathienin, ‘in fâk ding a ni nawh a, tâwk khawm in tâwk ding a ni nawh, chuong naw chun thîng in tih,’ a ti a nih,” a ta.
4 #
2 Kor 11.3 Rûl chun nuhmei kuoma chun, “Thi naw tawp in tih;
5in fâk nia inthawk chun in mit hung var a ta, a suol le a ṭha hrein Pathien ang in hung ni ding a nih ti Pathienin a hriet zing a ni chu,” a ta.
6Chuongchun, nuhmei chun thing ra chu fâk mi a nih ti le, mitlatak a nih ti le, mi sukvar dingin thing ra inhnarumtak a nih ti a hriet chun a ra ṭhenkhat chu a lo a, a fâk tah a; chun a pasal kuoma chun a pêk a, ama khawm chun a fâk tah a.
7Chuongchun, an pahni chun an mit a hung var a, saruok an nih ti an hung inhriet tah a; theichang hna an ṭhui mat a, puonbil an insiem fâwm tah a.
8Chun, LALPA Pathien chu zântieng nisa deia huona a hung lêng chu an hriet a: chuongchun, Mihriem le a nuhmei chun huona thing lai chun LALPA Pathien chu an lo inbîksan tah a.
9Chun, LALPA Pathien chun mihriem chu a ko a, a kuomah, “Khâwlai am i um a?” a ta.
10Ama chun, “Huonah i ri ka hriet a, saruok ka ni leiin ka ṭi tah a, chuongchun, kân bihmang a nih,” a ta.
11Ama chun “Saruok i nih ti tuin am a hril cheh a? Thing ra fâk lo ding ka ti tlat che kha i fâk a ni maw?” a tih a.
12Mihriem chun, “A mi umpui dinga nuhmei i mi pêk ngei khan thing ra chu a mi pêk a, ka fâk tah a nih,” a ta.
13 #
2 Kor 11.3 Chun, LALPA Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.
14Lalpa Pathien chun rûl kuoma chun, “Hieng ang hi i thaw leiin ran po po le ramsa tinrêng laia chun ṭawngsephurin um bîk i ta, bawk- khupin lâwn tâng i ta, i dam sûngin pilvut fa bawk i tih;
15 #
Tp 12.9; 20.2 nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.
16Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisien- lakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.
17Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tiha thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;
18 #
Heb 6.8 hling le buorhai khawm insuo- pêk a ti che; chun, hnuoia thlai chu fa tâng i ta;
19hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni sih a, pilvut i nih a, pil- vutah i kîr nâwk ding a nih,” a tih a.
20Chun, mihriem chun a nuhmei chu mi hring po po nu a ni leiin a hmingah Evi ân bûk a.
21Chun, LALPA Pathien chun, Adam ta ding le a nuhmei ta ding chun savun zakawfuolhai a siempêk a, ân hâktir tah a.
22 #
Tp 2.7; 22.2,14,19 Chun, LALPA Pathien chun, “Ngai ta u, mihriem chu a suol le a ṭha hrein eini laia pakhat ang a hung ni tah a; tuhin chu a kuta banin, hringna thing ra chu loa fain, kumkhuoin hring rawi a tih,” a ta,
23chuleiin, LALPA Pathienin ama a lâksuokna hnuoi chu inlet dingin Eden huona inthawk chun a tir suok tah a.
24Chuongchun, mihriem chu a hnawt dawk tah a; chun, hringna thing lampui chu vêng dingin Eden huon saktieng panga chun Cherubhai le mei kâwlhnâm inlet tuo zawk zawk chu a sie ta bawk a.
Цяпер абрана:
INṬANNA 3: HMARCLBSI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.