Salmow 12
12
Gwesper 2
SALM 12.
Salvum me fac.
1Salw, A Arloedh, rag nyns eus unn dremas gesys : rag an dus len re dhifygas mes a vebyon den.
2I a lever euveredh, pub den gans y hynsa : gans gweus fekyl ha kolonn dhewblek y kowsons.
3An Arloedh a dregh oll gweusyow fekyl : an taves hag a lever bostow bras;
4An re a lever, ‘Gans agan taves y tryghyn ni : agan gweusyow yw dhyn ni; piw yw arloedh warnan ni?’
5‘Drefenn an voghosogyon dhe vos ravnys : drefenn kynvann an edhommogyon,
6Lemmyn my a sev’, yn-medh an Arloedh : ‘My a'n gorr y'n sawder a yeun ev.’
7Lavarow an Arloedh yw lavarow glan : avel arghans teudhys yn forn a bri, purhes seythgweyth.
8Ty a'gan syns, A Arloedh : ty a'gan gwith rag an genedhel ma bys vykken.
9An debeles a gerdh a bub tu : ha bileni yw ughelhes yn mysk mebyon den.
Цяпер абрана:
Salmow 12: ASK
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Kesva an Taves Kernewek 1997, 2019
© Cornish Language Board 1997, 2019