МАЦЬВЕЯ 20:29-33

І калі яны выходзілі з Ерыхону, за Ім ішоў шматлікі натоўп. І вось, два сьляпыя, што сядзелі пры дарозе, пачуўшы, што Ісус праходзіць, закрычалі, кажучы: «Зьлітуйся над намі, Госпадзе, Сыне Давідаў!» А натоўп сварыўся на іх, каб маўчалі; а яны яшчэ мацней закрычалі, кажучы: «Зьлітуйся над намі, Госпадзе, Сыне Давідаў!» І, спыніўшыся, Ісус паклікаў іх і сказаў: «Што вы хочаце, каб Я зрабіў вам?» Яны кажуць Яму: «Госпадзе! Каб адчыніліся вочы нашыя».