IRPHUTNA 7
7
Tuisâng lian
1Khan Rengpa’n Nova kuang khan, “Nang le ni in mi murdi chu irkuanga khan lût roi, nang vai kêng atûn lai thoithar laia chu ki mithmua mi fela nang ki ihmu a ini. 2Sa irthiang murdi laia mi, a chal le pui bop sariin, 3sa irthiang loi laia mi a chal le pui bop khatin, chunglêng vâhai laia mi khom a pui le chal bop sariin, irnêng chunga irchi nei hrangin ni ihruai inhringhai hrang a ni. 4Sûn sari a la’rsam, hi zoi hin chu irnêng chunga hin sûn sômminli zân sômminli rua inthotir ki ta; ki thilhring siam murdi irnêng chunga an hek theina hrangin,” a tia. 5Khanchu Nova khan Rengpa’n a iti pe ang takin a tho tâka.
6Hi tui a lêt lai hin Nova chu kum 600 mi a ni. 7#Mt 24.38-39; Lk 17.27 Khan tui a lêt hrang sikin Nova chu irkuanga a lûta, a dôngma, a nâihai le a moihai an rêngin an lûta. 8Pathianin a kuanga thu a ipêk angin sa irthiang laia mi le, sa irthiang loi laia mi khom chunglêng vâhai khom irnênga bokvâka om murdi le, 9Nova kuanga irkuanga khan an lût ving tâka. 10Khan sûn sari zoia chu irnênga hin tui a hong lêt tâka.
11 #
2 Pet 3.6
Nova chu kum 600 a ni kum, tha hni le sûn sôm hleisari nî chu, tuipui inthûk tak sipin a sinthônaa omin, irvân tukver a’rhong pe tâka. 12Khan sûn sômminli zân sômminli sûng chu ropuivânsâng a tho tâka. 13Hi laia hin Nova nâihai Sema, Hama le Jafeta, Nova dôngma irkuanga an lûta, an moinuhai inthum an lût saa. 14Annihai le sa tinrêng le ramsa murdi an lût vinga, thilhring le chunglêng vâ mitha neia vuang murdihai an lûta. 15Khanchu taksa nei murdi a chal a pui an rêngin Nova irkuang sûnga an lûta. 16Khanchu a lûthai chu Pathianin thu a ipêk angin an lût zoiin chu irkuang a khâra.
17Khan, tui kha irnêng chunga hin sûn sômminli a lêt tâka, tui chu a sip zut tâka, irkuang chu a’rhlân maia. 18Sûn tin tui a lian intam maia, irkuang inhlânin a om maia, 19tui chu a sate’n a bit zoi tâka khomual irsâng ite inlang thei ta maka. 20Tâng irsânghai chunga mûk sôm hleiringaa irsângin a om tâka, 21khanchu taksa neihai, ram sahai, vâhai, sahai, thilhring irnênga bokvâka irlôihai le mihriam om murdi an thi zoi ving tâk a ni. 22An hnâra hringna phûksân lâk murdi an thi zoi tâk a ni. 23Pathianin a thilsiam hai, mihriam, ramsa, sahai, vahai le irnênga bokvâk murdihai an thi zoia. Nova le irkuanga lût ti no chu zôkin hmu hrang om ta mahaia. 24Khan tui chu sûn sôm irzakhat sûn sômringa chu irkai loiin a lêt tâka.
Цяпер абрана:
IRPHUTNA 7: HRACLBSI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.