Папулярныя біблейскія вершы з Mateo 28

Падзяліцца

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo. Tud-i sanda nga tumanon ro tanan nga ginsugo ko kinyo. Ginapasalig ko kamo nga ibhan ko gid kamo permi hasta sa katapusan it kalibutan.”

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Ginhambaean ku anghel ro mga bayi ngato, “Ayaw kamo mahadlok. Sayod ko nga ginausoy ninyo si Jesus nga gineansang sa krus. Owa imaw iya ay nabanhaw eo't-a imaw pareho sa anang ginhambae kinyo. Maliya kamo, tan-awa ninyo ro ginbutangan kana.

Naghambae kanda si Jesus, “Ayaw kamo mahadlok. Adtuni ninyo ro akong mga kaigmanghuran ag hambaeon nga mag-adto sa Galilea ag hikita nanda ako idto.”

Nagtilipon dayon ro mga pinuno it mga saserdote ag ro kaibahan nandang mga lider ag gin-istoryahan kon ano ro andang obrahon. Anda nga gintaw-an it mabahoe nga kantidad ro mga gwardya ngato ag ginhambaean, “Ihambae ninyo sa mga tawo nga kabii maton, tag nagakatueog kami hay gintakaw ku mga sumueunod ni Jesus ro anang eawas. Ag bisan makaabot sa gobernador ro inyong istorya ngaron hay ayaw kamo it palitik, ay kami ro bahala nga magkumbinsi kana nga indi kamo pagpinahan.” Ginbaton ku mga gwardya ro kwarta ag gintuman ro sugo kanda. Ngani hasta makaron, ruyon ro ginapabantog ku mga Judio.