Папулярныя біблейскія вершы з Genesi 1

Падзяліцца

Nungungulu a di khuye: “Hongoleni hi gire muthu khu mufananiso wathu, a godzana ni Ethu, gasi a fumele dzindzandzi dza phwani, ni sinyoni si vbuvbago ndrengelengeni, ni sirengo satshavbo si vbanyago mafuni.” Nungungulu a di vanga muthu khu mufananiso Waye, a mu giride a godzana ni Nungungulu; a di vanga mwama ni nyamayi.

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Guhegulani Nungungulu a di vanga ndzadzi ni mafu.

Mafu ma diri liphanga nyambana giwumbelo, ma diri giwula nyambana gilo, gidema gi di fenengedza linene, Liphuvbo la Nungungulu li di gu furugedza vbatshani nya mati.

Nungungulu a di phela gu ganela, khuye: “Gu na manege guwonegela.” Guwonegela gu di manega.

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Nungungulu a di wona nya gukhuye guwonegela gilo nya gyadi, a gu hambanisa guwonegela ni gidema.

Nungungulu a di ganela gambe, khuye: “Nyi ngu mi ningani mwasi watshavbo wu velegago mbewu, ni misimbo yatshavbo yi velegago mihandro yi gu na ni dzithanga. Si na khale guhodza gwanu.

Nungungulu a di rana guwonegela, khuye: “Mihani” a gu rana gidema khuye “wutshigu.” Li di pfola, li gugya; litshigu nya guhegule.

Nungungulu a di khuye: “Gu na manege ndrengelenge vbakari nya mati, yi hambanisa aya ya vbatshani ni aya ya vbavbatshi.”

Gasi sirengo satshavbo si vbanyago mafuni, ni sinyoni satshavbo sa damboni ni satshavbo si khwirirago khu lididi, si gu ni hefemulo nya guvbanye, nyi ngu si ninga gu hodza mwasi watshavbo wu bugago mafuni.” Gu di girega kharato.

Nungungulu a di khuye: “Gu na manege myenge nya guwenengedze ndzadzini, yi hambanisa wutshigu ni mihani. Yi na khale giyeyedzo nya dzinango, matshigu ni myaga

Nungungulu a di ganela gambe, khuye: “Mafu ma na fenengedzwe khu likhabi; mafumbu nya mwasi ma ningago dzithanga, ni misimbo nya mihandro yi velegago mihandro ni dzithanga dzaye mafuni, gukhedza khu lifumbu ni lifumbu.” Gu di girega kharato.

Gu di girega kharato. Nungungulu a di gira ndrengelenge, a hambanisa mati ya vbavbatshi ni aya ya vbatshani nya ndrengelenge, si girega kharato.

Mafu ma di bugisa mwasi ni mitongwe yi ningago dzithanga khu mafumbu yaye, ni misimbo yi ningago mihandro ni mbewu khu mafumbu yaye. PFHUMU Nungungulu a di si wona gukhuye khyadi.

Nungungulu a di vanga myenge mivili nya yikhongolo: Owu nya wukhongolo wu fela gufumela mihani, owu nya wudugwane wu fumela wutshigu. Khu guhegisa, a di gira dzinyeledzi.

Nungungulu a di khuye: “Ma na patane dangamwedo mati ma guromo vbavbatshi nya ndzadzi, gu manege mafu nya gubange.” Gu di girega kharato. Nungungulu a di rana gipandre nya gubange, khuye: “Mafu,” a gu rana tshangano nya mati, khuye: “Linene.” PFHUMU Nungungulu a di si wona gukhuye khyadi.

Nungungulu a di si kategisa, khuye: “Velegelani mu andra mu gu tadza mati ya linene; sinyoni niso si na velegelane tigoni.”

Nungungulu a di khuye: “Gu na manege sirengo nya guvbanye, nya mafumbu ni mafumbu: Sifuyo, sirengo nya gukhwirire khu lididi, ni sirengo nya likhabi, khu mafumbu yawe.” Gu di girega kharato.

Nungungulu a di khuye: “Matini gu na tale khu sirengo nya guvbanye: Sinyoni si na vbuvbe damboni.”

Nungungulu a di vanga mafumbu yatshavbo nya sirengo nya likhabi ni mafumbu yatshavbo nya sifuyo, ni mafumbu yatshavbo nya sirengo si khwirirago khu lididi mafuni. Nungungulu a di si wona gukhuye satshavbo khyadi.