Папулярныя біблейскія вершы з Soane 21

Падзяліцца

I le oki o lalatou kai, na pati loa Sesu kia Simone Petelo : Simone, vosa o Sonasi, pe ke alofa kiate au o lasi ake i le alofa kiate au o latou anei ? Ti na tali loa Petelo kia Sesu : Io, Aliki, e ke iloa e kau alofa kiate koe. Na pati loa Sesu kiate ia : Fagai aku akeno. Na toe pati loa Sesu kiate ia, ko lona tua lua a ia : Simone, vosa o Sonasi, pe ke alofa kiate au ? Ti na tali loa Petelo kiate ia : Io, Aliki, e ke iloa e kau alofa kiate koe. Na pati loa Sesu kiate ia : Fagai aku ovi fafine. Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

E maoki, e maoki, e kau pati atu kiate koe, i lou koi tupulaga, na ke toi totonu a koe, ti na ke ano ki ganea ala na ke loto ki ai ; kae ka ke matua loa, e ke folasi loa ou lima, ti e toi loa a koe e se tasi ake, o taki a koe ki le ganea leia e leaise ke loto loa ki ai.

Na pati loa Sesu kia latou : Kotou aau le kupega i le fetuu atamai o le vaka, ti e kotou maua loa. Ti na lotou aau loa a ia, ti na leaise lotou mafai loa lona toso ake ki aluga, o tupu ko le lasi o ika.

Ti na pati loa Simone Petelo kia latou : E kau ano o fagota. Na lotou pati loa kiate ia : E motou ano foki mo koe. Na lotou ano loa o sopo ki se vaka, ti na leaise lotou maua fua se nea i le po lena.