Папулярныя біблейскія вершы з Gaoi 1

Падзяліцца

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou. Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata.

Ti i lalatou koi tio fakamaumau ki le lagi i lana mavae, na sa mai loa ni tagata kofu tetea e toka lua kia latou, o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.