Папулярныя біблейскія вершы з MARCOS 9

Падзяліцца

La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

Te stat te kereme awun ta kꞌop: —Ya jchꞌuun. Koltayaon ta xchꞌuunel ta mas —xchi.

Tsꞌin a och ta jun na te Jesuse, y te jnopojeletike la sjokꞌobeyik ta stukel nax: —¿Tuꞌun te ma juꞌ kuꞌuntik slokꞌesel li pukuj to? —xchiik. La yal te Jesuse: —Jaꞌ li pukujetik to jaꞌ to ya xjuꞌ ta lokꞌesel ta skuenta skꞌoponel Dios sok teme ya akom aweꞌelike —xchi.

Te atsꞌame lek ay. Pero teme chꞌay te xchiꞌile, ¿tut xan kꞌan taluk awuꞌunik te xchiꞌile? Ayuk me awatsꞌamulik, y junuk me awoꞌtan abaik jujutulex —xchi te Jesuse.

—Te machꞌa ya yikꞌ ta sna ta joꞌon jbiil jich tutꞌil alal to, joꞌon me la yikꞌonix abi. Te machꞌa ya yikꞌon ta snae ma joꞌokon nax te ya yikꞌone, jaꞌ la yikꞌix ekꞌa te Machꞌa la stikonon tale —xchi te Jesuse.

Machꞌauk a te ya yaꞌbeyex junuk baso jaꞌ te ayex ta jkuenta te Cristoone, jamal ya kalbeyex ay me smajtꞌan ya yichꞌ —xchi.

Jich a yal xan te Jesuse: —Machꞌauk a te ya yakꞌ yaluk ta mulil tuluk te machꞌa pekꞌ ayik te xchꞌuunejikone, jaꞌ lek yauk yichꞌ chꞌojel ta mar sok junuk mukꞌul chaꞌ ton chukul ta snukꞌ.

O teme sbaꞌ asit te ya yakꞌat ta mulile, lokꞌesa. Jaꞌ mas lek te pꞌej nax asit ya xbaat sok te Diose. Jaꞌ mas ma lekuk te xchebal asit ya xbaat sok ta kꞌajkꞌ sbajtel kꞌinal