Папулярныя біблейскія вершы з MARCOS 10

Падзяліцца

Jich te Nichꞌanile ma jaꞌuk talem yuꞌun ay machꞌa ya smantaltes. Jaꞌ talem yuꞌun te ya yakꞌ sba ta mantaltesel sok te ya yakꞌ sba ta lajel skuenta yuꞌun jich ya xwejtꞌ skolelik a ipal genteetike —xchi te Jesuse.

Te Jesus la yiltalanbe xan te sitike sok la yalbe xan: —Maꞌyuk tut xjuꞌ yuꞌun te genteetike. Yan te Diose ya xjuꞌ yuꞌun stukel, batsꞌi maꞌyuk tut ma xjuꞌ yuꞌun stukel te Diose —xchi.

Albot yuꞌun te Jesuse: —Baanix. Lekix ay te asite yuꞌun la xchꞌuun awoꞌtan te ya jkoltayate —xchi te Jesuse. Ta ora nax lekub te sit te chok winike, sok la stsꞌakliy bael ta be te Jesuse.

Jaꞌ yuꞌun te winike ma spas ta jimel te machꞌatik jun nax a akꞌot yuꞌun te Diose —xchi te Jesuse.

Te Jesuse la yilbey sit sok xpich ta yoꞌtan, y la yalbe: —Ay to jkaj xan te tut skꞌan ya apase. Baan, chona spꞌejel te tutik ay awuꞌune y akꞌtalanbeya te meꞌbaetike. Jich me ay akꞌulejal ta chꞌulchan ya xkꞌoat a. Yoꞌtik laꞌ me, tsꞌakliyaon tal —xchi.

Te Jesuse la sjojkꞌobey: —¿Tut ya akꞌan te ya jpasbeyate? —xchi. La yal te chok winike: —Maestro, ya jkꞌan te ya ajambon te jsite —xchi.

Pero te jaꞌexe ma me apasik jich. Yan teme ya akꞌan te ayat ta kuenta, akꞌa me aba ta abatinel yuꞌun te yanetike.

Jamal ya kalbeyex, te machꞌa ma jichuk yoꞌtan tutꞌil te untike ma xjuꞌ ya yajwalin te Diose —xchi te Jesuse.

Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi te Jesuse.

Pero ta slijkibal, kꞌalal Dios la spas spꞌejel te tutik aye, la spas winik sok ants. Jaꞌ yuꞌun te winike ya sjiles te smeꞌstate, sok ya staj sba sok te yiname, y ta xchebal jun nax stiꞌbalulik ya xkꞌotik. Jaꞌ yuꞌun ma chebukix a, junik nax a kꞌot a.