Папулярныя біблейскія вершы з MARCOS 14

Падзяліцца

Jich a yal ta skꞌoponel Dios: —Jtat, te spisil ya xjuꞌ awuꞌune, te yakuk akꞌejbon bael te wokol to. Pero ma me jaꞌuk ya xkꞌot ta pasel te tut skꞌan koꞌtane, jaꞌ akꞌa pasuk te tut skꞌan awoꞌtan atukele —xchi.

Wikꞌa me asitik, kꞌoponaik Dios, yuꞌun jich me makꞌ stsalex a te loꞌlayele. Te jaꞌexe ben bayal sbujtsꞌ te awoꞌtanike. Jaꞌ nax te atiꞌbalulike te maꞌyuk spuersae —xchi.

Jamal ya kalbeyex, ta bayuk ta spꞌejel balmilal te ba ya yichꞌ alel te lek yachꞌil kꞌope, teꞌ me ya yichꞌ alel ekꞌa te tut la spasbon jal ants to skuenta yuꞌun jich me ya xnaꞌot yuꞌun spisil genteetike —xchi te Jesuse.

Jich a yal: —Bayal ayon ta ajtal-oꞌtan. Ya xlajonix yuꞌun ya kaꞌi. Jilanik liꞌ nax to te jaꞌexe, sok wikꞌa me asitik —xchi.

Te tut ora yipalikix ta weꞌel ae, te Jesuse la stsak te waje. La yalbe kolayal jTatik Dios yuꞌun. La xetꞌ sok la yaꞌbe te jnopojeletik yuꞌune. Jich a yal: —Ichꞌaik, jaꞌ me te jtiꞌbalule —xchi.

Sok la stsak te basoe. La yalbe xan kolayal jTatik Dios yuꞌun te yaꞌlel tsꞌusube y la skꞌaseslanbey te jnopojel etik yuꞌune, sok la yuchꞌik ta spisilik. Y la yaltalanbey: —Jaꞌ te jchꞌichꞌel te ya sta yip a jun yachꞌil trato. Ya yichꞌ malel skuenta skolel bayal ta tul genteetik.

Jesus la yaltalanbey: —Apisilik te jaꞌexe ya xchꞌay te xchꞌuunel awoꞌtanik ta jtojole. Jich tsꞌibabil jilel ta Sjun te Diose: “Ya jmil te kanankarnerae, jich me ya xpujkik bael ta anel spisil te karneraetike” te xchie.

Jajchanik, konikik. Tijilajix tal te machꞌa ya yakꞌon ta kꞌabale —xchi te Jesuse.

Jesus la yalbe: —Jamal ya kalbeyat, jaꞌ mismo ajkꞌubal to ya amukon ta awoꞌtan oxeb buelta te ma to xꞌokꞌ cheb buelta te kꞌoꞌe —xchi.