Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s">Irumatso lya Hekalu</div><div class="r">(Mak 13:1-2; Luk 21:5-6)</div><div class="p"> 1Yesu kayenda, kawuka hekalunyi. Wanalosho wakye wakayenda kokye wamlo&#7775;e numba tsa hekalu. 2Na oe kagaluo, kawawia, &#8220;Muwonyi ishi shoose? Ny'kyaloi, ngammbia, hechitsugaa igoe wuye ya igoe lyingyi lyilechiolotso-pfo.&#8221;</div><div class="s">Matuuro ga Iwo Wekyeosha Yesu</div><div class="r">(Mak 13:3-13; Luk 21:7-19)</div><div class="p"> 3Na lyilya awe&#7769;amie fumvunyi lya mashi&#7769;i ga mseituni, wanalosho wakye wakayenda kokye kui kyi&#7775;ika, wechigamba, &#8220;Luwie, mbonyi-tsi tsechiwa indi? Na kyi&#7775;ingyishio kya icha lyapfo na kya mafurumionyi ga wuyana nyi kyikyi?&#8221; 4Yesu kagaluo, kawawia, &#8220;Mndu alamlembe. 5Cha kyipfa wafoi wechicha kui rina lyako, wechigamba, &#8216;Inyi nyi Kristo;&#8217; nawo wechilemba wafoi. 6Na nyoe mochiicho mbonyi tsa shi&#7769;a na iwewe&#7769;o lya shi&#7769;a. Maa mulaowesho; kyipfa isho shiwa&#7775;i iwa ku&#7769;o; kyaindi mafurumionyi galya galandeshikye-pfo. 7Cha kyipfa isanga lyechiwuka ikapana na isanga, na wumangyi ikapana na wumangyi. Kochiwa&#7769;a njaa, na shiriinza handu kui handu. 8Isho shoose nyisho mawookyionyi ga iwawio lying'anyi. 9Kyiyeri-kyo wechim&#7775;iinga nyoe muwo&#7769;o nyi wukyiwa, nawo wechimmbaaga, na nyoe mochiwa wandu wawasuoe nyi masanga goose kyipfa kya rina lyako. 10Naaho-ng'u wafoi wechikapa tuulyia, nawo wechi&#7775;iingana, na isuana. 11Na weonguo shisuku wa wongo wechiwoneka na ilemba wafoi. 12Na kyipfa kya iengye&#7775;ika inyama&#7775;a mawawaso, ikunda lya wandu wafoi lyechiololyia. 13Kyaindi ulya echikarishia m&#7775;asa mafurumionyi, nyi oe echikyia. 14Lyingyi-se mbonyi ngyicha tsa Wumangyi tsechiongoyo wuyanenyi koose, iwa wu&#7775;ingyishi wo masanga goose. Iho nyiho mafurumionyi galya gechicha.&#8221;</div><div class="s">Shindo Sheowesha</div><div class="r">(Mak 13:14-23; Luk 21:20-24)</div><div class="p"> 15&#8220;Kyasia kyiyeri-kyo mochiwona ulya ekyenyama&#7775;a na ifunja orio kyindo kyiele, ulya amgambe nyi moonguo shisuku Danielyi, ago&#7775;okyi handu haele (aikulosha na namanye). 16Naaho-ng'u wakyeri urukyenyi lo Uyuda wa&#7769;ichilyie mafumvunyi. 17Na ai kai alasokye i&#7769;uo shilya shikyeri kanyi kokye. 18Maa akyeri m&#7769;emenyi alawuye na numa ionduo nguwo yakye. 19Ochia lo iwo wai wanene na waionza mfiri-yo! 20Terewenyi, kundu i&#7769;icha lyanyu kulawe kyiyeri kya mbeho, maa mfiri o onyonya. 21Cha kyipfa kyiyeri-kyo kochiwa&#7769;a wukyiwa wung'anyi, mba&#7775;e yakye ilandewonekye wookyia mawookyionyi ga wuyana m&#7775;asa wulalu, maa mba&#7775;e-yo iyo yechiwono-se maa ale-pfo. 22Na kokooya mfiri-yo ilawechifuhi&#7775;o, mndu oose awechikyia-pfo; kyaindi kyipfa kya wasambu&#7775;e mfiri-yo yechifuhi&#7775;o. 23Kyiyeri-kyo mndu kammbia, &#8216;Kristo nakyeri iha, ang'u nakyeri kulya,&#8217; mulai&#7769;ikyie. 24Cha kyipfa wechiwoneka makristo wa wongo, na weonguo shisuku ga wongo, nawo wechiwuta &#7775;igo tsing'anyi na shi&#7775;iyisho; wai&#7769;ime imu&#7769;etsa, cha kyikai&#7769;imika, m&#7775;asa wai wasambu&#7775;e. 25Ngammuikyimbia. 26Kyasia wakammbia, &#8216;Nakyeri kundu ko nuka kuumu suwaa kulawo&#7769;e maa m&#7775;inga,&#8217; mulafume; &#8216;Nakyeri kanyi,&#8217; mulai&#7769;ikyie. 27Cha kyipfa chandu mbawa yekyewa&#7775;uka iwuka ura lo ngamenyi m&#7775;asa ikawono ura lo kyukonyi, nyi wu&#7769;o kochiwa kyiyeri kya icha lya Mono-Adamu. 28Cha kyipfa handu mnying'a ukyeri nyi ho-ndu mbe&#7775;o tsekyekuumbia.&#8221;</div><div class="s">Iwuya lya Mono-Adamu</div><div class="r">(Mak 13:24-27; Luk 21:25-28)</div><div class="p"> 29&#8220;Kyaindi cha ilyi, numa ya wukyiwa wo mfiri iya, mnengye&#7775;i ochiwiko meema, na mori ochilo&#7775;a ngyesa yacho-pfo, na nyenyeri tsechioloka iwuka ruwewu, na shindo shingyi sha ruwewu shekupaaya-paya na inyanya&#7775;ika. 30Naaho-ng'u yechiwonekana &#7775;igo ya Mono-Adamu ruwewu; na masanga goose ga wuyana gechikapa &#7775;anyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi. 31Na oe nechi&#7769;uma malaika wakye hamwi na &#7775;ui lying'anyi lya iganda, nawo wechisania wasambu&#7775;e wakye iwuka ngyuura tsoose tsa wuyana.&#8221;</div><div class="s">Malosho ga Mfumu</div><div class="r">(Mak 13:28-31; Luk 21:29-33)</div><div class="p"> 32&#8220;Kyasia ko mfumu kuloshenyi mfano. Mbaga yakye ikammarisa io&#7775;ia na iwa&#7769;a ma&#7775;a, mokyemanya kye kyiyeri kya isambuo kyikyeri kufuhi. 33Na nyoe taa, ilyi mowona isho shoose, manyenyi kye Mono-Adamu nakyeri kufuhi, moongonyi. 34Ny'kyaloi, ngammbia, rika-lyi lyechii&#7769;a-pfo, m&#7775;asa kyiyeri isho shechiafukyia. 35Ngyina na uruka shechii&#7769;a, kyaindi, ma&#7769;e&#7769;o gako gechii&#7769;a maa ale-pfo.&#8221;</div><div class="s">Masiionyi ga Wuyana</div><div class="r">(Mak 13:32-37; Luk 17:26-30, 34-36)</div><div class="p"> 36&#8220;Kyaindi mbonyi tsa mfiri ulya na saa iya kuwo&#7769;e aichi-pfo, maa malaika wakyeri ruwewu, maa Mana, sile Awu amonyi. 37Cha kyipfa chandu kyiwekyeri kyiyeri kya Noe, nyi wu&#7769;o kochiwa kyiyeri kya icha lya Mono-Adamu. 38Cha kyipfa chandu kyiwekyeri mfiri iya ilesongoya Mfu wandu waweilya na inyo, wechialyika na ialyiko, m&#7775;asa mfiri ulya Noe alei&#7769;a na safinenyi 39walamanye m&#7775;asa Mfu ukocha, ukowarumatsa woose. Nyi wu&#7769;o kochiwa kyiyeri kya icha lya Mono-Adamu. 40Kyiyeri-kyo wandu wawi wekooya wai &#7769;emenyi; umwi nawuto ho, umwi na&#7769;io ho. 41Waka wawi wekooya wesaa; umwi nawuto ho, umwi na&#7769;io ho.&#8221;</div><div class="p"> 42&#8220;Kyasia laenyi kyi&#7769;ombo; kyipfa muichi nyi mfiri uha Mndumii onyu echicha-pfo. 43Kyaindi manyenyi kyindo-kyi; kokooya monyi kanyi aweichi kyiyeri mbafu yechicha, nawelaa kyi&#7769;ombo, maa awechi&#7769;a numba yakye ifunjo-pfo. 44Kyipfa kya ikyo na nyoe ku&#7775;eye&#7775;enyi; cha kyipfa saa mulaikusa&#7775;ie Mono-Adamu naicha.&#8221;</div><div class="s">Wuyendelyi wo Wa&#7775;undi</div><div class="r">(Luk 12:41-48)</div><div class="p"> 45&#8220;Kyasia nyi wui-ng'u m&#7775;undi muyendelyi, awo&#7769;e wu&#7775;ango, mndumii okye alemwenenga wuchilyi kanyi kokye, naenengye wandu kyelya kyiyeri kyiwa&#7775;i? 46Agusu m&#7775;undi ulya, mndumii okye echicha namkooye ewuta ku&#7769;o. 47Ny'kyaloi, ngammbia, nechimwenenga ichilyia shindo shakye shoose. 48Kyaindi m&#7775;undi ulya mmbicho kagamba mrimenyi kokye, &#8216;Mndumii oko naikyelyio,&#8217; 49kawooka ikapa wo&#7769;oe, na ilya na inyo hamwi na wananzi. 50Mndumii o m&#7775;undi-cho neecha mfiri m&#7775;undi-cho alaukusa&#7775;ie, na saa alaichi; 51nechim&#7769;umbuo mateng'eta gawi na immbutia chandu wakulembeche&#7775;i wekyewutio. Nyi lyo-ndu kochiwa&#7769;a wukyiwa na ilya ngakuru.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Yesu kayenda, kawuka hekalunyi. Wanalosho wakye wakayenda kokye wamloṟe numba tsa hekalu. Na oe kagaluo, kawawia, “Muwonyi ishi shoose? Ny'kyaloi, ngammbia, hechitsugaa igoe wuye ya igoe lyingyi lyilechiolotso-pfo.”


Na lyilya aweṙamie fumvunyi lya mashiṙi ga mseituni, wanalosho wakye wakayenda kokye kui kyiṟika, wechigamba, “Luwie, mbonyi-tsi tsechiwa indi? Na kyiṟingyishio kya icha lyapfo na kya mafurumionyi ga wuyana nyi kyikyi?” Yesu kagaluo, kawawia, “Mndu alamlembe. Cha kyipfa wafoi wechicha kui rina lyako, wechigamba, ‘Inyi nyi Kristo;’ nawo wechilemba wafoi. Na nyoe mochiicho mbonyi tsa shiṙa na iweweṙo lya shiṙa. Maa mulaowesho; kyipfa isho shiwaṟi iwa kuṙo; kyaindi mafurumionyi galya galandeshikye-pfo. Cha kyipfa isanga lyechiwuka ikapana na isanga, na wumangyi ikapana na wumangyi. Kochiwaṙa njaa, na shiriinza handu kui handu. Isho shoose nyisho mawookyionyi ga iwawio lying'anyi. Kyiyeri-kyo wechimṟiinga nyoe muwoṙo nyi wukyiwa, nawo wechimmbaaga, na nyoe mochiwa wandu wawasuoe nyi masanga goose kyipfa kya rina lyako. Naaho-ng'u wafoi wechikapa tuulyia, nawo wechiṟiingana, na isuana. Na weonguo shisuku wa wongo wechiwoneka na ilemba wafoi. Na kyipfa kya iengyeṟika inyamaṟa mawawaso, ikunda lya wandu wafoi lyechiololyia. Kyaindi ulya echikarishia mṟasa mafurumionyi, nyi oe echikyia. Lyingyi-se mbonyi ngyicha tsa Wumangyi tsechiongoyo wuyanenyi koose, iwa wuṟingyishi wo masanga goose. Iho nyiho mafurumionyi galya gechicha.”


“Kyasia kyiyeri-kyo mochiwona ulya ekyenyamaṟa na ifunja orio kyindo kyiele, ulya amgambe nyi moonguo shisuku Danielyi, agoṟokyi handu haele (aikulosha na namanye). Naaho-ng'u wakyeri urukyenyi lo Uyuda waṙichilyie mafumvunyi. Na ai kai alasokye iṙuo shilya shikyeri kanyi kokye. Maa akyeri mṙemenyi alawuye na numa ionduo nguwo yakye. Ochia lo iwo wai wanene na waionza mfiri-yo! Terewenyi, kundu iṙicha lyanyu kulawe kyiyeri kya mbeho, maa mfiri o onyonya. Cha kyipfa kyiyeri-kyo kochiwaṙa wukyiwa wung'anyi, mbaṟe yakye ilandewonekye wookyia mawookyionyi ga wuyana mṟasa wulalu, maa mbaṟe-yo iyo yechiwono-se maa ale-pfo. Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo. Kyiyeri-kyo mndu kammbia, ‘Kristo nakyeri iha, ang'u nakyeri kulya,’ mulaiṙikyie. Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe. Ngammuikyimbia. Kyasia wakammbia, ‘Nakyeri kundu ko nuka kuumu suwaa kulawoṙe maa mṟinga,’ mulafume; ‘Nakyeri kanyi,’ mulaiṙikyie. Cha kyipfa chandu mbawa yekyewaṟuka iwuka ura lo ngamenyi mṟasa ikawono ura lo kyukonyi, nyi wuṙo kochiwa kyiyeri kya icha lya Mono-Adamu. Cha kyipfa handu mnying'a ukyeri nyi ho-ndu mbeṟo tsekyekuumbia.”


“Kyaindi cha ilyi, numa ya wukyiwa wo mfiri iya, mnengyeṟi ochiwiko meema, na mori ochiloṟa ngyesa yacho-pfo, na nyenyeri tsechioloka iwuka ruwewu, na shindo shingyi sha ruwewu shekupaaya-paya na inyanyaṟika. Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi. Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”


“Kyasia ko mfumu kuloshenyi mfano. Mbaga yakye ikammarisa ioṟia na iwaṙa maṟa, mokyemanya kye kyiyeri kya isambuo kyikyeri kufuhi. Na nyoe taa, ilyi mowona isho shoose, manyenyi kye Mono-Adamu nakyeri kufuhi, moongonyi. Ny'kyaloi, ngammbia, rika-lyi lyechiiṙa-pfo, mṟasa kyiyeri isho shechiafukyia. Ngyina na uruka shechiiṙa, kyaindi, maṙeṙo gako gechiiṙa maa ale-pfo.”


“Kyaindi mbonyi tsa mfiri ulya na saa iya kuwoṙe aichi-pfo, maa malaika wakyeri ruwewu, maa Mana, sile Awu amonyi. Cha kyipfa chandu kyiwekyeri kyiyeri kya Noe, nyi wuṙo kochiwa kyiyeri kya icha lya Mono-Adamu. Cha kyipfa chandu kyiwekyeri mfiri iya ilesongoya Mfu wandu waweilya na inyo, wechialyika na ialyiko, mṟasa mfiri ulya Noe aleiṙa na safinenyi walamanye mṟasa Mfu ukocha, ukowarumatsa woose. Nyi wuṙo kochiwa kyiyeri kya icha lya Mono-Adamu. Kyiyeri-kyo wandu wawi wekooya wai ṙemenyi; umwi nawuto ho, umwi naṙio ho. Waka wawi wekooya wesaa; umwi nawuto ho, umwi naṙio ho.”
“Kyasia laenyi kyiṙombo; kyipfa muichi nyi mfiri uha Mndumii onyu echicha-pfo. Kyaindi manyenyi kyindo-kyi; kokooya monyi kanyi aweichi kyiyeri mbafu yechicha, nawelaa kyiṙombo, maa awechiṙa numba yakye ifunjo-pfo. Kyipfa kya ikyo na nyoe kuṟeyeṟenyi; cha kyipfa saa mulaikusaṟie Mono-Adamu naicha.”


“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi? Agusu mṟundi ulya, mndumii okye echicha namkooye ewuta kuṙo. Ny'kyaloi, ngammbia, nechimwenenga ichilyia shindo shakye shoose. Kyaindi mṟundi ulya mmbicho kagamba mrimenyi kokye, ‘Mndumii oko naikyelyio,’ kawooka ikapa woṙoe, na ilya na inyo hamwi na wananzi. Mndumii o mṟundi-cho neecha mfiri mṟundi-cho alaukusaṟie, na saa alaichi; nechimṙumbuo mateng'eta gawi na immbutia chandu wakulembecheṟi wekyewutio. Nyi lyo-ndu kochiwaṙa wukyiwa na ilya ngakuru.”

Слухаць Matayo 24