OT Text: Bible translation: Falam Chin © Bible Society of Myanmar OT Audio: Recording of the New Testament ℗ Hosanna, 2018 NT Text: © United Bible Societies, 2005 NT Audio: ℗ 2013 Hosanna

Chin, Falam - 2005 MYA (Bible) Drama

Chin, Falam - 2005 MYA (OT) Non Drama

<div class="version vid389 iso6393cfm" data-vid="389" data-iso6393="cfm">
 <div class="book bkJDG">
 <div class="chapter ch19" data-usfm="JDG.19">
 <div class="label">19</div><div class="s1">Levi Mipa Le A Nupisun</div><div class="p"> 1Culai ahcun Israel mi pawl cu siangpahrang an nei lo. Efraim tlangpar ram dengah Levi pa pakhat a um ih Judah ram Bethlehem khua ih nunau pakhat a nupisun ah a lak. 2Voikhat cu a pasal parah a thin a heng#a thing a heng timi hi Hebru Cathiang sungah mizuangzam a si tiin a um. ih Bethlehem khua a pa ih hnenah khua a tlan. Cutawkah thla li sung a um. 3Cule a pasal cu a hnen-um pakhat le a laak pahnih hruai in va leem ih va hruai sal tum in a feh. A nupisun in a pa ih inn ah &#7789;hatein a rak tlunter. A pa khal in aipuang zetin a rak hmuak. 4A puzon in a kaih ruangah ni thum sung a caam. A nupisun thawn ti in rawl ei tlang in an riak. 5Cule a ni linak zingah an tho ih feh dingin an tim an tuah. Asinain a puzon cun a maakpa ih hnenah, &#8220;Rawl ei hmaisata hrih uh. Nan ril a rawng pang ding. Nuamte in nan feh leh pei,&#8221; tiah a ti.</div><div class="p"> 6Curuangah an pu-tu in an totlang ih an in an ei tlang. Cutikah a puzon cun, &#8220;Tuihzan cu riak hrih awla nuamzetin um hrih ko aw,&#8221; tiah a ti.</div><div class="p"> 7Levi pa cu a pok tum thotho; asinain a pu in a kaih ruangah cun a &#7789;ul sal ih zankhat cu a riak sal. 8A ni nganak zingah a tho ih feh dingin a tim a tuah. Asinain a puzon cun, &#8220;Rawnhru tal eita awla nuam huahho in um hrih aw. Simneem na feh leh pei cu,&#8221; a ti ih an pahnih cun rawl an ei tlang lala.</div><div class="p"> 9Cun Levi mipa le a nupisun le a hnen-um pa cu an pok. Sikhalsehla a nupisun ih pa cun, &#8220;Zohhnik, zanlam a si thlang hi; tuihzan cu riak lawlaw hrih aw. A rei hlanah khua a thim cing ding a si. Curuangah tuihzan cu riak hrih awla um huahho hrih aw. Thaizing ah zingpit tein na tho pei ih na tlung leh pei,&#8221; tiah a kaih lala.</div><div class="p"> 10-11Asinain Levi mipa cun zankhat riah hrih cu a duh nawn lo ih a nupisun thawn an laak pahnih cu a todan an dan ih an feh suak. Jebus khua (Jerusalem timi) kiang an thlen tikah khua a thim zik thlang ih hnen-umpa in a bawipa ih hnen ahcun, &#8220;Ziangah so tuihzan cu hi Jebus khawpi ahhin kan riah mai lo?&#8221; tiah a sut.</div><div class="p"> 12Cutikah a bawipa in, &#8220;Israel miphun an um lonak khua ahcun kan riak lo ding. Kan lan pei ih Gibeah ah kan feh ding. 13Ra uh, kan feh hrih pei ih Gibeah ah a si lole Ramah ah kan riak pei,&#8221; tiah a ti. 14Curuangah Jebus khua cu an lan ih an feh. Nitlak zawng ah Benjamin phun ih ram sung Gibeah khua ah an thleng. 15Cuih khua ih riak dingin zinpi ihsin an vung pial. Levi mipa cu khawsungah a feh ih an mual ah a to. Asinain zan riahnak tlun-inn an tong lo.</div><div class="p"> 16Culaitak fangah cun patarpa pakhat a lo ih hna&#7789;uannak ihsin a rung tlung. Cupa ih suahsemnak cu Efraim tlangpar ram asinain Gibeah khua ih a rung ummi a si. Gibeah khuami pawl cu Benjamin miphun an si. 17Mikhualpa mual ih a to mi cu patarpa in a hmuh tikah, &#8220;Khuitawk inso na rat? Khuitawk ah so na feh zik?&#8221; tiah a sut.</div><div class="p"> 18Cutikah Levi mipa cun, &#8220;Judah ram Bethlehem khua ihsin kan ra ih kan umnak Efraim tlangpar ram dengah kan feh ding. Bethlehem ka vung tlawng ih atu cu ka innah ka tlunglam a si. Riahnak dingah khuihman ah tlun-inn kan tong lo. 19Kan laak hrangah rawl le hrampi kan nei; ka nupisun le keimah le ka hnen-umpa hrang khalah sang le sabitti lamcaw kan nei a si. Kan &#7789;ul mi hmuahhmuah kan nei thluh,&#8221; tiah a sawn.</div><div class="p"> 20Cutikah patarpa cun, &#8220;Hnangam in um awla, ka inn ah rung riak uh. Nan sam mi hmuahhmuah keimah in ka lo pe ding. Hi mual ahcun riak hlah uh,&#8221; tiah a ti. 21Cuih hnuah a inn ahcun a fehpi hai ih an laak pawl cu rawl a pek. Mikhual pawl cu an ke an kholh ih zanriah an ei.</div><div class="p"> 22Cutiih nuamzet ih an um laifang ahcun khawsungih mi sualral pawl in an inn cu an kulh ih sangka an run den ih inn neitu patarpa cu, &#8220;Na inn ih a tlung mipa cu rak suah aw; a sualpi kan duh a si,&#8221; tiah an auh ciamco.</div><div class="p"> 23Asinain patarpa cu lengah a va suak ih, &#8220;Unaule uh, a si lo. Cubangtuk a sualmi le thil &#7789;ha lo ningsinza cu tuah hlah uh. Hi pa cu ka mikhual a si. 24I ngai hnik uh; hinah ka fanu fala le hi pa ih nupisun an um. Atu ka rak suahpi pei ih nan minung an si. Nan duh vek in rak tuah in rak sualpi hai uh. Asinain hi patarpa ih par ahcun a &#7789;ha lomi zianghman tuah hram hlah uh,&#8221; tiah a leem ciamco. 25Sikhalsehla a thu cu an ngai duh hrimhrim lo. Curuangah Levi mipa cun a nupisun cu innleng ah an hnen ahcun a hei suah. Cutikah a nupisun cu an kaihrem ih an sualpi ih zanvar in an hmuhsuam.</div><div class="p"> 26Zinglam khawfingcat ah nunau nu cu a ra ih patarpa ih inn, a pasal riahnak inn ih sangka kiang a thlen tikah a sawn. Nisuah hnu tiang cutawk ahcun a um lai hrih. 27A pasal cu zingah a tho ih a innih tlung dingin sangka a hei on tikah a nupisun cu sangka kiangah a kut sangka tlang pawk in a bok kha a hmu. 28Cutikah a pasal in, &#8220;Tho aw, kan feh pei,&#8221; tiah a ti na&#243;n anih cun a sawn nawn lo. Cutikah a pasal cun a ruak cu a lak ih laak parah a suan ih a inn ah a tlung. 29A inn a thlen tikah innsung ah a vung lut ih namte a lak. Cule a nupisun ih ruak cu &#7789;hen hleihnih ah a can thluh hnuah Israel ram khuazakip ah a kuat &#7789;heh. 30Cumi a hmutu hmuahhmuah in, &#8220;Hi vek thil kan hmu dah keel lo. Israel mi Izipt ram ihsin kan suah ni ih thokin hivek thil hi a um dah lo a si. Ruat hnik uh! Ziangtal kan tuah lo ding maw?&#8221; tiah an ti cio.</div>
 </div>
 </div>
</div>

Culai ahcun Israel mi pawl cu siangpahrang an nei lo. Efraim tlangpar ram dengah Levi pa pakhat a um ih Judah ram Bethlehem khua ih nunau pakhat a nupisun ah a lak. Voikhat cu a pasal parah a thin a heng ih Bethlehem khua a pa ih hnenah khua a tlan. Cutawkah thla li sung a um. Cule a pasal cu a hnen-um pakhat le a laak pahnih hruai in va leem ih va hruai sal tum in a feh. A nupisun in a pa ih inn ah ṭhatein a rak tlunter. A pa khal in aipuang zetin a rak hmuak. A puzon in a kaih ruangah ni thum sung a caam. A nupisun thawn ti in rawl ei tlang in an riak. Cule a ni linak zingah an tho ih feh dingin an tim an tuah. Asinain a puzon cun a maakpa ih hnenah, “Rawl ei hmaisata hrih uh. Nan ril a rawng pang ding. Nuamte in nan feh leh pei,” tiah a ti.
Curuangah an pu-tu in an totlang ih an in an ei tlang. Cutikah a puzon cun, “Tuihzan cu riak hrih awla nuamzetin um hrih ko aw,” tiah a ti.
Levi pa cu a pok tum thotho; asinain a pu in a kaih ruangah cun a ṭul sal ih zankhat cu a riak sal. A ni nganak zingah a tho ih feh dingin a tim a tuah. Asinain a puzon cun, “Rawnhru tal eita awla nuam huahho in um hrih aw. Simneem na feh leh pei cu,” a ti ih an pahnih cun rawl an ei tlang lala.
Cun Levi mipa le a nupisun le a hnen-um pa cu an pok. Sikhalsehla a nupisun ih pa cun, “Zohhnik, zanlam a si thlang hi; tuihzan cu riak lawlaw hrih aw. A rei hlanah khua a thim cing ding a si. Curuangah tuihzan cu riak hrih awla um huahho hrih aw. Thaizing ah zingpit tein na tho pei ih na tlung leh pei,” tiah a kaih lala.
Asinain Levi mipa cun zankhat riah hrih cu a duh nawn lo ih a nupisun thawn an laak pahnih cu a todan an dan ih an feh suak. Jebus khua (Jerusalem timi) kiang an thlen tikah khua a thim zik thlang ih hnen-umpa in a bawipa ih hnen ahcun, “Ziangah so tuihzan cu hi Jebus khawpi ahhin kan riah mai lo?” tiah a sut.
Cutikah a bawipa in, “Israel miphun an um lonak khua ahcun kan riak lo ding. Kan lan pei ih Gibeah ah kan feh ding. Ra uh, kan feh hrih pei ih Gibeah ah a si lole Ramah ah kan riak pei,” tiah a ti. Curuangah Jebus khua cu an lan ih an feh. Nitlak zawng ah Benjamin phun ih ram sung Gibeah khua ah an thleng. Cuih khua ih riak dingin zinpi ihsin an vung pial. Levi mipa cu khawsungah a feh ih an mual ah a to. Asinain zan riahnak tlun-inn an tong lo.
Culaitak fangah cun patarpa pakhat a lo ih hnaṭuannak ihsin a rung tlung. Cupa ih suahsemnak cu Efraim tlangpar ram asinain Gibeah khua ih a rung ummi a si. Gibeah khuami pawl cu Benjamin miphun an si. Mikhualpa mual ih a to mi cu patarpa in a hmuh tikah, “Khuitawk inso na rat? Khuitawk ah so na feh zik?” tiah a sut.
Cutikah Levi mipa cun, “Judah ram Bethlehem khua ihsin kan ra ih kan umnak Efraim tlangpar ram dengah kan feh ding. Bethlehem ka vung tlawng ih atu cu ka innah ka tlunglam a si. Riahnak dingah khuihman ah tlun-inn kan tong lo. Kan laak hrangah rawl le hrampi kan nei; ka nupisun le keimah le ka hnen-umpa hrang khalah sang le sabitti lamcaw kan nei a si. Kan ṭul mi hmuahhmuah kan nei thluh,” tiah a sawn.
Cutikah patarpa cun, “Hnangam in um awla, ka inn ah rung riak uh. Nan sam mi hmuahhmuah keimah in ka lo pe ding. Hi mual ahcun riak hlah uh,” tiah a ti. Cuih hnuah a inn ahcun a fehpi hai ih an laak pawl cu rawl a pek. Mikhual pawl cu an ke an kholh ih zanriah an ei.
Cutiih nuamzet ih an um laifang ahcun khawsungih mi sualral pawl in an inn cu an kulh ih sangka an run den ih inn neitu patarpa cu, “Na inn ih a tlung mipa cu rak suah aw; a sualpi kan duh a si,” tiah an auh ciamco.
Asinain patarpa cu lengah a va suak ih, “Unaule uh, a si lo. Cubangtuk a sualmi le thil ṭha lo ningsinza cu tuah hlah uh. Hi pa cu ka mikhual a si. I ngai hnik uh; hinah ka fanu fala le hi pa ih nupisun an um. Atu ka rak suahpi pei ih nan minung an si. Nan duh vek in rak tuah in rak sualpi hai uh. Asinain hi patarpa ih par ahcun a ṭha lomi zianghman tuah hram hlah uh,” tiah a leem ciamco. Sikhalsehla a thu cu an ngai duh hrimhrim lo. Curuangah Levi mipa cun a nupisun cu innleng ah an hnen ahcun a hei suah. Cutikah a nupisun cu an kaihrem ih an sualpi ih zanvar in an hmuhsuam.
Zinglam khawfingcat ah nunau nu cu a ra ih patarpa ih inn, a pasal riahnak inn ih sangka kiang a thlen tikah a sawn. Nisuah hnu tiang cutawk ahcun a um lai hrih. A pasal cu zingah a tho ih a innih tlung dingin sangka a hei on tikah a nupisun cu sangka kiangah a kut sangka tlang pawk in a bok kha a hmu. Cutikah a pasal in, “Tho aw, kan feh pei,” tiah a ti naón anih cun a sawn nawn lo. Cutikah a pasal cun a ruak cu a lak ih laak parah a suan ih a inn ah a tlung. A inn a thlen tikah innsung ah a vung lut ih namte a lak. Cule a nupisun ih ruak cu ṭhen hleihnih ah a can thluh hnuah Israel ram khuazakip ah a kuat ṭheh. Cumi a hmutu hmuahhmuah in, “Hi vek thil kan hmu dah keel lo. Israel mi Izipt ram ihsin kan suah ni ih thokin hivek thil hi a um dah lo a si. Ruat hnik uh! Ziangtal kan tuah lo ding maw?” tiah an ti cio.

Listen to THUṬHENTU 19