 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkMAL">
 <div class="chapter ch3" data-usfm="MAL.3">
 <div class="label">3</div><div class="p"> 1 # 
 Mat 11:10; Mak 1:2; Luk 1:76; 7:27 &#8220;G&#596;simi, m na t&#651;mmi m t&#651;mt&#651;m na ka o na gaadi m tuonn&#603; maal suor la nyain. Ka Zugs&#596;b kan&#603; ka ya ieed la na gbirigi k&#603;&#603;n o P&#651;'&#651;sim Yin la na. T&#651;mt&#651;m kan&#603; m&#596;&#596;n n&#596;naar y&#603;la ka ya b&#596;&#596;d o hali la na kena.&#8221; Zugs&#596;b on&#603; an Pa&#331;tita'ar S&#596;b la pian' li.</div><div class="p"> 2 # 
 Joe 2:11; Nie 6:17 &#8220;Amaa an&#596;'&#596;n&#603; na nya&#331;i m&#596;dig daakan ka o kenna la? O ya'a ti nie na an&#596;'&#596;n&#603; na nya&#331;i zi'en&#603;? B&#596;zug&#596; o na nw&#603;n&#603; bugum kan&#603; ka ba ny&#603;ligid k&#651;nt la, b&#603;&#603; ki'ib&#651; kan&#603; ka ba piesid fuud ka li yit nyain la. 3O na zin' w&#651;&#651; on&#603; ny&#603;ligid anzurifa yisid dian'ad n&#603;; o na gaans Levi dim la w&#651;&#651; sanlim n&#603; anzurifa ka ba ny&#603;ligidi yisid dian'ad si'em la. Ala ka Zugs&#596;b la y&#651;'&#651;n na ny&#603; nimban&#603; na m&#596;r piini k&#603;&#603;n o san'an na n&#603; p&#651;pielim. 4Ka Zugs&#596;b la y&#651;'&#651;n na di'e Juda n&#603; Jerusalem dim piini w&#651;&#651; dabisa n&#603; y&#651;ma ban&#603; gaad la da an si'em la.</div><div class="p"> 5&#8220;Li k&#651; yuug&#603; ka m na kena kad saria. M na k&#603;n t&#596;'&#596;t&#596; na di kas&#603;ti p&#596;'&#596;g ba'ab&#651;g&#651;dib la, n&#603; pu'asan'au&#331; n&#603; dausan'au&#331; dim la, n&#603; ban&#603; dit ziri kas&#603;t, n&#603; nimban&#603; filim ka m&#596;&#331;idi ba t&#651;mt&#651;mnib y&#596;&#596;d la, ka mugusid p&#651;k&#596;nya n&#603; kpiibis, ka m&#596;&#331;id saam b&#651;&#651;d la, amaa ka p&#651; z&#596;t man dabiem la.&#8221; Zugs&#596;b on&#603; an Pa&#331;tita'ar S&#596;b la pian' ya.</div><div class="s">Ya faand Wina'am</div><div class="p"> 6&#8220;Mam on&#603; an Zugs&#596;b la, p&#651; tiakida. Alazug&#651; k&#603; ka yanam Jakob yaas p&#651; paam san'au&#331; la. 7Lin yii ya yaanam sa&#331;a sa, ya f&#603;ndig ya ka basi m zi'ela la ka p&#651; d&#596;lisi lii. F&#603;ndigim l&#603;bin&#603; m san'an na ka m m&#603; na f&#603;ndigi l&#603;bi ya san'an na.&#8221; Zugs&#596;b Pa&#331;tita'ar S&#596;b la pian' li.</div><div class="p">&#8220;Amaa ya bu'osid ye, &#8216;Ti na ni&#331; wala f&#603;ndigi l&#603;bi f&#651; san'an na?&#8217;</div><div class="p"> 8&#8220;Ninsaal na nya&#331;i fan' Wina'am? La'an n&#603; wala ya faandim.</div><div class="p">&#8220;Amaa ya bu'osid ye, &#8216;Ti faandif wala-wala?&#8217;</div><div class="p">&#8220;Li an&#603; yanam&#603; p&#651; p&#651;digidi ya la'ad piiga ka yisid yinne tisidim la, b&#603;&#603; tisid piini n&#603; maana lin&#603; nar la. 9N&#596;p&#596;&#596;r b&#603;&#603; yanam n&#603; ya te&#331;gbau&#331; la s&#651;'&#651;lim w&#651;sa zugin b&#596;zug&#596; ya faandim n&#603;. 10M&#596;ri p&#651;&#651;r piiga la w&#651;sa na kp&#603;n'&#603;s la'ad d&#596;&#596;gin la, ka m Yir la na p&#603;'&#603;l n&#603; diib.&#8221; Zugs&#596;b on&#603; an Pa&#331;tita'ar S&#596;b la pian' li. &#8220;Makiminimi g&#596;si ye m k&#651; y&#596;'&#596;g arezana za'an&#596;ya la ka bareka b&#603;deg&#651; sig na ka ya k&#651; ny&#603; d&#596;&#596;di digil&#603;&#603;? 11M na kad b&#651;nv&#651;ya ka ba k&#651; nya&#331;i san'ami ya z&#651;&#651;d la, ka ya tiis ban&#603; b&#603; p&#596;&#596;din la na wal s&#651;'&#651;&#331;a.&#8221; Zugs&#596;b On&#603; an Pa&#331;tita'ar S&#596;b la pian' li. 12&#8220;Ala ka t&#603;&#603;ns la w&#651;sa nidib na buonn&#603; ya ye zus&#651;&#331; dim, b&#596;zug&#596; ya te&#331; la na an&#603; ya'aml&#603;og te&#331;.&#8221; Zugs&#596;b On&#603; an Pa&#331;tita'ar S&#596;b la pian' ya.</div><div class="p"> 13Zugs&#596;b la l&#603;n y&#603;l ye, &#8220;Ya pian'ad pian'ay&#596;&#596;di tisidim, amaa ka bu'os ye, &#8216;Ti pian'af ye b&#596; ka li an p&#596;'&#596;gir&#603;?&#8217;</div><div class="p"> 14&#8220;Ya y&#603;l ye, &#8216;Ti Wina'am d&#596;llim la ka' gbinn&#603;. Tinam&#603; giligidi t&#651;m lin&#603; t&#596;i ka pa'ann&#603; ti s&#651;nsa'a&#331;i tisid Zugs&#596;b On&#603; an Pa&#331;tita'ar S&#596;b la, li ny&#596;&#596;d an b&#596;? 15Amaa g&#596;sima, tita'alim dim la ny&#603;t bareka. Li ka' bi'es&#651;g&#596; t&#651;&#651;mb&#603;'&#603;d dim la ken tuon; hali ban&#603; m&#596;ri ba m&#603;&#331;i pa'asim n&#603; Wina'am la, si'el p&#651; ni&#331;idi baa.&#8217;&#8221;</div><div class="p"> 16Ala ka ban&#603; z&#596;t Zugs&#596;b la da pian' tis taaba, ka Zugs&#596;b la k&#603;lis ka w&#651;m ban y&#603;t si'el la. Ba da s&#596;bi li y&#603;la ni&#331; gbana ni digil o tuon, ka li ti&#603;nd ban&#603; da z&#596;t Zugs&#596;b ka na'asid o y&#651;'&#651;r la y&#603;la.</div><div class="p"> 17Zugs&#596;b On&#603; an Pa&#331;tita'ar S&#596;b la y&#603;l ye, &#8220;Ba na ti lieb man ny&#596;&#596;rin k&#596;nb&#651;g, daakan&#603; ka m ti ye m duoe t&#651;mi m t&#651;&#651;ma la. M na z&#596;&#596; ba nimbaanlig, nw&#603;n&#603; ninsaali z&#596;t o bikan&#603; di'ed o n&#596;&#596;r nimbaanlig si'em la. 18Ani ya'as ka ya na ba&#331; p&#651;pielim dim la n&#603; ban&#603; an bugusim dim la an k&#596;n'&#596;b-k&#596;n'&#596;b si'em, ka m&#603; ny&#603; ban&#603; p&#651;'&#651;sid Wina'am n&#603; ban&#603; zan'as o la.&#8221;</div>
 </div>
 </div>
</div>

“Gɔsimi, m na tʋmmi m tʋmtʋm na ka o na gaadi m tuonnɛ maal suor la nyain. Ka Zugsɔb kanɛ ka ya ieed la na gbirigi kɛɛn o Pʋ'ʋsim Yin la na. Tʋmtʋm kanɛ mɔɔn nɔnaar yɛla ka ya bɔɔd o hali la na kena.” Zugsɔb onɛ an Paŋtita'ar Sɔb la pian' li.
“Amaa anɔ'ɔnɛ na nyaŋi mɔdig daakan ka o kenna la? O ya'a ti nie na anɔ'ɔnɛ na nyaŋi zi'enɛ? Bɔzugɔ o na nwɛnɛ bugum kanɛ ka ba nyɛligid kʋnt la, bɛɛ ki'ibʋ kanɛ ka ba piesid fuud ka li yit nyain la. O na zin' wʋʋ onɛ nyɛligid anzurifa yisid dian'ad nɛ; o na gaans Levi dim la wʋʋ sanlim nɛ anzurifa ka ba nyɛligidi yisid dian'ad si'em la. Ala ka Zugsɔb la yʋ'ʋn na nyɛ nimbanɛ na mɔr piini kɛɛn o san'an na nɛ pʋpielim. Ka Zugsɔb la yʋ'ʋn na di'e Juda nɛ Jerusalem dim piini wʋʋ dabisa nɛ yʋma banɛ gaad la da an si'em la.
“Li kʋ yuugɛ ka m na kena kad saria. M na kɛn tɔ'ɔtɔ na di kasɛti pɔ'ɔg ba'abʋgʋdib la, nɛ pu'asan'auŋ nɛ dausan'auŋ dim la, nɛ banɛ dit ziri kasɛt, nɛ nimbanɛ filim ka mɔŋidi ba tʋmtʋmnib yɔɔd la, ka mugusid pʋkɔnya nɛ kpiibis, ka mɔŋid saam bʋʋd la, amaa ka pʋ zɔt man dabiem la.” Zugsɔb onɛ an Paŋtita'ar Sɔb la pian' ya.

“Mam onɛ an Zugsɔb la, pʋ tiakida. Alazugʋ kɛ ka yanam Jakob yaas pʋ paam san'auŋ la. Lin yii ya yaanam saŋa sa, ya fɛndig ya ka basi m zi'ela la ka pʋ dɔlisi lii. Fɛndigim lɛbinɛ m san'an na ka m mɛ na fɛndigi lɛbi ya san'an na.” Zugsɔb Paŋtita'ar Sɔb la pian' li.
“Amaa ya bu'osid ye, ‘Ti na niŋ wala fɛndigi lɛbi fʋ san'an na?’
“Ninsaal na nyaŋi fan' Wina'am? La'an nɛ wala ya faandim.
“Amaa ya bu'osid ye, ‘Ti faandif wala-wala?’
“Li anɛ yanamɛ pʋ pʋdigidi ya la'ad piiga ka yisid yinne tisidim la, bɛɛ tisid piini nɛ maana linɛ nar la. Nɔpɔɔr bɛɛ yanam nɛ ya teŋgbauŋ la sʋ'ʋlim wʋsa zugin bɔzugɔ ya faandim nɛ. Mɔri pʋʋr piiga la wʋsa na kpɛn'ɛs la'ad dɔɔgin la, ka m Yir la na pɛ'ɛl nɛ diib.” Zugsɔb onɛ an Paŋtita'ar Sɔb la pian' li. “Makiminimi gɔsi ye m kʋ yɔ'ɔg arezana za'anɔya la ka bareka bɛdegʋ sig na ka ya kʋ nyɛ dɔɔdi digilɛɛ? M na kad bʋnvʋya ka ba kʋ nyaŋi san'ami ya zʋʋd la, ka ya tiis banɛ bɛ pɔɔdin la na wal sʋ'ʋŋa.” Zugsɔb Onɛ an Paŋtita'ar Sɔb la pian' li. “Ala ka tɛɛns la wʋsa nidib na buonnɛ ya ye zusʋŋ dim, bɔzugɔ ya teŋ la na anɛ ya'amlɛog teŋ.” Zugsɔb Onɛ an Paŋtita'ar Sɔb la pian' ya.
Zugsɔb la lɛn yɛl ye, “Ya pian'ad pian'ayɔɔdi tisidim, amaa ka bu'os ye, ‘Ti pian'af ye bɔ ka li an pɔ'ɔgirɛ?’
“Ya yɛl ye, ‘Ti Wina'am dɔllim la ka' gbinnɛ. Tinamɛ giligidi tʋm linɛ tɔi ka pa'annɛ ti sʋnsa'aŋi tisid Zugsɔb Onɛ an Paŋtita'ar Sɔb la, li nyɔɔd an bɔ? Amaa gɔsima, tita'alim dim la nyɛt bareka. Li ka' bi'esʋgɔ tʋʋmbɛ'ɛd dim la ken tuon; hali banɛ mɔri ba mɛŋi pa'asim nɛ Wina'am la, si'el pʋ niŋidi baa.’”
Ala ka banɛ zɔt Zugsɔb la da pian' tis taaba, ka Zugsɔb la kɛlis ka wʋm ban yɛt si'el la. Ba da sɔbi li yɛla niŋ gbana ni digil o tuon, ka li tiɛnd banɛ da zɔt Zugsɔb ka na'asid o yʋ'ʋr la yɛla.
Zugsɔb Onɛ an Paŋtita'ar Sɔb la yɛl ye, “Ba na ti lieb man nyɔɔrin kɔnbʋg, daakanɛ ka m ti ye m duoe tʋmi m tʋʋma la. M na zɔɔ ba nimbaanlig, nwɛnɛ ninsaali zɔt o bikanɛ di'ed o nɔɔr nimbaanlig si'em la. Ani ya'as ka ya na baŋ pʋpielim dim la nɛ banɛ an bugusim dim la an kɔn'ɔb-kɔn'ɔb si'em, ka mɛ nyɛ banɛ pʋ'ʋsid Wina'am nɛ banɛ zan'as o la.”

Listen to Malakai 3