Ekegusii - 1990 KENBS (NT) Drama

<div class="version vid2771 iso6393guz" data-vid="2771" data-iso6393="guz">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s1">Obotomwa bw&#8217;aborokigwa emerongo etano na ebere</div><div class="p"> 1Nyuma ase aya Omonene agachora abande emerongo etano na ebere, akabatoma babere babere bamotang&#8217;anere kogenda kera omochie na kera aase arengereretie kogenda ere omonyene. 2Akabatebia, &#8220;Rigesa nerinene, korende abakori emeremo nabake; gaki mosabe Omonene bwe rigesa atome abakori emeremo ase rigesa riaye. 3Bwatia enchera; rigereria, nabatomire inwe buna chimanwa chie ching&#8217;ondi gati&#8208;gati ye chisese chi&#8217;orosana. 4Timobogoria ekemoya, gose esaro, gose ebikoroto; gose timokwania monto nchera. 5Na enyomba ende yonsi morasoe, ritang&#8217;ani mobore: Omorembe obe ase enyomba eye. 6Onye omonto bw&#8217;omorembe oreo, omorembe oino noikaranse asare; korende onye taibo, nobairanere inwe. 7Mobeere ase enyomba eyio, morie na konywa ebi bakobaa, ekiagera omokori emeremo nagwenerete aegwe eng&#8217;eria yaye. Timoetanana enyomba ase enyomba. 8Na omochie onde bwonsi morasoe, kobarabaroisie, karie eki barabae. 9Mogwenie abarwaire abareo, batebie: Oboruoti bwa Nyasae bwabaikeire ang&#8217;e. 10Kero kende gionsi mogosoa omochie, na barabwo batabaroiseti, soka korwa aroro, eta ase chinchera chiaye, motebe: 11Nonya norotu rw&#8217;omochie oino rwabwatereire amagoro aito twarwabusire asemore, korende manya aya, ng&#8217;a oboruoti bwa Nyasae bwaikire ang&#8217;e. 12Nabatebirie, nabe aororo ase Sodomu ase rituko riria kobua omochie oria.&#8221;</div><div class="s1">Okoragererigwa ase emechie etari nokwegena</div><div class="r">(Mat 11:20&#8211;24)</div><div class="p"> 13&#8220;Obobe nobwao, Korasin! Obobe nobwao, Bethisaida! Ekiagera onye mbiakoregete ase Turo na Sidoni ebikone bie chinguru ebiakoregete asemore, abanto b&#8217;aroro anga mbaonchogete kare na goikaransa babegete chianga chie chigunia na beagete ribu. 14Korende nebe aororo ase Turo na Sidoni ase rituko riria ri&#8217;ekina kobua asemore. 15Naye Kapernaumu, noimokererigwe igoro? Noche goikigwa goika Eora y&#8217;amakweri.</div><div class="p"> 16&#8220;Oyorabaigwere inwe, nanyigwere nainche, na ere oyorabaange inwe, onyangire nainche, na ere oyoranyange inche, omwangire ere oyontomete.&#8221;</div><div class="s1">Okoirana kwa baria emerongo etano na ebere</div><div class="p"> 17Baria emerongo etano na ebere bakairana nomogoko, bagateba, &#8220;Omonene, nonya nebirecha biatoigwereire ase erieta riao.&#8221;</div><div class="p"> 18Akabatebia, &#8220;Naroche Saitani okogwa korwa igoro buna okomesa. 19Rora, nabaeire okobua gotindacha ching&#8217;iti chionsi, na ebiuge, ne chinguru chionsi chi&#8217;oria omobisa; gose gento kende tikeri kerabaite. 20Nonya nabo timogoka ase aya, ng&#8217;a ebirecha biabaigwereire, korende goka ekiagera amarieta aino arikirwe igoro.&#8221;</div><div class="s1">Okoiraneria kwa Yeso ng&#8217;a mbuya mono</div><div class="r">(Mat 11:25&#8211;27; 13:16&#8211;17)</div><div class="p"> 21Ase ekero keria Yeso agasasoka ase Omoika Omochenu, akabora, &#8220;Nakobakire aye Tata, Omonene o igoro na ense, ng&#8217;a kwabisire amang&#8217;ana aya ase abare nobong&#8217;aini ne chisemi, na koyamaanora ase abana abake. Ee, Tata, oko nakwo kwarenge ogwancha kwao okuya. 22Naeirwe ebinto bionsi na Tata one; monto onde tari omomanyete Omwana gose nere ng&#8217;o, otatiga Tata, gose Tata nere ng&#8217;o, otatiga Omwana, na onde bwensi Omwana anchire komoorokeria.&#8221;</div><div class="p"> 23Akeonchorera aborokigwa baye, akabatebia bobisi, &#8220;Nasesenirie amaiso aya arorire aya mwarorire inwe! 24Naki nabatebirie, ababani abange na abaruoti bakarigia korora aya mwarorire inwe, tibayarora, na koigwa aya mwaigure, tibayaigwa.&#8221;</div><div class="s1">Buna okonyora obogima bwa kare na kare</div><div class="r">(Mat 22:34&#8211;40; Mar 12:28&#8211;31)</div><div class="p"> 25Na rora, omworokia bw&#8217;amachiko agatenena okomoteema, okobora, &#8220;Omworokia, inki ndakore nyore obogima bwa kare na kare?&#8221;</div><div class="p"> 26Ere akamoboria, &#8220;Ase amachiko inki kerikire? Naki ogosoma?&#8221;</div><div class="p"> 27Akairaneria, &#8220;Mwanche Omonene Nyasae oo nenkoro yao yonsi, na omoyo oo bwonsi, ne chinguru chiao chionsi, na obong&#8217;aini bwao bwonsi, na omogisangio oo buna bweanchete.&#8221;</div><div class="p"> 28Akamotebia, &#8220;Kwairaneirie buya. Kora iga, nario orachie kare.&#8221;</div><div class="s1">Omoreng&#8217;anio bw&#8217;Omosamaria omuya</div><div class="p"> 29Omonto oria akarigia gwekora omonyene oboronge, akaboria Yeso, &#8220;Omogisangio one nere ng&#8217;o?&#8221;</div><div class="p"> 30Yeso akairaneria, &#8220;Narenge omonto ore gotirimboka korwa Yerusalemu kogenda Yeriko. Ere akaumera abauri, na barabwo bakamoumokera, bakamorusia chianga, bakamoaka chingoma, bakagenda, bakamotiga oisire gokwa. 31Ekaba agwo omokuani oyomo akaoroka, ogoeta ase enchera eria, akamorora, agaeta ensemo. 32Na Omolawi boigo agachia goika aase aria, akamorora; nere agaeta ensemo. 33Korende Omosamaria oyomo, kagoeta, agacha aase arenge; ere agachia komorora, akamororera amabera. 34Nabo akamoika ang&#8217;e, akamoboa chingoma chiaye, akamoaka amaguta na edivai; akamoriinia ase etigere yaye igoro, akamoira ase enyomba y&#8217;abageni, akamorwaria. 35Goika mambia yaye akarua chisiringi ibere, akaa omonyene enyomba, akamotebia: Morende buya; na kende gionsi orarue kobua, kondairane naende, ningoakane. 36Naki rende oroche ase abaiga batato, norori orenge omogisangio oye ere oyogwete ase amaboko &#8217;abauri?&#8221;</div><div class="p"> 37Akabora, &#8220;Noria omororerete amabera.&#8221;</div><div class="p">Yeso akamotebia, &#8220;Genda naye okore boigo.&#8221;</div><div class="s1">Martha na Mariamu</div><div class="p"> 38Bagachia koba nkogenda bare, agasoa ase agachie akamo, na omokungu oyomo, erieta riaye Martha, akamoroisia nyomba mwaye. 39Ere narenge nomosubati omwabo ore korokwa Mariamu. Mariamu nigo aikaransete ase amagoro a Yeso, okoigwa amang&#8217;ana aye. 40Korende Martha nigo arenge gochandeka ase ogokora okonge, akamochiera, akabora, &#8220;Omonene, torochi aye buna oyominto antigire ngokora kera egento inche bweka? Motebie ankonye.&#8221;</div><div class="p"> 41Omonene akamoiraneria, &#8220;Martha, Martha, nigo okwerosia na gweichania ase engencho y&#8217;ebinto ebinge, 42korende egento ekemo gioka keganeirie. Mariamu ochorire ensemo ere engiya, eye ataurwe nonde.&#8221;</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Nyuma ase aya Omonene agachora abande emerongo etano na ebere, akabatoma babere babere bamotang’anere kogenda kera omochie na kera aase arengereretie kogenda ere omonyene. Akabatebia, “Rigesa nerinene, korende abakori emeremo nabake; gaki mosabe Omonene bwe rigesa atome abakori emeremo ase rigesa riaye. Bwatia enchera; rigereria, nabatomire inwe buna chimanwa chie ching’ondi gati‐gati ye chisese chi’orosana. Timobogoria ekemoya, gose esaro, gose ebikoroto; gose timokwania monto nchera. Na enyomba ende yonsi morasoe, ritang’ani mobore: Omorembe obe ase enyomba eye. Onye omonto bw’omorembe oreo, omorembe oino noikaranse asare; korende onye taibo, nobairanere inwe. Mobeere ase enyomba eyio, morie na konywa ebi bakobaa, ekiagera omokori emeremo nagwenerete aegwe eng’eria yaye. Timoetanana enyomba ase enyomba. Na omochie onde bwonsi morasoe, kobarabaroisie, karie eki barabae. Mogwenie abarwaire abareo, batebie: Oboruoti bwa Nyasae bwabaikeire ang’e. Kero kende gionsi mogosoa omochie, na barabwo batabaroiseti, soka korwa aroro, eta ase chinchera chiaye, motebe: Nonya norotu rw’omochie oino rwabwatereire amagoro aito twarwabusire asemore, korende manya aya, ng’a oboruoti bwa Nyasae bwaikire ang’e. Nabatebirie, nabe aororo ase Sodomu ase rituko riria kobua omochie oria.”


“Obobe nobwao, Korasin! Obobe nobwao, Bethisaida! Ekiagera onye mbiakoregete ase Turo na Sidoni ebikone bie chinguru ebiakoregete asemore, abanto b’aroro anga mbaonchogete kare na goikaransa babegete chianga chie chigunia na beagete ribu. Korende nebe aororo ase Turo na Sidoni ase rituko riria ri’ekina kobua asemore. Naye Kapernaumu, noimokererigwe igoro? Noche goikigwa goika Eora y’amakweri.
“Oyorabaigwere inwe, nanyigwere nainche, na ere oyorabaange inwe, onyangire nainche, na ere oyoranyange inche, omwangire ere oyontomete.”

Baria emerongo etano na ebere bakairana nomogoko, bagateba, “Omonene, nonya nebirecha biatoigwereire ase erieta riao.”
Akabatebia, “Naroche Saitani okogwa korwa igoro buna okomesa. Rora, nabaeire okobua gotindacha ching’iti chionsi, na ebiuge, ne chinguru chionsi chi’oria omobisa; gose gento kende tikeri kerabaite. Nonya nabo timogoka ase aya, ng’a ebirecha biabaigwereire, korende goka ekiagera amarieta aino arikirwe igoro.”


Ase ekero keria Yeso agasasoka ase Omoika Omochenu, akabora, “Nakobakire aye Tata, Omonene o igoro na ense, ng’a kwabisire amang’ana aya ase abare nobong’aini ne chisemi, na koyamaanora ase abana abake. Ee, Tata, oko nakwo kwarenge ogwancha kwao okuya. Naeirwe ebinto bionsi na Tata one; monto onde tari omomanyete Omwana gose nere ng’o, otatiga Tata, gose Tata nere ng’o, otatiga Omwana, na onde bwensi Omwana anchire komoorokeria.”
Akeonchorera aborokigwa baye, akabatebia bobisi, “Nasesenirie amaiso aya arorire aya mwarorire inwe! Naki nabatebirie, ababani abange na abaruoti bakarigia korora aya mwarorire inwe, tibayarora, na koigwa aya mwaigure, tibayaigwa.”


Na rora, omworokia bw’amachiko agatenena okomoteema, okobora, “Omworokia, inki ndakore nyore obogima bwa kare na kare?”
Ere akamoboria, “Ase amachiko inki kerikire? Naki ogosoma?”
Akairaneria, “Mwanche Omonene Nyasae oo nenkoro yao yonsi, na omoyo oo bwonsi, ne chinguru chiao chionsi, na obong’aini bwao bwonsi, na omogisangio oo buna bweanchete.”
Akamotebia, “Kwairaneirie buya. Kora iga, nario orachie kare.”

Omonto oria akarigia gwekora omonyene oboronge, akaboria Yeso, “Omogisangio one nere ng’o?”
Yeso akairaneria, “Narenge omonto ore gotirimboka korwa Yerusalemu kogenda Yeriko. Ere akaumera abauri, na barabwo bakamoumokera, bakamorusia chianga, bakamoaka chingoma, bakagenda, bakamotiga oisire gokwa. Ekaba agwo omokuani oyomo akaoroka, ogoeta ase enchera eria, akamorora, agaeta ensemo. Na Omolawi boigo agachia goika aase aria, akamorora; nere agaeta ensemo. Korende Omosamaria oyomo, kagoeta, agacha aase arenge; ere agachia komorora, akamororera amabera. Nabo akamoika ang’e, akamoboa chingoma chiaye, akamoaka amaguta na edivai; akamoriinia ase etigere yaye igoro, akamoira ase enyomba y’abageni, akamorwaria. Goika mambia yaye akarua chisiringi ibere, akaa omonyene enyomba, akamotebia: Morende buya; na kende gionsi orarue kobua, kondairane naende, ningoakane. Naki rende oroche ase abaiga batato, norori orenge omogisangio oye ere oyogwete ase amaboko ’abauri?”
Akabora, “Noria omororerete amabera.”
Yeso akamotebia, “Genda naye okore boigo.”

Bagachia koba nkogenda bare, agasoa ase agachie akamo, na omokungu oyomo, erieta riaye Martha, akamoroisia nyomba mwaye. Ere narenge nomosubati omwabo ore korokwa Mariamu. Mariamu nigo aikaransete ase amagoro a Yeso, okoigwa amang’ana aye. Korende Martha nigo arenge gochandeka ase ogokora okonge, akamochiera, akabora, “Omonene, torochi aye buna oyominto antigire ngokora kera egento inche bweka? Motebie ankonye.”
Omonene akamoiraneria, “Martha, Martha, nigo okwerosia na gweichania ase engencho y’ebinto ebinge, korende egento ekemo gioka keganeirie. Mariamu ochorire ensemo ere engiya, eye ataurwe nonde.”

Listen to LUKA 10