Quichua Cañar Highland - 2016 Edition (NT) Non-Drama

Traducción bíblica: Quichua Cañar Highland © Sociedades Bíblicas Unidas de Ecuador 2010 Grabación de la Biblia Quichua Cañar Highland: ℗ 2016 Hosanna

Quichua Cañar Highland - 2016 Edition (Non-Drama NT)

Quichua Cañar Highland - 2016 Edition (Drama NT)

<div class="version vid261 iso6393qxr" data-vid="261" data-iso6393="qxr">
 <div class="book bk1CO">
 <div class="chapter ch12" data-usfm="1CO.12">
 <div class="label">12</div><div class="s1">Diospac Esp&#237;ritu imacunallata ruhuachic cashcamanta</div><div class="p"> 1Cuyashca criccuna, Diospac Esp&#237;ritu imacunallata ruhuachic cashcataca yachanami canguichic.</div><div class="p"> 2Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi. 3Chaimanta Diospac Esp&#237;ritu maijanta rimachicucpica mana: &#171;Jesusca ima llaqui tucuchun&#187; ninmanchu. Shinallatac maijanpish Diospac Esp&#237;ritu mana rimachicucpica mana: &#171;Jesusca Mandacmi&#187; ninmanchu.</div><div class="p"> 4Tandanacushca criccunapurapica, tucuilaya ruhuaccunami tiyan. Shina cacpipish Diospac Espiritullami chaicunataca ruhuachin. 5Tucuilayata ruhuashpa servinami tiyan. Shina cacpipish, tucui chaicunataca Apunchic Jesusllami ruhuachicun. 6Tucuilaya ruhuaicunami tiyan. Shina cacpipish, Diosllatacmi tucuita ruhuachicun. 7Diosca, paipac Esp&#237;ritu tucuipac allipac allicunata ruhuachic cashcatami ricuchin. 8Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun. 9Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan. 10Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Esp&#237;ritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan. 11Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.</div><div class="s1">Tandanacushca criccunaca shuc cuerpo shina cashcamanta</div><div class="p"> 12Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can. 13Chaica, tucui &#241;ucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.</div><div class="p"> 14Cuerpoca mana shuc partellatachu charin, ashtahuanpish chican chican partecunatami charin. 15Chaquica: &#8220;&#209;ucaca mana maquichu cani, chaimanta, mana cuerpopacchu cani&#8221; mana ningachu. Shina nishpapish, cuerpopac canataca mana saquinchu. 16Ringripish: &#8220;&#209;ucaca mana &#241;ahui cashcamantaca, mana cuerpopacchu cani&#8221; nishpapish, cuerpopac canataca mana saquinchu. 17Tucui cuerpo &#241;ahuilla cacpica, &#191;ima shinatac uyanchicman? Tucui cuerpo ringrilla cacpica, &#191;ima shinatac mutquinchicman? 18Ashtahuanpish Diosca chican chican partecunatami, maipimi alli cana cacpi cuerpopica churashca. 19Tucui cuerpo shuc parte shinalla cacpica, &#241;a mana cuerpo shina canmanchu. 20Chashna cuerpopi chican chican partecuna tiyacpipish, cuerpoca shucllami.</div><div class="p"> 21&#209;ahuica maquitaca: &#8220;Cantaca mana ninichu&#8221; nishpaca, mana ninmanchu. Umapish chaquitaca: &#8220;Cantaca mana ninichu&#8221; mana ninmanchu. 22Ashtahuanpish imapacpish mana valic partemi, cuerpopacca mai valic can. 23Maijanmi yangalla cac partetami ashtahuan cuidarishpa, alli churarinchic. Shinallatac maijanmi pinganayaclla cac partetami, tucuimanta yalli jarcarishpa churarinchic. 24Ashtahuanpish tucui mashna ricunalla partecunataca, mana jarcarinachu. Diosca yangalla cac parteta ashtahuan jarcarichunmi, cuerpotaca ruhuashca. 25Cuerpopi tiyac partecuna ama chicanyarinacushpa, caishuc chaishuc ayudanacuchunmi, chashnaca ruhuashca. 26Cuerpopi shuc parte llaqui tucucpica, caishuc partecunapish llaquirinmi. Shinallatac shuc parte allita japicpica, tucui partemi cushicun.</div><div class="p"> 27Cancunaca Cristopac cuerpo shina cashpami, chican chican partecuna canguichic. 28Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan. 29Mana tucuichu apostolcuna, Dios ima nishcata huillaccuna, yachachiccuna, milagrocunata ruhuaccuna can. 30Shinallatac mana tucuichu ungushcacunata jambiccuna, jaicapi mana uyashca rimaita rimaccuna, shinallatac chai rimashca imata nisha nicushcata entendichiccuna can. 31Tucui caicunamantaca, imapish ashtahuan valishca ruhuaicunata ruhuanata munaichic. Shina cacpipish tucui caicunamanta yallica, ashtahuan alli causanatami &#241;ucaca yachachigrini.</div>
 </div>
 </div>
</div>

Cuyashca criccuna, Diospac Espíritu imacunallata ruhuachic cashcataca yachanami canguichic.
Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi. Chaimanta Diospac Espíritu maijanta rimachicucpica mana: «Jesusca ima llaqui tucuchun» ninmanchu. Shinallatac maijanpish Diospac Espíritu mana rimachicucpica mana: «Jesusca Mandacmi» ninmanchu.
Tandanacushca criccunapurapica, tucuilaya ruhuaccunami tiyan. Shina cacpipish Diospac Espiritullami chaicunataca ruhuachin. Tucuilayata ruhuashpa servinami tiyan. Shina cacpipish, tucui chaicunataca Apunchic Jesusllami ruhuachicun. Tucuilaya ruhuaicunami tiyan. Shina cacpipish, Diosllatacmi tucuita ruhuachicun. Diosca, paipac Espíritu tucuipac allipac allicunata ruhuachic cashcatami ricuchin. Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun. Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan. Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan. Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.

Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can. Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.
Cuerpoca mana shuc partellatachu charin, ashtahuanpish chican chican partecunatami charin. Chaquica: “Ñucaca mana maquichu cani, chaimanta, mana cuerpopacchu cani” mana ningachu. Shina nishpapish, cuerpopac canataca mana saquinchu. Ringripish: “Ñucaca mana ñahui cashcamantaca, mana cuerpopacchu cani” nishpapish, cuerpopac canataca mana saquinchu. Tucui cuerpo ñahuilla cacpica, ¿ima shinatac uyanchicman? Tucui cuerpo ringrilla cacpica, ¿ima shinatac mutquinchicman? Ashtahuanpish Diosca chican chican partecunatami, maipimi alli cana cacpi cuerpopica churashca. Tucui cuerpo shuc parte shinalla cacpica, ña mana cuerpo shina canmanchu. Chashna cuerpopi chican chican partecuna tiyacpipish, cuerpoca shucllami.
Ñahuica maquitaca: “Cantaca mana ninichu” nishpaca, mana ninmanchu. Umapish chaquitaca: “Cantaca mana ninichu” mana ninmanchu. Ashtahuanpish imapacpish mana valic partemi, cuerpopacca mai valic can. Maijanmi yangalla cac partetami ashtahuan cuidarishpa, alli churarinchic. Shinallatac maijanmi pinganayaclla cac partetami, tucuimanta yalli jarcarishpa churarinchic. Ashtahuanpish tucui mashna ricunalla partecunataca, mana jarcarinachu. Diosca yangalla cac parteta ashtahuan jarcarichunmi, cuerpotaca ruhuashca. Cuerpopi tiyac partecuna ama chicanyarinacushpa, caishuc chaishuc ayudanacuchunmi, chashnaca ruhuashca. Cuerpopi shuc parte llaqui tucucpica, caishuc partecunapish llaquirinmi. Shinallatac shuc parte allita japicpica, tucui partemi cushicun.
Cancunaca Cristopac cuerpo shina cashpami, chican chican partecuna canguichic. Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan. Mana tucuichu apostolcuna, Dios ima nishcata huillaccuna, yachachiccuna, milagrocunata ruhuaccuna can. Shinallatac mana tucuichu ungushcacunata jambiccuna, jaicapi mana uyashca rimaita rimaccuna, shinallatac chai rimashca imata nisha nicushcata entendichiccuna can. Tucui caicunamantaca, imapish ashtahuan valishca ruhuaicunata ruhuanata munaichic. Shina cacpipish tucui caicunamanta yallica, ashtahuan alli causanatami ñucaca yachachigrini.

Listen to 1 CORINTIOS 12