If you have would like a copy of this version please contact info@davarpartners.com

The Lusamia-Lugwe Bible

<div class="version vid2366 iso6393lsm" data-vid="2366" data-iso6393="lsm">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu aleetwa emberi wa Pilato</div><div class="r">(Mat 27:1-2,11-14; Mrk 15:1-5; Yow 18:28-38)</div><div class="p"> 1Mani omukaanda okwo kwoosi kweemao kwasiingira, kwamuleeta emberi wa Pilato. 2Nibachaaka ohumuwabira nibaboola bati, &#8220;Hubukaanire omusaacha wuno naali ohudoondobaniaanga esyaalo syeefwe, haandi naali ohutukaania ohutooyaanga omusolo eyiri Kaisaari, haandi n'aboola ati omweene niye Kristo haandi niye Omutuki.&#8221; 3Nae Pilato yamuteeba ati, &#8220;Niiwe omutuki w'Abayudaaya?&#8221; Nae yamukobolamo ati, &#8220;Niiwe oboolere otyo.&#8221; 4Pilato yaboolera abalaamisi bahuluundu alala neende emikaanda ch'abaandu ati, &#8220;Ese haba simbonaho omusaango kwoosi hu musaacha wuno.&#8221; 5Nabo baangalala sa nibaboola bati, &#8220;Asaangulasa abaandu, naabitira mu njekesa yae mu Yudea mwoosi, ohutulira Galilaaya ohwoolera elalira kata ano wosi.&#8221;</div><div class="s">Yesu ayirwa eyiri Herode</div><div class="p"> 6Nae Pilato niyawulira atyo, yateeba ohumanya omusaacha wuno yali Omugalilaaya. 7Mani niyamanya ati, hane Yesu atula mu butuki wa Herode, yamuyira eyiri Herode, owali yesi naali mu Yerusalemu esiha syeene esyo. 8Nae Herode niyabona Yesu, yasangaala muno, olwohuba yali yekomba luleeyi ohumubona, olwohuba yali namuwuliraangaho sa, mani yali nasuubiraanga ohubonaho ebilolero bwahola. 9Yamuteeba ebiindu biingi muno, nae omweene yahaya ohumukobolamo kata silala. 10Abalaamisi bahuluundu alala neende Abaandiiki b'Amalako nabo badoong'a sa nibeemere ao nibedinyiisye ohumutaaho omusaango. 11Nae Herode alala neende abalwaani bae beecha bachaaka ohumusaandya nibamuhomoolera; mani nibamufwaasa engubo ch'obuyaayi nibamala nibamukalusa eyiri Pilato. 12Mani ohuchaakira abweene ao, ni Herode neende Pilato bachaakirao ohuba abeecha haandi, olwohuba enyuma eyo bali nibasyuulana sa.</div><div class="s">Yesu aheengerwa omusaango kw'ohufwa</div><div class="r">(Mat 27:15-26; Mrk 15:6-15; Yow 18:39&#8212;19:16)</div><div class="p"> 13Bulaanu, Pilato yeecha yabuusa alala abalaamisi bahuluundu neende abatuki neende abaandu baandi, 14yababoolera ati, &#8220;Muundeteere omusaacha wuno koti oyo owali n'adoondobania abaandu; nae nimalire ohumuyaasa mu moni weeng'we, boneho, ese haba siinyalire ohumunyoolaho omusaango kwoosi hweebyo byoosi bi mubeere mumwekanyiisaho; 15kata neende Herode yesi atyo, sakira atukalusiire omusaacha wuno haandi. Boneho, sibulao esiindu syoosi esihoyera ohufwa syaholereho daawe; 16Mani ese njia ohumunaalaho ehoba budiidi, mani male mulehuule yeweereo.&#8221; [17Nae bulaanu yali n'ahoyera ohubalehuulira omuundu mulala hu ludaalo lw'esidyaalo.]</div><div class="p"> 18Nae boosi bahuumira alala nibaboola bati, &#8220;Mwiite omuundu wuno, mani mutuboololere Bbarabba&#8221; 19omusaacha yali yasukunibwa mu jeela hulw'ahasasakamalo hali hakwiireo mu siko sihuluundu haandi neende hulw'obwiiti, 20Pilato haandi yababoolera a ehabi liindi, n'adaha aboolole Yesu; 21nae haandi bahuumira mu kono ly'aakulu nibaboola bati, &#8220;Mumubaambe sa, mumubaambe!&#8221; 22Haandi ehabi lyohudatu, Pilato yeecha yababoolera ati, &#8220;Lwasiina, sibi siina syeene sy'aholere? Haba simubweeneho omusaango kwoosi okuhoyera ohufwa; Mani sakira, njia sa ohumunaalaho ehoba mani nyemeo mulehuule.&#8221; 23Nae bali neende amayiingi maangi muno nibamusaba nibehuuma bati ahoyere ohubaambwa. Mani amakono kaabwe keecha kayiingira. 24Pilato yaheenga omusaango ati ohudaha hw'abaandu nihwo ohuba huholerweho. 25Pilato yalehuula omusaacha oyo owali yasukunwa mu jeela hulw'ohusaasakamala hwali hukwiireo mu siko sihuluundu neende hulw'obwiiti, yibali nibasabire; nae yahola Yesu koti lu bali badahire.</div><div class="s">Yesu abaambwa hu musalabba</div><div class="r">(Mat 27:32-44; Mrk 15:21-32; Yow 19:17-27)</div><div class="p"> 26Mani koti lubali hu bamutusa ao, baakwa hu Simooni wuundi Omusireeni, owali n'akobola mu siko n'atula mu ngoongo bamudwiiha omusalabba yakukiinga n'aloonda hu Yesu. 27Enyuma wae esidiiyiha sihoongo esy'abaandu syamuloondaho neende omuhunu kw'abahasi abali nibachereenjesa nibamulira. 28Nae Yesu niyakaluuhana yabalingaala, yaboola ati, &#8220;Abahaana ba Yerusalemu, mutandirira haba, nae mwelirire abeene, haandi mulirire abaana beeng'we. 29Olwohuba bone, endaalo mbao chiicha, chibahabooleremo bati, &#8216;Bali neende ehabi abakuumba, neende enda chiteebulaho omwaana yeesi, haandi neende embeere chitanuuniaho haba!&#8217; 30#Hos 10:8; Hubwi 6:16. Bahachaake ohuboolera engulu bati, &#8216;Mutukweeho;&#8217; haandi ohuboolera ebigulu bati, &#8216;Mutufuunihe.&#8217; 31Olwohuba nibahola bati omusaala nikusisiiri omubisi, byahabe bitye nikwahabe kwoomere?&#8221;</div><div class="p"> 32Bayira abasaacha babiri baandi abali abeebi babeetere alala neende Yesu. 33Nae niboola abuundu alaangwa ati, Esyangaanga, ao niwo yibabaamba Yesu hu musalabba alala neende abeebi babiri abo, mulala hu muhono muluungi, nae owuundi hu muhono kwae mukaada. 34#Sab 22:18. Yesu yaboola ati, &#8220;Laata, balehere; olwohuba bakoterwe bi bahola.&#8221; #23:34 Yesu yaboola ati: Laata, balehere; olwohuba bakoterwe bi bahola: Ebyandiiko bihuluundu bihale biindi bileha emboosi chino. Bulaanu beemao baahubba eha yohukabanira engubo chae. 35#Sab 22:7. Abaandu bali nibeemere ao nibabalingaalire; nae abatuki bamucheha nibamudyabuhira nibaboola bati, &#8220;Yaonia abaandi; mani leha yewonie omweene, naaba naali Kristo wa Nasaae, Omulobole wae Mweene!&#8221; 36#Sab 69:21. Ab'amaye bosi bamuhoomolera, nibeecha yaali nibamuba efiini yihaliihe, 37mani nibaboola bati, &#8220;Nooba nooli Omutuki w'Abayudaaya, wewonie omweene!&#8221; 38Beecha baata obwandiike buno aakulu wae, #23:38 obwandiike buno aakulu wae: Ebyandiiko bihuluundu bihale biindi bimeedaho biti, &#8216;mu nukuta ch'Olugiriki neende mu Lulatini neende mu Luibburania.&#8217; echisoma chiti, &#8220;Wuno niye Omutuki w'Abayudaaya.&#8221;</div><div class="p"> 39Mulala hu beebi babiri abali bosi nibabaambirwe alala nae ao yahabuhira Yesu n'aboola ati, &#8220;Ewe haba siniiwe Kristo? Weewonie omweene neende efwe fwesi!&#8221; 40Nae owuundi oyo nae yaalabira owaasye oyo n'aboola ati, &#8220;Ewe haba sotyaaho Nasaae, nga wesi oheengerwe sa omusaango nasilala nae? 41Nae ese naawe huhoyera sa ohuholwa huti; olwohuba efwe huli sa ohunyoola omukabo kuhoyera ebiholwa byeefwe bibi; nae omusaacha wuno nae haba saaholereho esiindu sitahoyera syoosi.&#8221; 42Yaboola ati, &#8220;Wama Yesu, wunjichulisaangaho niwiingira mu bwaami bwao.&#8221; 43Nae Yesu yamuboolera ati, &#8220;Mubwadyeeri bweene, ndi ohuhuboolera endi, nyaanga yino ochia ohuba naange mu Paradiiso.&#8221;</div><div class="s">Ohufwa hwa Yesu</div><div class="r">(Mat 27:45-56; Mrk 15:33-41; Yow 19:28-30)</div><div class="p"> 44 # 
 Hut 26:31-33. Ebiha bino byali nibiri aambi w'esaa chisaasaba mani esiirima syeecha syadiira esyaalo syoosi ohwoola esaa chitaanu-na-chine, 45omubasu nikuhayire ohufwa; epasya yadembaanga mu Nyuumba ya Nasaae yeecha yataanduhamo habiri. 46#Sab 31:5. Yesu yalira mu kono ly'aakulu, yaboola ati, &#8220;Laata, ngeeng'a omwooyo kwaange mu mahono kao!&#8221; Yesu niyamala ohuboola atyo, yayeera omuuya kwae kumaliirihayo. 47Nae bulaanu, omumaye muhuluundu niyamala ohubona ebyo byoosi ebyaholehana, yaafumia Nasaae, mani yamala yaboola ati, &#8220;Ataali ohukana-kana, omusaacha wuno abeere omulai mweene!&#8221; 48Abweene-na-bweene ao, ebidiiyiha byoosi ebyali nibyebuusiire ao ohubonaho ebyo, nibabona ebyaholehana ebyo byoosi, bakobola mu madaala kaabwe nibehuya hu birifu. 49#Luk 8:2,3. Abaandu bali bamumanyirira boosi, alala neende abahasi bali bamuloondereho ohutula Galilaaya beecha beema eyale mani babona bulai muno ebiindu bino.</div><div class="s">Ohusiihwa hwa Yesu</div><div class="r">(Mat 27:57-61; Mrk 15:42-47; Yow 19:38-42)</div><div class="p"> 50Bulaanu waliwo omusaacha olaangwa ati, Yosefu otula mu siko sya Buyudea silaangwa siti Arimatea. Yali mulala hu b'oluhiiho, haandi yali omusaacha mulai haandi omuluungifu muno, 51yali natafukiirisaanie neende ebichiiririrwa neende ebiholwa bibi by'abaasye, haandi yali n'aliindiriire Obwaami bwa Nasaae bwiiche. 52Omusaacha wuno yacha eyiri Pilato, mani yaamusaba omubiri kwa Yesu. 53Yakwanula, yakuboya mu suuka ly'elaasi lya rachaari, mani yamwalisa mu ng'ani yabaachwa mu lwaanda yi bali basisiiri ohusiiha hoomo omuundu yeesi. 54Oludaalo olwo lwali oludaalo lw'ohweetekeheramo, haandi Sabbaato yali aambi ohuchaaka. #23:54 Sabbaato yali aambi ohuchaaka: Mu Lugiriki bati, bwali buhya. 55Abahasi bali beechere nae ohutula Galilaaya, baloondaho, mani babona eng'ani, neende engeri yi bali basihiiremo omubiri kwae; 56#Hut 20:10; Amal 5:14. Mani bakobolayo, batekeha ebiindu biwunya esing'aari neende amafuta k'ohumubaha.</div><div class="p">Hu ludaalo lwa Sabbaato, bawuluuha ohweema koti lu amalako kaboola.</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

Mani omukaanda okwo kwoosi kweemao kwasiingira, kwamuleeta emberi wa Pilato. Nibachaaka ohumuwabira nibaboola bati, “Hubukaanire omusaacha wuno naali ohudoondobaniaanga esyaalo syeefwe, haandi naali ohutukaania ohutooyaanga omusolo eyiri Kaisaari, haandi n'aboola ati omweene niye Kristo haandi niye Omutuki.” Nae Pilato yamuteeba ati, “Niiwe omutuki w'Abayudaaya?” Nae yamukobolamo ati, “Niiwe oboolere otyo.” Pilato yaboolera abalaamisi bahuluundu alala neende emikaanda ch'abaandu ati, “Ese haba simbonaho omusaango kwoosi hu musaacha wuno.” Nabo baangalala sa nibaboola bati, “Asaangulasa abaandu, naabitira mu njekesa yae mu Yudea mwoosi, ohutulira Galilaaya ohwoolera elalira kata ano wosi.”

Nae Pilato niyawulira atyo, yateeba ohumanya omusaacha wuno yali Omugalilaaya. Mani niyamanya ati, hane Yesu atula mu butuki wa Herode, yamuyira eyiri Herode, owali yesi naali mu Yerusalemu esiha syeene esyo. Nae Herode niyabona Yesu, yasangaala muno, olwohuba yali yekomba luleeyi ohumubona, olwohuba yali namuwuliraangaho sa, mani yali nasuubiraanga ohubonaho ebilolero bwahola. Yamuteeba ebiindu biingi muno, nae omweene yahaya ohumukobolamo kata silala. Abalaamisi bahuluundu alala neende Abaandiiki b'Amalako nabo badoong'a sa nibeemere ao nibedinyiisye ohumutaaho omusaango. Nae Herode alala neende abalwaani bae beecha bachaaka ohumusaandya nibamuhomoolera; mani nibamufwaasa engubo ch'obuyaayi nibamala nibamukalusa eyiri Pilato. Mani ohuchaakira abweene ao, ni Herode neende Pilato bachaakirao ohuba abeecha haandi, olwohuba enyuma eyo bali nibasyuulana sa.


Bulaanu, Pilato yeecha yabuusa alala abalaamisi bahuluundu neende abatuki neende abaandu baandi, yababoolera ati, “Muundeteere omusaacha wuno koti oyo owali n'adoondobania abaandu; nae nimalire ohumuyaasa mu moni weeng'we, boneho, ese haba siinyalire ohumunyoolaho omusaango kwoosi hweebyo byoosi bi mubeere mumwekanyiisaho; kata neende Herode yesi atyo, sakira atukalusiire omusaacha wuno haandi. Boneho, sibulao esiindu syoosi esihoyera ohufwa syaholereho daawe; Mani ese njia ohumunaalaho ehoba budiidi, mani male mulehuule yeweereo.” [Nae bulaanu yali n'ahoyera ohubalehuulira omuundu mulala hu ludaalo lw'esidyaalo.]
Nae boosi bahuumira alala nibaboola bati, “Mwiite omuundu wuno, mani mutuboololere Bbarabba” omusaacha yali yasukunibwa mu jeela hulw'ahasasakamalo hali hakwiireo mu siko sihuluundu haandi neende hulw'obwiiti, Pilato haandi yababoolera a ehabi liindi, n'adaha aboolole Yesu; nae haandi bahuumira mu kono ly'aakulu nibaboola bati, “Mumubaambe sa, mumubaambe!” Haandi ehabi lyohudatu, Pilato yeecha yababoolera ati, “Lwasiina, sibi siina syeene sy'aholere? Haba simubweeneho omusaango kwoosi okuhoyera ohufwa; Mani sakira, njia sa ohumunaalaho ehoba mani nyemeo mulehuule.” Nae bali neende amayiingi maangi muno nibamusaba nibehuuma bati ahoyere ohubaambwa. Mani amakono kaabwe keecha kayiingira. Pilato yaheenga omusaango ati ohudaha hw'abaandu nihwo ohuba huholerweho. Pilato yalehuula omusaacha oyo owali yasukunwa mu jeela hulw'ohusaasakamala hwali hukwiireo mu siko sihuluundu neende hulw'obwiiti, yibali nibasabire; nae yahola Yesu koti lu bali badahire.


Mani koti lubali hu bamutusa ao, baakwa hu Simooni wuundi Omusireeni, owali n'akobola mu siko n'atula mu ngoongo bamudwiiha omusalabba yakukiinga n'aloonda hu Yesu. Enyuma wae esidiiyiha sihoongo esy'abaandu syamuloondaho neende omuhunu kw'abahasi abali nibachereenjesa nibamulira. Nae Yesu niyakaluuhana yabalingaala, yaboola ati, “Abahaana ba Yerusalemu, mutandirira haba, nae mwelirire abeene, haandi mulirire abaana beeng'we. Olwohuba bone, endaalo mbao chiicha, chibahabooleremo bati, ‘Bali neende ehabi abakuumba, neende enda chiteebulaho omwaana yeesi, haandi neende embeere chitanuuniaho haba!’ Bahachaake ohuboolera engulu bati, ‘Mutukweeho;’ haandi ohuboolera ebigulu bati, ‘Mutufuunihe.’ Olwohuba nibahola bati omusaala nikusisiiri omubisi, byahabe bitye nikwahabe kwoomere?”
Bayira abasaacha babiri baandi abali abeebi babeetere alala neende Yesu. Nae niboola abuundu alaangwa ati, Esyangaanga, ao niwo yibabaamba Yesu hu musalabba alala neende abeebi babiri abo, mulala hu muhono muluungi, nae owuundi hu muhono kwae mukaada. Yesu yaboola ati, “Laata, balehere; olwohuba bakoterwe bi bahola.” Bulaanu beemao baahubba eha yohukabanira engubo chae. Abaandu bali nibeemere ao nibabalingaalire; nae abatuki bamucheha nibamudyabuhira nibaboola bati, “Yaonia abaandi; mani leha yewonie omweene, naaba naali Kristo wa Nasaae, Omulobole wae Mweene!” Ab'amaye bosi bamuhoomolera, nibeecha yaali nibamuba efiini yihaliihe, mani nibaboola bati, “Nooba nooli Omutuki w'Abayudaaya, wewonie omweene!” Beecha baata obwandiike buno aakulu wae, echisoma chiti, “Wuno niye Omutuki w'Abayudaaya.”
Mulala hu beebi babiri abali bosi nibabaambirwe alala nae ao yahabuhira Yesu n'aboola ati, “Ewe haba siniiwe Kristo? Weewonie omweene neende efwe fwesi!” Nae owuundi oyo nae yaalabira owaasye oyo n'aboola ati, “Ewe haba sotyaaho Nasaae, nga wesi oheengerwe sa omusaango nasilala nae? Nae ese naawe huhoyera sa ohuholwa huti; olwohuba efwe huli sa ohunyoola omukabo kuhoyera ebiholwa byeefwe bibi; nae omusaacha wuno nae haba saaholereho esiindu sitahoyera syoosi.” Yaboola ati, “Wama Yesu, wunjichulisaangaho niwiingira mu bwaami bwao.” Nae Yesu yamuboolera ati, “Mubwadyeeri bweene, ndi ohuhuboolera endi, nyaanga yino ochia ohuba naange mu Paradiiso.”


Ebiha bino byali nibiri aambi w'esaa chisaasaba mani esiirima syeecha syadiira esyaalo syoosi ohwoola esaa chitaanu-na-chine, omubasu nikuhayire ohufwa; epasya yadembaanga mu Nyuumba ya Nasaae yeecha yataanduhamo habiri. Yesu yalira mu kono ly'aakulu, yaboola ati, “Laata, ngeeng'a omwooyo kwaange mu mahono kao!” Yesu niyamala ohuboola atyo, yayeera omuuya kwae kumaliirihayo. Nae bulaanu, omumaye muhuluundu niyamala ohubona ebyo byoosi ebyaholehana, yaafumia Nasaae, mani yamala yaboola ati, “Ataali ohukana-kana, omusaacha wuno abeere omulai mweene!” Abweene-na-bweene ao, ebidiiyiha byoosi ebyali nibyebuusiire ao ohubonaho ebyo, nibabona ebyaholehana ebyo byoosi, bakobola mu madaala kaabwe nibehuya hu birifu. Abaandu bali bamumanyirira boosi, alala neende abahasi bali bamuloondereho ohutula Galilaaya beecha beema eyale mani babona bulai muno ebiindu bino.


Bulaanu waliwo omusaacha olaangwa ati, Yosefu otula mu siko sya Buyudea silaangwa siti Arimatea. Yali mulala hu b'oluhiiho, haandi yali omusaacha mulai haandi omuluungifu muno, yali natafukiirisaanie neende ebichiiririrwa neende ebiholwa bibi by'abaasye, haandi yali n'aliindiriire Obwaami bwa Nasaae bwiiche. Omusaacha wuno yacha eyiri Pilato, mani yaamusaba omubiri kwa Yesu. Yakwanula, yakuboya mu suuka ly'elaasi lya rachaari, mani yamwalisa mu ng'ani yabaachwa mu lwaanda yi bali basisiiri ohusiiha hoomo omuundu yeesi. Oludaalo olwo lwali oludaalo lw'ohweetekeheramo, haandi Sabbaato yali aambi ohuchaaka. Abahasi bali beechere nae ohutula Galilaaya, baloondaho, mani babona eng'ani, neende engeri yi bali basihiiremo omubiri kwae; Mani bakobolayo, batekeha ebiindu biwunya esing'aari neende amafuta k'ohumubaha.
Hu ludaalo lwa Sabbaato, bawuluuha ohweema koti lu amalako kaboola.

Listen to Luka 23