Fuliiru: Ibibiriya: Igambo lya Rurema mu ndeto ye'kifuliiru (Bible)

Ibibiriya: Igambo lya Rurema mu ndeto ye'kifuliiru

<div class="version vid2355 iso6393flr" data-vid="2355" data-iso6393="flr">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Yesu akiza umunamubembe</div><div class="r">(Mariko 1.40-45; Luka 5.12-16)</div><div class="p"> 1Iri Yesu akaba akola mu manuka ku mugazi, abandu bingi b&#226;li kizi m&#250;shololokera. 2Haaho, anayijirwa no&#42892;munamubembe muguma. Uyo munamubembe anafukama imbere lyage, anam&#250;bwira: &#171;E Nahano, iri wangalooza, wangangiza.&#187;</div><div class="p"> 3Ulya munamubembe, Yesu anagolola ukuboko mu kum&#250;huma kwo, anam&#250;bwira: &#171;Ndoziizi! Ubaagage mugumaana!&#187; Lyeryo, gulya mubembe, shululu!</div><div class="p"> 4Uyo mundu, Yesu anam&#250;komeereza kwokuno: &#171;Hatagire umundu yeshi ye ugabwira kwo wakizibwa! Si ugendi yiyerekana naaho imwo&#42892;mugingi, unatange ni&#42892;tuulo lyo&#42892;kuyerekana kwo keera wakira, nga kwo&#42892;lubaaja lwa Musa ludesiri! Kwokwo, lya&#42892;bandu booshi bamenya kwo keera wakira.#8.4 Balaawi 13.45-46; 14.1-31.&#187;</div><div class="s">Yesu akiza umukozi ku bwemeere bwa Nahamwabo</div><div class="r">(Luka 7.1-10)</div><div class="p"> 5Iri Yesu akaba akola mu yingira mu kaaya ke&#42892;Kaperinahumu, anahulukirwa kwo no&#42892;mukulu muguma wa&#42892;basirikaani. Uyo mukulu, anayiji tabaaza Yesu, ti: 6&#171;E Nahano, umukozi wani akoli zingamiri, anakola mu libuuka bweneene.&#187; 7Yesu anam&#250;shuvya: &#171;Ngayiji m&#250;kiza.&#187;</div><div class="p"> 8Uyo mukulu, ti: &#171;Nanga, e Nahano! Si ndakwiriiri kwo wangayingira mu mwani. Udetage igambo naaho, no&#42892;mukozi wani agayami kira. 9Mukuba, naani, ndi mwi&#42892;dako lya&#42892;bakulu. Na mbiiti abasirikaani mwi&#42892;dako lyani. Ndi mu bwira muguma: &#8220;Genda!&#8221; naye anayami genda. Na mbwire ugundi: &#8220;Yija!&#8221; naye anayami yija. No&#42892;muja wani, ngiisi kwo ndi mu m&#250;bwira, kwo anali mu gira.&#187;</div><div class="p"> 10Galya magambo, iri Yesu akagayuvwa, anasoomerwa bweneene! Yabo &#225;b&#226;li m&#250;kulikiiri, anababwira: &#171;Nam&#249;bwiraga, kwo mu Bahisiraheeri booshi, ndazindi bona umundu &#250;biisiri Rurema kwo&#42892;bwemeere ngo&#42892;yu.</div><div class="p"> 11&#171;Nam&#249;bwira kwa&#42892;bandu bingi bagalyoka uluhande lwe&#42892;sheere, na lwe&#42892;muga. Banayiji yingira mu bwami bwa mwi&#42892;gulu, banabwatale ha byokulya, kuguma na Hiburahimu, na Hisake, na Yakobo. 12Halikago, &#225;bakashungikwa kwo babe ba mu bwami, boohe, bagavugumulwa imbuga mu kihulu namudidi! Banakizi bululukira mwo, iri banashya amiino.&#187;</div><div class="p"> 13Kwokwo, ulya mukulu, Yesu anam&#250;bwira: &#171;Gendaga! Ngiisi kwo&#42892;bwemeere bwawe buli, kube kwo bigaaba!&#187; Ku kyekirya kyanya, uyo mukozi wage anayami kira.</div><div class="s">Yesu akiza abalwazi bingi</div><div class="r">(Mariko 1.29-34; Luka 4.38-41)</div><div class="p"> 14Yesu anayingira mu mwa Peturu, anagwana mwo navyala Peturu alambamiri ku ngingo, akoli shushiirwi. 15Ikyanya Yesu akabona kwokwo, anam&#250;gwatira ku kuboko. Lyeryo, lirya ishuushira lyanayami kanguuka. Uyo nyaama anavyuka, anatondeera ukum&#250;kolera ibyokulya.</div><div class="p"> 16Iri hakaba kakola kabigingwe, banaleetera Yesu abandu bingi &#225;b&#226;li bambwirwi ne&#42892;bisigo. Birya bisigo, anakizi biyimula mu kudeta igambo naaho. Na ngiisi &#225;b&#226;li lwaziri, anakizi bakiza.</div><div class="p"> 17Ikyanya Yesu akagira kwokwo, lyo akakwiza lirya igambo, lyo&#42892;muleevi Hisaaya &#226;li mali gwanwa adeta kwokuno: &#171;Akayabiira amalwazi giitu, anagabetula.#8.17 Hisaaya 53.4. &#187;</div><div class="s">Yesu ahanuula &#225;baloziizi ukum&#250;kulikira</div><div class="r">(Luka 9.57-62)</div><div class="p"> 18Iri Yesu akabona kwa&#42892;bandu bingi bakoli m&#250;sokaniini, anabwira abigirizibwa baage kwo bajabuke inyaaja. 19Mwigiriza muguma we&#42892;maaja anayegeera Yesu, anam&#250;bwira: &#171;E Mwigiriza, naani, ngiisi ho ugakizi genda, ngakizi kukulikira.&#187; 20Yesu anam&#250;shuvya: &#171;Banyambwe, bali ne&#42892;myobo. No&#42892;tunyuni, tuli mu ba ne&#42892;ngisha. Halikago, Umwana wo&#42892;Mundu yehe, atahiiti kiri ho angalambika itwe lyage!&#187;</div><div class="p"> 21Ugundi mwigirizibwa wa Yesu, naye ti: &#171;E Nahano, umbanguule ndee gendi ziika daata.&#187; 22Yesu anam&#250;bwira: &#171;Uleke abafwiri babe bo bagaziika abafwiri baabo. Haliko wehe, ukizi ngulikira!&#187;</div><div class="s">Yesu ahoohya ikihuhuuta ne&#42892;midunda</div><div class="r">(Mariko 4.35-41; Luka 8.22-25)</div><div class="p"> 23Yesu anashonera mu bwato. Na&#42892;bigirizibwa baage banam&#250;gwana mwo. 24Yabo booshi, iri bakahika mu nyaaja, mwanayami tuza ikihuhuuta kikayu. Yubwo bwato, bwanakizi sookwa-sookwa ne&#42892;midunda. Kundu kwokwo, Yesu &#226;li huniiri naaho.</div><div class="p"> 25Balya bigirizibwa baage banayiji m&#250;sisimula, banam&#250;bwira: &#171;E maashi Nahamwitu, utukizagye. Si tukola tugaholobera!&#187; 26Na wa naye, ti: &#171;Kituma kiki mukoli yobohiri? Si ubwemeere bwinyu, bukiri buniini!&#187; Haaho anayimuka, anakanukira kirya kihuhuuta, ne&#42892;rya nyaaja, byanayami ba, shwaa!</div><div class="p"> 27Balya bigirizibwa, mbu babone kwokwo, banasoomerwa bweneene, banabuuzania: &#171;Mundu muki uno? Si kiri ne&#42892;kihuhuuta ne&#42892;nyaaja bigweti bigam&#250;simbaha!&#187;</div><div class="s">Yesu akiza abasire babiri</div><div class="r">(Mariko 5.1-20; Luka 8.26-39)</div><div class="p"> 28Iri Yesu akaba keera ajabuka inyaaja, anahika mu kihugo kya&#42892;Bageraasi. Anagwanana abandu babiri &#225;babambwirwi ne&#42892;bisigo, bashaaziri mu maherero.#8.28 Abandu be&#42892;yo munda, mu kuziika abafwiri, b&#226;li kizi bafundeereza mu nyaala. Yabo basire, b&#226;li riiri balangi bweneene! Ndaanaye mundu &#250;w&#226;li shobwiri ukulenga iyo munda bali. </div><div class="p"> 29Yabo basire, banabanda akashiba, ti: &#171;E Mwana wa Rurema, biki byo utuloziizi kwo? Ka wayiji tuyogogoza, ne&#42892;kihe kitanahika?&#187;</div><div class="p"> 30Na ha mbere lya yaho, h&#226;li ragiiri ulukuuli lwe&#42892;ngulube. 31Kwokwo, birya bisigo byanayinginga Yesu, ti: &#171;Iri ugatuyimula, utuhanguule tugendi yingira mu luliira lukuuli lwe&#42892;ngulube.&#187; 32Na wa naye, ti: &#171;Gendi!&#187; Kwokwo, birya bisigo byanalyoka mu balya bombi, byanagendi yifunda mu yizo ngulube. Lulya lukuuli lwoshi lwanayami gendi yilasha mu nyaaja. Lwanaherera mwo.</div><div class="p"> 33Abangere baazo, ti yee! Banatibitira i kaaya. Na ngiisi &#237;byakoleka ku yabo basire, banagendi bimenyeesa abaabo. 34Yabo bandu booshi ba mu kaaya, banagumuukira imunda Yesu. Ne&#42892;ri bakam&#250;bona, banam&#250;yinginga bweneene kwo ashaagage mu kihugo kyabo, ayigendere!</div>
 </div>
 </div>
</div>

Iri Yesu akaba akola mu manuka ku mugazi, abandu bingi bâli kizi múshololokera. Haaho, anayijirwa noꞌmunamubembe muguma. Uyo munamubembe anafukama imbere lyage, anamúbwira: «E Nahano, iri wangalooza, wangangiza.»
Ulya munamubembe, Yesu anagolola ukuboko mu kumúhuma kwo, anamúbwira: «Ndoziizi! Ubaagage mugumaana!» Lyeryo, gulya mubembe, shululu!
Uyo mundu, Yesu anamúkomeereza kwokuno: «Hatagire umundu yeshi ye ugabwira kwo wakizibwa! Si ugendi yiyerekana naaho imwoꞌmugingi, unatange niꞌtuulo lyoꞌkuyerekana kwo keera wakira, nga kwoꞌlubaaja lwa Musa ludesiri! Kwokwo, lyaꞌbandu booshi bamenya kwo keera wakira.»


Iri Yesu akaba akola mu yingira mu kaaya keꞌKaperinahumu, anahulukirwa kwo noꞌmukulu muguma waꞌbasirikaani. Uyo mukulu, anayiji tabaaza Yesu, ti: «E Nahano, umukozi wani akoli zingamiri, anakola mu libuuka bweneene.» Yesu anamúshuvya: «Ngayiji múkiza.»
Uyo mukulu, ti: «Nanga, e Nahano! Si ndakwiriiri kwo wangayingira mu mwani. Udetage igambo naaho, noꞌmukozi wani agayami kira. Mukuba, naani, ndi mwiꞌdako lyaꞌbakulu. Na mbiiti abasirikaani mwiꞌdako lyani. Ndi mu bwira muguma: “Genda!” naye anayami genda. Na mbwire ugundi: “Yija!” naye anayami yija. Noꞌmuja wani, ngiisi kwo ndi mu múbwira, kwo anali mu gira.»
Galya magambo, iri Yesu akagayuvwa, anasoomerwa bweneene! Yabo ábâli múkulikiiri, anababwira: «Namùbwiraga, kwo mu Bahisiraheeri booshi, ndazindi bona umundu úbiisiri Rurema kwoꞌbwemeere ngoꞌyu.
«Namùbwira kwaꞌbandu bingi bagalyoka uluhande lweꞌsheere, na lweꞌmuga. Banayiji yingira mu bwami bwa mwiꞌgulu, banabwatale ha byokulya, kuguma na Hiburahimu, na Hisake, na Yakobo. Halikago, ábakashungikwa kwo babe ba mu bwami, boohe, bagavugumulwa imbuga mu kihulu namudidi! Banakizi bululukira mwo, iri banashya amiino.»
Kwokwo, ulya mukulu, Yesu anamúbwira: «Gendaga! Ngiisi kwoꞌbwemeere bwawe buli, kube kwo bigaaba!» Ku kyekirya kyanya, uyo mukozi wage anayami kira.


Yesu anayingira mu mwa Peturu, anagwana mwo navyala Peturu alambamiri ku ngingo, akoli shushiirwi. Ikyanya Yesu akabona kwokwo, anamúgwatira ku kuboko. Lyeryo, lirya ishuushira lyanayami kanguuka. Uyo nyaama anavyuka, anatondeera ukumúkolera ibyokulya.
Iri hakaba kakola kabigingwe, banaleetera Yesu abandu bingi ábâli bambwirwi neꞌbisigo. Birya bisigo, anakizi biyimula mu kudeta igambo naaho. Na ngiisi ábâli lwaziri, anakizi bakiza.
Ikyanya Yesu akagira kwokwo, lyo akakwiza lirya igambo, lyoꞌmuleevi Hisaaya âli mali gwanwa adeta kwokuno: «Akayabiira amalwazi giitu, anagabetula.»


Iri Yesu akabona kwaꞌbandu bingi bakoli músokaniini, anabwira abigirizibwa baage kwo bajabuke inyaaja. Mwigiriza muguma weꞌmaaja anayegeera Yesu, anamúbwira: «E Mwigiriza, naani, ngiisi ho ugakizi genda, ngakizi kukulikira.» Yesu anamúshuvya: «Banyambwe, bali neꞌmyobo. Noꞌtunyuni, tuli mu ba neꞌngisha. Halikago, Umwana woꞌMundu yehe, atahiiti kiri ho angalambika itwe lyage!»
Ugundi mwigirizibwa wa Yesu, naye ti: «E Nahano, umbanguule ndee gendi ziika daata.» Yesu anamúbwira: «Uleke abafwiri babe bo bagaziika abafwiri baabo. Haliko wehe, ukizi ngulikira!»


Yesu anashonera mu bwato. Naꞌbigirizibwa baage banamúgwana mwo. Yabo booshi, iri bakahika mu nyaaja, mwanayami tuza ikihuhuuta kikayu. Yubwo bwato, bwanakizi sookwa-sookwa neꞌmidunda. Kundu kwokwo, Yesu âli huniiri naaho.
Balya bigirizibwa baage banayiji músisimula, banamúbwira: «E maashi Nahamwitu, utukizagye. Si tukola tugaholobera!» Na wa naye, ti: «Kituma kiki mukoli yobohiri? Si ubwemeere bwinyu, bukiri buniini!» Haaho anayimuka, anakanukira kirya kihuhuuta, neꞌrya nyaaja, byanayami ba, shwaa!
Balya bigirizibwa, mbu babone kwokwo, banasoomerwa bweneene, banabuuzania: «Mundu muki uno? Si kiri neꞌkihuhuuta neꞌnyaaja bigweti bigamúsimbaha!»


Iri Yesu akaba keera ajabuka inyaaja, anahika mu kihugo kyaꞌBageraasi. Anagwanana abandu babiri ábabambwirwi neꞌbisigo, bashaaziri mu maherero. Yabo basire, bâli riiri balangi bweneene! Ndaanaye mundu úwâli shobwiri ukulenga iyo munda bali.
Yabo basire, banabanda akashiba, ti: «E Mwana wa Rurema, biki byo utuloziizi kwo? Ka wayiji tuyogogoza, neꞌkihe kitanahika?»
Na ha mbere lya yaho, hâli ragiiri ulukuuli lweꞌngulube. Kwokwo, birya bisigo byanayinginga Yesu, ti: «Iri ugatuyimula, utuhanguule tugendi yingira mu luliira lukuuli lweꞌngulube.» Na wa naye, ti: «Gendi!» Kwokwo, birya bisigo byanalyoka mu balya bombi, byanagendi yifunda mu yizo ngulube. Lulya lukuuli lwoshi lwanayami gendi yilasha mu nyaaja. Lwanaherera mwo.
Abangere baazo, ti yee! Banatibitira i kaaya. Na ngiisi íbyakoleka ku yabo basire, banagendi bimenyeesa abaabo. Yabo bandu booshi ba mu kaaya, banagumuukira imunda Yesu. Neꞌri bakamúbona, banamúyinginga bweneene kwo ashaagage mu kihugo kyabo, ayigendere!

Listen to Mataayo 8