Buli - 1995 Edition (Drama NT)

<div class="version vid2176 iso6393bwu" data-vid="2176" data-iso6393="bwu">
 <div class="book bkLUK">
 <div class="chapter ch5" data-usfm="LUK.5">
 <div class="label">5</div><div class="p"> 1Ase nuru boanni ale jam tusi va Yeezu ayen ba wom Wen wanni la, wa jam za ka Genesaret nyakpiemu n&#596;i. 2Yeezu yaa nya ale &#331;aaru&#331;ta tiye a za nyakpiemu n&#596;i. Jum yigrisa&#331;a jam pai ti zaani kama ale ga boro a sugri ba &#331;maasa&#331;a. 3Wa yaa jo kali &#331;aaru&#331; kuui ate Simon soa la po, a yaa weeni wa ayen wa dam ku ate ku si&#331; nyiamu po maga. Simon yaa dam ku ate ku si&#331; nyiamu po maga ate Yeezu yaa kali ku po ale a sak nuruma. 4Wa ale biisi nueri la, wa yaa weeni Simon ayen ba dam ba &#331;aaru&#331;ta&#331;a a si&#331; nyaliu&#331;ku a yuk ni &#331;maasa&#331;a a basi du a yik juma. 5Simon yaa tulisi wa ayen, &lt;&lt;M Kpagi yaa, yokku meena tama kasim a yuk kama alege ti an yik jaaboa. Alege fi dan weeni dila, mi le yuk nya.&gt;&gt; 6Ba yaa yuk basi nyiamu po a yik juma nna yegayega, ase ba &#331;maasa&#331;a ale a cheeri la. 7Ba yaa kamsi wi ba vaanchaama ale bo &#331;aaru&#331; kunkula po la ayen ba jam a maa maari ba. Ba ale jam la, ba yaa maa chaab a vaari juma&#331;a a sueri &#331;aaru&#331;ta tiyewa ate ti jam tali maga ate ti si&#331; nyiamu t&#603;&#331;. 8Simon Piita ale jam nya dii ale nye la, wa yaa kpi duna t&#603;&#331; Yeezu ni&#331; a weeni wa ayen, &lt;&lt;Basi mu m dek nyiini, m Ny&#596;n&#596; Yeezu Kirisita, dii nyi&#331;la, mi ka tuimbaata ny&#596;n&#596;.&gt;&gt;</div><div class="p"> 9Ku jam cha wa le wa vaanchaama meena kama dii nyi&#331; la ba le yik juma&#331;a a soa diila. 10Ku be jam ka dila Zebedi nidoabilisa&#331;a Jeemsi ale J&#596;&#596;n jigi baai ale jam ka Simon vaanchaab la. Yeezu yaa weeni Simon ayen, &lt;&lt;Kan chali y&#596;gsummoa a nyini jinla fi ale ta ka nuruba jam mi jigi.&gt;&gt; 11Ba ale dam ba &#331;aaru&#331;ta&#331;a a jueli kunk&#596;&#331;ni la, ba yaa basi jaab meena alege va Yeezu.</div><div class="p"> 12Ase wa ale diem jam bo t&#603;&#331; kpie&#331;sa&#331;a kanyi po la, nuru yaa jam wa jigi ale gama tuem, wa ale nya Yeezu la, wa yaa kpi duna t&#603;&#331; wa ni&#331; a saalim wa ayen, &lt;&lt;M dek ny&#596;n&#596;, fi daa yaali, fi baga a tebi mu kama.&gt;&gt; 13Yeezu yaa teeri wa nisa&#331;a a tiri wa ale weeni ayen, &lt;&lt;M siak ya. Ta nyi&#331;y&#596;gsa.&gt;&gt; Wa ale weeni dila la, tuemu yaa deri basi wa ate wa nya nyi&#331;y&#596;gsa. 14Wa yaa weeni wa ayen, &lt;&lt;Kan weeni a sak waai fi ale nye dii a nya nyi&#331;y&#596;gsa la, alege che&#331; ga pai fidek a sak kaabteer&#596;wa a nye tiirim kaabka fi nyi&#331;y&#596;gsa&#331;a nyi&#331;, ase Moosis ale jam weeni diila ate nuruma nya.&gt;&gt; 15Alege waai meena jam wom Yeezu wie ka nna yegayega ate nuru boari a yaa jam wa jigi ayen ba wom wa sinsa&#331;&#331;a abe wa tebi ba tueta&#331;a. 16Alege Yeezu jam basi ba kama ale che&#331; sagni po ayen wa puusi Wen.</div><div class="p"> 17Da &#331;ala po dinyi ase Yeezu ale jam boro a sak la, Farisiiba ale Sinsak sagr&#596;ma ale jam kali moata, baai ale jam nyini Galili ale Judia ale Jerusalem t&#603;&#331; kpa&#331;sa&#331;a po meena a jam la, ate Naawen pagrimu a jam bo ale wa ayen wa tebi. 18Wa ale jam boro a sak la, nuruba yaa jam ji nuru ale tiak. Wa nisa ale wa na&#331;sa ale jam kpi. Ba yaa pii nyi&#331; ayen ba ta wa jo a dueni Yeezu ni&#331;, 19alege nuruma jam piisi ka nna yegayega ate ba an jam baga vuri ba po a paari Yeezu. Ba yaa pai nuruwa a ta jueli d&#596;kku zuk a vuri v&#596;rup gbo&#331;ku su&#331;su&#331; a yaa pai miisa a bobi tiaka a pai wa ta va v&#596;rumu po a si&#331; dueni Yeezu ni&#331;. 20Yeezu ale jam seba ayen ba ta siaka yegayega ale wa la, wa yaa weeni nuruwa ate wa nisa&#331;a ale wa na&#331;sa&#331;a a kpi la ayen, &lt;&lt;Nidoa, M v&#596;&#331; fi wabaata&#331;a a te fu kama.&gt;&gt;</div><div class="p"> 21Sinsak sagr&#596;ma ale Farisiima yaa piilim a bek ayen, &lt;&lt;Ka wana ale nna a biisi kisuk wanni de? Ka wana ale baga a vo&#331; wabaata a te? Ka Wen nyiini.&gt;&gt; 22Alege Yeezu a jam seba ba ale a poli diila kama, ate wa bek ba ayen, &lt;&lt;Ka boa ale soa ate ni ta bek &#331;ala chaab ni popola po? 23&lt;Kun dek ale moali ate fi weeni? M v&#596;&#331; fi wabaata&#331;a a te fu, yaa yiti a che&#331;?&gt; &gt;&gt; 24Mi a yaali kama ayen ni seba ayen Mi Saal&#596;biika a ta pagrim kama t&#603;&#331;zuk meena a baga v&#596;&#331; nuruba wabaata a te ba.&gt;&gt; Wa yaa cheem weeni y&#596;gnyie&#331;ka ayen, &lt;&lt;Yiti zaani &#331;mai, abe fi pai fi tiaka a che&#331; kuli fi yenni.&gt;&gt; 25Nuruwa yaa deri yiri zaani ba meena ni&#331;, a pai wa tiaka a pak Wen a kuli. 26Ku yaa cha waai meena ale za dula jigini la. Ba yaa pak Wen ale a weeni ayen, &lt;&lt;Jinla, tama nya ka wacha&#331;.&gt;&gt;</div><div class="p"> 27Kude &#331;aa&#331;nyi&#331; Yeezu yaa nyini nya lampoo cheesir&#596; wa yuei jam le Livai. Wa jam kala ka lampoo cheesika d&#596;k po a tuesi lampoo. Yeezu yaa weeni wa ayen, &lt;&lt;Yiti a jam va mi.&gt;&gt; 28Yeezu ale weeni dila la, Livai yaa basi wa tuima&#331;a meena ale yiti va wa.</div><div class="p"> 29Livai yaa ta Yeezu a kuli yeri a nye tigi kpienni a te wa. Lampoo cheesir&#596;ba nna yegayega ale nuru ba chaab ale jam maa kala a d&#603; ale ba. 30Farisiima ale ba Sinsak sagr&#596;ma ale nya ale ba kala a d&#603; la, ba yaa &#331;uuni ale chaab a yaa bek Yeezu &#331;aa&#331;viir&#596;ma ayen, &lt;&lt;Ka boa ate nama a gum chaab ale lampoo cheesir&#596;ba ale wabaata nyam a kala a d&#603; ale a nyu?&gt;&gt; 31Yeezu yaa tulisi ba ayen, &lt;&lt;Baai ale ta nyi&#331;y&#596;gsa la kan yaali tebir&#596; alege ka baai ale a yuak la. 32Mi an jam ayen m wi ka way&#596;risima nyama alege ka wabaata nyam ate ba la&#331; nyeka.&gt;&gt;</div><div class="p"> 33Ba yaa weeni Yeezu ayen, &lt;&lt;J&#596;&#596;n Sokateer&#596;wa &#331;aa&#331;viir&#596;ma a nyiem kasim a bobi ka n&#596;i ale a puusi Wen m&#603;. Farisiima &#331;aa&#331;viir&#596;ma m&#603; a nyiem a bobi kama, alege, fi Yeezu, &#331;aa&#331;viir&#596;ma kan bobi n&#596;i alege goanti a d&#603;.&gt;&gt; 34Yeezu yaa tulisi ba ayen, &lt;&lt;Fi baga a nye ate baai ale jam ba nya faarika la a bobi n&#596;i alege ate nipok fiaka ny&#596;n&#596;wa a boro ale ba? 35Alege ku cheena ate ba le yik nipok fiaka ny&#596;n&#596;wa a ta che&#331;, dila powa ba yaa le bobi n&#596;i.&gt;&gt; 36Wa yaa &#331;man magsi wamagsini di choa ayen, &lt;&lt;Nuru kan cheeri garuk paaluk garuchiak a la&#331; garuk kpaga. Ba dan nye dila ba a kaasi garuk paalukku kama. Garuchiak paalika m&#603; abe kan magsi garuk kpakka.&gt;&gt; 37Wa &#331;man pilim a magsi di choa ayen, &lt;&lt;Ba kan pai da paalik a su bunl&#596;k kpak po. Ba dan nye dila, bunl&#596;kku a na kama ate daamu a waa&#331;. Ku dan nye dila, nuruwa a j&#596;k wa bunl&#596;kku ale wa daamu meena kama. 38Da paalik a magsi ka bunl&#596;k paaluk sukka.&gt;&gt;#5:37-38 Nya fotowa, Matiu 9:17. 39Wa yaa &#331;man weeni m&#603; ayen, &lt;&lt;Nuru abe karo a nyu da kpaga ale &#331;man a yaali da paaliga, dii nyi&#331;la, wa le weeni ayen ka da kpakka ale nala.&gt;&gt;</div>
 </div>
 </div>
</div>

Ase nuru boanni ale jam tusi va Yeezu ayen ba wom Wen wanni la, wa jam za ka Genesaret nyakpiemu nɔi. Yeezu yaa nya ale ŋaaruŋta tiye a za nyakpiemu nɔi. Jum yigrisaŋa jam pai ti zaani kama ale ga boro a sugri ba ŋmaasaŋa. Wa yaa jo kali ŋaaruŋ kuui ate Simon soa la po, a yaa weeni wa ayen wa dam ku ate ku siŋ nyiamu po maga. Simon yaa dam ku ate ku siŋ nyiamu po maga ate Yeezu yaa kali ku po ale a sak nuruma. Wa ale biisi nueri la, wa yaa weeni Simon ayen ba dam ba ŋaaruŋtaŋa a siŋ nyaliuŋku a yuk ni ŋmaasaŋa a basi du a yik juma. Simon yaa tulisi wa ayen, <<M Kpagi yaa, yokku meena tama kasim a yuk kama alege ti an yik jaaboa. Alege fi dan weeni dila, mi le yuk nya.>> Ba yaa yuk basi nyiamu po a yik juma nna yegayega, ase ba ŋmaasaŋa ale a cheeri la. Ba yaa kamsi wi ba vaanchaama ale bo ŋaaruŋ kunkula po la ayen ba jam a maa maari ba. Ba ale jam la, ba yaa maa chaab a vaari jumaŋa a sueri ŋaaruŋta tiyewa ate ti jam tali maga ate ti siŋ nyiamu tɛŋ. Simon Piita ale jam nya dii ale nye la, wa yaa kpi duna tɛŋ Yeezu niŋ a weeni wa ayen, <<Basi mu m dek nyiini, m Nyɔnɔ Yeezu Kirisita, dii nyiŋla, mi ka tuimbaata nyɔnɔ.>>
Ku jam cha wa le wa vaanchaama meena kama dii nyiŋ la ba le yik jumaŋa a soa diila. Ku be jam ka dila Zebedi nidoabilisaŋa Jeemsi ale Jɔɔn jigi baai ale jam ka Simon vaanchaab la. Yeezu yaa weeni Simon ayen, <<Kan chali yɔgsummoa a nyini jinla fi ale ta ka nuruba jam mi jigi.>> Ba ale dam ba ŋaaruŋtaŋa a jueli kunkɔŋni la, ba yaa basi jaab meena alege va Yeezu.
Ase wa ale diem jam bo tɛŋ kpieŋsaŋa kanyi po la, nuru yaa jam wa jigi ale gama tuem, wa ale nya Yeezu la, wa yaa kpi duna tɛŋ wa niŋ a saalim wa ayen, <<M dek nyɔnɔ, fi daa yaali, fi baga a tebi mu kama.>> Yeezu yaa teeri wa nisaŋa a tiri wa ale weeni ayen, <<M siak ya. Ta nyiŋyɔgsa.>> Wa ale weeni dila la, tuemu yaa deri basi wa ate wa nya nyiŋyɔgsa. Wa yaa weeni wa ayen, <<Kan weeni a sak waai fi ale nye dii a nya nyiŋyɔgsa la, alege cheŋ ga pai fidek a sak kaabteerɔwa a nye tiirim kaabka fi nyiŋyɔgsaŋa nyiŋ, ase Moosis ale jam weeni diila ate nuruma nya.>> Alege waai meena jam wom Yeezu wie ka nna yegayega ate nuru boari a yaa jam wa jigi ayen ba wom wa sinsaŋŋa abe wa tebi ba tuetaŋa. Alege Yeezu jam basi ba kama ale cheŋ sagni po ayen wa puusi Wen.
Da ŋala po dinyi ase Yeezu ale jam boro a sak la, Farisiiba ale Sinsak sagrɔma ale jam kali moata, baai ale jam nyini Galili ale Judia ale Jerusalem tɛŋ kpaŋsaŋa po meena a jam la, ate Naawen pagrimu a jam bo ale wa ayen wa tebi. Wa ale jam boro a sak la, nuruba yaa jam ji nuru ale tiak. Wa nisa ale wa naŋsa ale jam kpi. Ba yaa pii nyiŋ ayen ba ta wa jo a dueni Yeezu niŋ, alege nuruma jam piisi ka nna yegayega ate ba an jam baga vuri ba po a paari Yeezu. Ba yaa pai nuruwa a ta jueli dɔkku zuk a vuri vɔrup gboŋku suŋsuŋ a yaa pai miisa a bobi tiaka a pai wa ta va vɔrumu po a siŋ dueni Yeezu niŋ. Yeezu ale jam seba ayen ba ta siaka yegayega ale wa la, wa yaa weeni nuruwa ate wa nisaŋa ale wa naŋsaŋa a kpi la ayen, <<Nidoa, M vɔŋ fi wabaataŋa a te fu kama.>>
Sinsak sagrɔma ale Farisiima yaa piilim a bek ayen, <<Ka wana ale nna a biisi kisuk wanni de? Ka wana ale baga a voŋ wabaata a te? Ka Wen nyiini.>> Alege Yeezu a jam seba ba ale a poli diila kama, ate wa bek ba ayen, <<Ka boa ale soa ate ni ta bek ŋala chaab ni popola po? <Kun dek ale moali ate fi weeni? M vɔŋ fi wabaataŋa a te fu, yaa yiti a cheŋ?> >> Mi a yaali kama ayen ni seba ayen Mi Saalɔbiika a ta pagrim kama tɛŋzuk meena a baga vɔŋ nuruba wabaata a te ba.>> Wa yaa cheem weeni yɔgnyieŋka ayen, <<Yiti zaani ŋmai, abe fi pai fi tiaka a cheŋ kuli fi yenni.>> Nuruwa yaa deri yiri zaani ba meena niŋ, a pai wa tiaka a pak Wen a kuli. Ku yaa cha waai meena ale za dula jigini la. Ba yaa pak Wen ale a weeni ayen, <<Jinla, tama nya ka wachaŋ.>>
Kude ŋaaŋnyiŋ Yeezu yaa nyini nya lampoo cheesirɔ wa yuei jam le Livai. Wa jam kala ka lampoo cheesika dɔk po a tuesi lampoo. Yeezu yaa weeni wa ayen, <<Yiti a jam va mi.>> Yeezu ale weeni dila la, Livai yaa basi wa tuimaŋa meena ale yiti va wa.
Livai yaa ta Yeezu a kuli yeri a nye tigi kpienni a te wa. Lampoo cheesirɔba nna yegayega ale nuru ba chaab ale jam maa kala a dɛ ale ba. Farisiima ale ba Sinsak sagrɔma ale nya ale ba kala a dɛ la, ba yaa ŋuuni ale chaab a yaa bek Yeezu ŋaaŋviirɔma ayen, <<Ka boa ate nama a gum chaab ale lampoo cheesirɔba ale wabaata nyam a kala a dɛ ale a nyu?>> Yeezu yaa tulisi ba ayen, <<Baai ale ta nyiŋyɔgsa la kan yaali tebirɔ alege ka baai ale a yuak la. Mi an jam ayen m wi ka wayɔrisima nyama alege ka wabaata nyam ate ba laŋ nyeka.>>
Ba yaa weeni Yeezu ayen, <<Jɔɔn Sokateerɔwa ŋaaŋviirɔma a nyiem kasim a bobi ka nɔi ale a puusi Wen mɛ. Farisiima ŋaaŋviirɔma mɛ a nyiem a bobi kama, alege, fi Yeezu, ŋaaŋviirɔma kan bobi nɔi alege goanti a dɛ.>> Yeezu yaa tulisi ba ayen, <<Fi baga a nye ate baai ale jam ba nya faarika la a bobi nɔi alege ate nipok fiaka nyɔnɔwa a boro ale ba? Alege ku cheena ate ba le yik nipok fiaka nyɔnɔwa a ta cheŋ, dila powa ba yaa le bobi nɔi.>> Wa yaa ŋman magsi wamagsini di choa ayen, <<Nuru kan cheeri garuk paaluk garuchiak a laŋ garuk kpaga. Ba dan nye dila ba a kaasi garuk paalukku kama. Garuchiak paalika mɛ abe kan magsi garuk kpakka.>> Wa ŋman pilim a magsi di choa ayen, <<Ba kan pai da paalik a su bunlɔk kpak po. Ba dan nye dila, bunlɔkku a na kama ate daamu a waaŋ. Ku dan nye dila, nuruwa a jɔk wa bunlɔkku ale wa daamu meena kama. Da paalik a magsi ka bunlɔk paaluk sukka.>> Wa yaa ŋman weeni mɛ ayen, <<Nuru abe karo a nyu da kpaga ale ŋman a yaali da paaliga, dii nyiŋla, wa le weeni ayen ka da kpakka ale nala.>>

Listen to Luuk 5