If you have would like a copy of this version please contact info@davaraudiobibles.org

Ekitabo Ekitukuvu Ekiyitibwa Baibuli

<div class="version vid1423 iso6393lug" data-vid="1423" data-iso6393="lug">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Abasajja abagezigezi abaava ebuvanjuba</div><div class="p"> 1Awo Yesu bwe yazaalibwa mu Besirekemu eky'e Buyudaaya ku mirembe gya Kerode kabaka, laba, abasajja abagezigezi abaava ebuvanjuba ne bajja e Yerusaalemi,#Luk 2:1-7 2ne babuuza nti, &#8220;Kabaka w'Abayudaaya azaaliddwa ali ludda wa? Kubanga twalaba emmunyeenye ye mu buvanjuba, ne tujja okumusinza.&#8221;#Kubal 24:17 3Kerode kabaka bwe yawulira ne yeeraliikirira, era n'ab'e Yerusaalemi bonna. 4N'aku&#331;&#331;aanya bakabona abakulu bonna, n'abawandiisi ab'abantu, n'ababuuza Kristo gye yali agenda okuzaalirwa. 5Nabo ne bamugamba nti, &#8220;Mu Besirekemu eky'e Buyudaaya,&#8221; kubanga bwe kyawandiikibwa nnabbi bwe kityo nti,#Mi 5:2, Yok 7:42 6Naawe Besirekemu, mu nsi ya Yuda,</div><div class="q">Toli mutono mu balangira ba Yuda;</div><div class="q">Kubanga afuga aliva mu ggwe,</div><div class="q">Alirunda abantu bange Isiraeri.</div><div class="p"> 7Awo Kerode n'ayita abagezigezi kyama, n'ababuuliriza nnyo ebiro emmunyeenye bye yaakamala okuva lw'eyalabika. 8N'abasindika e Besirekemu, n'abagamba nti, &#8220;Mugende, munoonye nnyo, mulabe omwana bw'afaanana; naye bwe mumulabanga, ne mujja mumbuulira nange ndyoke &#331;&#331;ende mmusinze.&#8221; 9Bwe baamala okuwulira ebya kabaka, ne bagenda; laba ne baddamu okulaba emmunyeenye eyo, gye baalabira ebuvanjuba, n'ebakulembera, okutuusa lwe yajja n'eyimirira waggulu w'ekifo awaali omwana. 10Bwe baalaba emmunyeenye, ne basanyuka essanyu lingi nnyo nnyini. 11Ne bayingira mu nnyumba, ne balaba omwana ng'ali ne Malyamu nnyina; ne bavuunama, ne basinza omwana; ne basumulula ensawo zaabwe, ne bamutonera ebirabo bya zaabu, n'obubaane, n'omugavu.#Zab 72:10,15, Is 60:6 12Katonda bwe yabalabulira mu kirooto baleme okuddayo eri Kerode, ne bakwata ekkubo eddala, ne baddayo ewaabwe.</div><div class="s">Omwana Yesu bamuddusiza e Misiri</div><div class="p"> 13Laba, bwe baamala okugenda, malayika wa Mukama n'alabikira Yusufu mu kirooto, n'amugamba nti, &#8220;Golokoka, otwale omwana ne nnyina, oddukire e Misiri obeere eyo okutuusa nze lwe ndikugamba, kubanga Kerode ajja okunoonya omwana okumutta.&#8221;#Kuv 2:15 14Awo Yusufu n'azuukuka, n'atwala omwana ne nnyina ekiro, n'agenda e Misiri; 15n'abeera eyo, okutuusa Kerode bwe yafa; ekigambo kituukirire Mukama kye yayogerera mu nnabbi, ng'agamba nti, &#8220;Nnayita omwana wange okuva mu Misiri.&#8221;#Kos 11:1</div><div class="s">Kerode alagira okutta abaana abato</div><div class="p"> 16Awo Kerode, bwe yalaba ng'abalaguzi baamwefulidde, n'asunguwala nnyo, n'atuma okutta abaana ab'obulenzi bonna abaali e Besirekemu ne ku nsalo zaakyo zonna, abaali bawezezza emyaka ebiri n'abatannagituusa, okusinziira ku biro bwe byali bye yabuulirizaamu ennyo abalaguzi. 17Awo ekigambo nnabbi Yeremiya kye yayogera ne kiryoka kituukirira, bwe yagamba nti,#Mat 12:34; 22:33, Lub 3:15</div><div class="q"> 18&#8220;Eddoboozi lyawulirwa mu Laama,</div><div class="q2">Okukaaba n'okukuba ebiwoobe ebingi,</div><div class="q">Laakeeri ng'akaabira abaana be;</div><div class="q">So tayagala kukubagizibwa,</div><div class="q2">kubanga tebakyaliwo.&#8221;#Lub 35:19</div><div class="s">Yusufu ne Malyamu bava e Misiri badda e Nazaaleesi</div><div class="p"> 19Naye Kerode bwe yamala okufa, laba, malayika wa Mukama n'alabikira Yusufu mu kirooto e Misiri, 20n'agamba nti, &#8220;Golokoka, otwale omwana ne nnyina, ogende mu nsi ya Isiraeri, kubanga abaali banoonya omwana okumutta bafudde.&#8221;#Kuv 4:19 21Awo Yusufu n'agolokoka, n'atwala omwana ne nnyina, n'agenda mu nsi ya Isiraeri. 22Naye bwe yawulira nti Alukerawo ye kabaka w'e Buyudaaya ng'asikidde kitaawe Kerode, n'atya okuddayo. Awo Katonda bwe yamulabulira mu kirooto, ne yeekooloobya, n'agenda mu kitundu ky'e Ggaliraaya. 23N'ajja n'abeera mu kyalo erinnya lyakyo Nazaaleesi, ekigambo bannabbi kye baayogera kituukirire nti, &#8220;Aliyitibwa Munazaalaayo.&#8221;#Luk 1:26; 2:39, Is 11:1; 53:2, Yok 1:46</div>
 </div>
 </div>
</div>

All rights are reserved to the Bible Society of Uganda.

Awo Yesu bwe yazaalibwa mu Besirekemu eky'e Buyudaaya ku mirembe gya Kerode kabaka, laba, abasajja abagezigezi abaava ebuvanjuba ne bajja e Yerusaalemi, ne babuuza nti, “Kabaka w'Abayudaaya azaaliddwa ali ludda wa? Kubanga twalaba emmunyeenye ye mu buvanjuba, ne tujja okumusinza.” Kerode kabaka bwe yawulira ne yeeraliikirira, era n'ab'e Yerusaalemi bonna. N'akuŋŋaanya bakabona abakulu bonna, n'abawandiisi ab'abantu, n'ababuuza Kristo gye yali agenda okuzaalirwa. Nabo ne bamugamba nti, “Mu Besirekemu eky'e Buyudaaya,” kubanga bwe kyawandiikibwa nnabbi bwe kityo nti, Naawe Besirekemu, mu nsi ya Yuda,
Toli mutono mu balangira ba Yuda;
Kubanga afuga aliva mu ggwe,
Alirunda abantu bange Isiraeri.
Awo Kerode n'ayita abagezigezi kyama, n'ababuuliriza nnyo ebiro emmunyeenye bye yaakamala okuva lw'eyalabika. N'abasindika e Besirekemu, n'abagamba nti, “Mugende, munoonye nnyo, mulabe omwana bw'afaanana; naye bwe mumulabanga, ne mujja mumbuulira nange ndyoke ŋŋende mmusinze.” Bwe baamala okuwulira ebya kabaka, ne bagenda; laba ne baddamu okulaba emmunyeenye eyo, gye baalabira ebuvanjuba, n'ebakulembera, okutuusa lwe yajja n'eyimirira waggulu w'ekifo awaali omwana. Bwe baalaba emmunyeenye, ne basanyuka essanyu lingi nnyo nnyini. Ne bayingira mu nnyumba, ne balaba omwana ng'ali ne Malyamu nnyina; ne bavuunama, ne basinza omwana; ne basumulula ensawo zaabwe, ne bamutonera ebirabo bya zaabu, n'obubaane, n'omugavu. Katonda bwe yabalabulira mu kirooto baleme okuddayo eri Kerode, ne bakwata ekkubo eddala, ne baddayo ewaabwe.

Laba, bwe baamala okugenda, malayika wa Mukama n'alabikira Yusufu mu kirooto, n'amugamba nti, “Golokoka, otwale omwana ne nnyina, oddukire e Misiri obeere eyo okutuusa nze lwe ndikugamba, kubanga Kerode ajja okunoonya omwana okumutta.” Awo Yusufu n'azuukuka, n'atwala omwana ne nnyina ekiro, n'agenda e Misiri; n'abeera eyo, okutuusa Kerode bwe yafa; ekigambo kituukirire Mukama kye yayogerera mu nnabbi, ng'agamba nti, “Nnayita omwana wange okuva mu Misiri.”

Awo Kerode, bwe yalaba ng'abalaguzi baamwefulidde, n'asunguwala nnyo, n'atuma okutta abaana ab'obulenzi bonna abaali e Besirekemu ne ku nsalo zaakyo zonna, abaali bawezezza emyaka ebiri n'abatannagituusa, okusinziira ku biro bwe byali bye yabuulirizaamu ennyo abalaguzi. Awo ekigambo nnabbi Yeremiya kye yayogera ne kiryoka kituukirira, bwe yagamba nti,
“Eddoboozi lyawulirwa mu Laama,
Okukaaba n'okukuba ebiwoobe ebingi,
Laakeeri ng'akaabira abaana be;
So tayagala kukubagizibwa,
kubanga tebakyaliwo.”

Naye Kerode bwe yamala okufa, laba, malayika wa Mukama n'alabikira Yusufu mu kirooto e Misiri, n'agamba nti, “Golokoka, otwale omwana ne nnyina, ogende mu nsi ya Isiraeri, kubanga abaali banoonya omwana okumutta bafudde.” Awo Yusufu n'agolokoka, n'atwala omwana ne nnyina, n'agenda mu nsi ya Isiraeri. Naye bwe yawulira nti Alukerawo ye kabaka w'e Buyudaaya ng'asikidde kitaawe Kerode, n'atya okuddayo. Awo Katonda bwe yamulabulira mu kirooto, ne yeekooloobya, n'agenda mu kitundu ky'e Ggaliraaya. N'ajja n'abeera mu kyalo erinnya lyakyo Nazaaleesi, ekigambo bannabbi kye baayogera kituukirire nti, “Aliyitibwa Munazaalaayo.”

Listen to Matayo 2