This translation, published by the Bible Society of Zambia, was published in 2015. If you are interested in the work that the Bible Society of Zambia is doing please visit www.unitedbiblesocieties.org.

Ishiwi Lyakwa Lesa 2016

<div class="version vid1097 iso6393bem" data-vid="1097" data-iso6393="bem">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s1">Ulupungu lwa Babele</div><div class="p"> 1Pesonde ponse palelandwafye ululimi lumo, kabili na mashiwi yalebomfiwa yamo yene. 2#Icite 10:10Ilyo abantu baselele no kulola lwa ku kabanga, basangile iwanga mu calo ca Shina,#11:2 Shina: E cimo cine na Babilonia. emo baikala. 3Balalanshanya abati, &#8220;Iseni tutame amatafwali tuyoce na bwino.&#8221; Kanshi babomfeshe amatafwali mu nshita yakubomfya amabwe. Elyo babomfeshe amanenekela mu nshita yakubomfya indaka. 4Elyo batile, &#8220;Iseni tuikuulile fwe bene umusumba no lupungu mukati ulwakuti lukafike na ku mulu pakuti tukalumbuke, kabili twikasalanganina pesonde lyonse.&#8221;</div><div class="p"> 5Lelo Yawe epakwika kukwisa mona umusumba no lupungu abantu balekuula. 6Elyo Yawe atile ati, &#8220;Moneni, nga cakuti aba bantu bali umutundu umo, kabili balelanda ululimi lumo batendeka ukucita ici, lyena pafyo bengatontonkanya tapakabe nelyo cimo ico bakafilwa ukucita. 7Iseni, natwike tuye fulunganya ululimi lwabo pakuti belaumfwa umulolele ifyo umunankwe alelanda.&#8221; 8Kanshi ukufuma kuli ilya ncende Yawe epakubasalanganishisha pesonde lyonse, baleka no kukuula umusumba. 9Eco uyu musumba balewitila Babele,#11:9 Babele: Ili shiwi lya Cihibulu, capala ishiwi &#8220;ukufulungana.&#8221; pantu ni muli uyu musumba emo Yawe afulunganishishe ululimi lwe sonde lyonse. Ukufuma muli uyu musumba, Yawe abasalanganishishe pesonde lyonse.</div><div class="s1">Aba mu lupwa lwakwa Shemu</div><div class="r">(1 Imilandu 1:24-27)</div><div class="p"> 10Ubu e butantiko bwa lupwa lwakwa Shemu.</div><div class="p">Imyaka ibili panuma ye lyeshi, ilyo Shemu ali ne myaka yakufyalwa umwanda umo (100), afyele umwana umwaume ishina lyakwe ni Afakisadi. 11Kabili panuma yakufyala Afakisadi, Shemu aikele imyaka imyanda isano (500), alifyele abana na bambi abaume na banakashi.</div><div class="p"> 12Ilyo Afakisadi ali ne myaka amakumi yatatu na isano (35), afyele Shela. 13Kabili panuma yakufyala Shela, Afakisadi aikele imyaka imyanda ine na itatu (403), alifyele abana na bambi abaume na banakashi.</div><div class="p"> 14Ilyo Shela ali ne myaka amakumi yatatu (30), afyele Eberi. 15Kabili panuma yakufyala Eberi, Shela aikele imyaka imyanda ine na itatu (403), alifyele abana na bambi abaume na banakashi.</div><div class="p"> 16Ilyo Eberi ali ne myaka amakumi yatatu na ine (34), afyele Pelegi. 17Kabili panuma yakufyala Pelegi, Eberi aikele imyaka imyanda ine na makumi yatatu (430), alifyele abana na bambi abaume na banakashi.</div><div class="p"> 18Ilyo Pelegi ali ne myaka amakumi yatatu (30), afyele Reu. 19Kabili panuma yakufyala Reu, Pelegi aikele imyaka imyanda ibili na pabula (209), alifyele abana na bambi abaume na banakashi.</div><div class="p"> 20Ilyo Reu ali ne myaka amakumi yatatu na ibili (32), afyele Serugi. 21Kabili panuma yakufyala Serugi, Reu aikele imyaka imyanda ibili na cine lubali (207), alifyele abana na bambi abaume na banakashi.</div><div class="p"> 22Ilyo Serugi ali ne myaka amakumi yatatu (30), afyele Naho. 23Kabili panuma yakufyala Naho, Serugi aikele imyaka imyanda ibili (200), alifyele na bambi abana abaume na banakashi.</div><div class="p"> 24Ilyo Naho ali ne myaka amakumi yabili na pabula (29), afyele Tera. 25Kabili panuma yakufyala Tera, Naho aikele imyaka umwanda umo ikumi limo na pabula (119), alifyele abana na bambi abaume na banakashi.</div><div class="p"> 26Ilyo Tera ali ne myaka amakumi cine lubali (70), afyele Abramu, Naho na Harani.</div><div class="s1">Aba mu lupwa lwakwa Tera</div><div class="p"> 27Ubu e butantiko bwa lupwa lwakwa Tera.</div><div class="p">Tera afyele Abramu, Naho na Harani. Harani nao ewafyele Loti. 28Harani afwilile mu Uri mu musumba afyalilwemo mu calo ca Kaludea, ninshi na wishi Tera acili umumi. 29Abramu na Naho bonse babili balyupile. Abramu aupile Sarai. Naho nao aupile Milika mwana Harani. Uyu Harani ewafyele Milika na Isika. 30Lelo Sarai takwete mwana, pantu ali ni &#331;umba.</div><div class="p"> 31Tera abuulile umwana wakwe Abramu, umwishikukulu wakwe Loti mwana Harani na nafyala Sarai, muka Abramu umwana wakwe, elyo bonse pamo bafumine mu musumba wa Uri mu calo ca Kaludea baile na ku calo ca Kenani. Nomba ilyo bafikile ku musumba wa Harani uko eko bacitile icifulo.</div><div class="p"> 32Tera ali ne myaka imyanda ibili na isano (205) ilyo afwilile mu musumba wa Harani.</div>
 </div>
 </div>
</div>

Pesonde ponse palelandwafye ululimi lumo, kabili na mashiwi yalebomfiwa yamo yene. Ilyo abantu baselele no kulola lwa ku kabanga, basangile iwanga mu calo ca Shina, emo baikala. Balalanshanya abati, “Iseni tutame amatafwali tuyoce na bwino.” Kanshi babomfeshe amatafwali mu nshita yakubomfya amabwe. Elyo babomfeshe amanenekela mu nshita yakubomfya indaka. Elyo batile, “Iseni tuikuulile fwe bene umusumba no lupungu mukati ulwakuti lukafike na ku mulu pakuti tukalumbuke, kabili twikasalanganina pesonde lyonse.”
Lelo Yawe epakwika kukwisa mona umusumba no lupungu abantu balekuula. Elyo Yawe atile ati, “Moneni, nga cakuti aba bantu bali umutundu umo, kabili balelanda ululimi lumo batendeka ukucita ici, lyena pafyo bengatontonkanya tapakabe nelyo cimo ico bakafilwa ukucita. Iseni, natwike tuye fulunganya ululimi lwabo pakuti belaumfwa umulolele ifyo umunankwe alelanda.” Kanshi ukufuma kuli ilya ncende Yawe epakubasalanganishisha pesonde lyonse, baleka no kukuula umusumba. Eco uyu musumba balewitila Babele, pantu ni muli uyu musumba emo Yawe afulunganishishe ululimi lwe sonde lyonse. Ukufuma muli uyu musumba, Yawe abasalanganishishe pesonde lyonse.


Ubu e butantiko bwa lupwa lwakwa Shemu.
Imyaka ibili panuma ye lyeshi, ilyo Shemu ali ne myaka yakufyalwa umwanda umo (100), afyele umwana umwaume ishina lyakwe ni Afakisadi. Kabili panuma yakufyala Afakisadi, Shemu aikele imyaka imyanda isano (500), alifyele abana na bambi abaume na banakashi.
Ilyo Afakisadi ali ne myaka amakumi yatatu na isano (35), afyele Shela. Kabili panuma yakufyala Shela, Afakisadi aikele imyaka imyanda ine na itatu (403), alifyele abana na bambi abaume na banakashi.
Ilyo Shela ali ne myaka amakumi yatatu (30), afyele Eberi. Kabili panuma yakufyala Eberi, Shela aikele imyaka imyanda ine na itatu (403), alifyele abana na bambi abaume na banakashi.
Ilyo Eberi ali ne myaka amakumi yatatu na ine (34), afyele Pelegi. Kabili panuma yakufyala Pelegi, Eberi aikele imyaka imyanda ine na makumi yatatu (430), alifyele abana na bambi abaume na banakashi.
Ilyo Pelegi ali ne myaka amakumi yatatu (30), afyele Reu. Kabili panuma yakufyala Reu, Pelegi aikele imyaka imyanda ibili na pabula (209), alifyele abana na bambi abaume na banakashi.
Ilyo Reu ali ne myaka amakumi yatatu na ibili (32), afyele Serugi. Kabili panuma yakufyala Serugi, Reu aikele imyaka imyanda ibili na cine lubali (207), alifyele abana na bambi abaume na banakashi.
Ilyo Serugi ali ne myaka amakumi yatatu (30), afyele Naho. Kabili panuma yakufyala Naho, Serugi aikele imyaka imyanda ibili (200), alifyele na bambi abana abaume na banakashi.
Ilyo Naho ali ne myaka amakumi yabili na pabula (29), afyele Tera. Kabili panuma yakufyala Tera, Naho aikele imyaka umwanda umo ikumi limo na pabula (119), alifyele abana na bambi abaume na banakashi.
Ilyo Tera ali ne myaka amakumi cine lubali (70), afyele Abramu, Naho na Harani.

Ubu e butantiko bwa lupwa lwakwa Tera.
Tera afyele Abramu, Naho na Harani. Harani nao ewafyele Loti. Harani afwilile mu Uri mu musumba afyalilwemo mu calo ca Kaludea, ninshi na wishi Tera acili umumi. Abramu na Naho bonse babili balyupile. Abramu aupile Sarai. Naho nao aupile Milika mwana Harani. Uyu Harani ewafyele Milika na Isika. Lelo Sarai takwete mwana, pantu ali ni ŋumba.
Tera abuulile umwana wakwe Abramu, umwishikukulu wakwe Loti mwana Harani na nafyala Sarai, muka Abramu umwana wakwe, elyo bonse pamo bafumine mu musumba wa Uri mu calo ca Kaludea baile na ku calo ca Kenani. Nomba ilyo bafikile ku musumba wa Harani uko eko bacitile icifulo.
Tera ali ne myaka imyanda ibili na isano (205) ilyo afwilile mu musumba wa Harani.

Listen to Icitendekelo 11