Matthew 11

1Aman Yèsu a n'ndeva ma nenga'a haha a sam golahi na ma, a ndo na, a nsenda ta ma, a njè ta ma Zhiklè te kokwarhi tenga'a. 2Aman Jean te gi dangai a ntsena ma a géƌ mizlinè Kristi, a nzlinde ta golahi nenga'a, man ta gaƌa na:

3Ka nenga'a man ta gaƌa a da shkè ƌè, ƌè nga zhèr ndo ngiƋè di äè?

4Yèsu a m'mbeƋa ta a ma:

Vodo a kin menda na Jean skwi man kin tsena'a a kin rka'a: 5mandazlihi ta rka dai, ndohi vedal ta dè a sak ta, ndohi hutsoƋ ta suƋ ta, ndaɓazlamhai ta tsena zlembaƋ, ndohi m'metsa'a ta slambaƋ ta. Ma mbela'a, ta njè a sam ndohi ntawassa'a. 6Mwuffè a sam ndo man sak nenga'a a slèfèƋè azɓai a géƋ ga!

7Aman to do ta ma, Yèsu a nhüno a ngaƋa ta ndohi rèdèdèa ma a géƋ Jean:

Kin do a hèshèkèƋ, a kin da war mè? Pandar man kozlar a gidè Ƌè? 8Kos kin do a kin da war mè? Ndo man maslaka mbela'a a va Ƌè? Na haha, ndohi man ta fèda maslaka mbela'a a va, ta te gi bihai. 9Kin do, a kin da war mè? Ndo nhadka ma Ƌè? I gaƋa kinè: nenga'a a fena ndo nhadka ma. 10Nenga'a ndo man ta windeda Ƌèlèwèr Zhiklè: Na haha, i zlindè gol ga a ma ngaya, a ntil civèƌ a ma ngaya.

11I gaƋa kinè a vava: te va ndohi man ngwozi ta yau, ndo nfena Jean Baptiste azɓai. Aman ndo man ta sla na ndo nkèshèa te kokwar-Bi-Zhiklè, mba nenga'a a Jean. 12A hüno te Jean Baptiste, ha patsna, ta woy kokwar-Bi-Zhiklè a wuƋai, a ndohi wuƋai ta woya n'ngèzlè'a. 13Ko ndohi nhadka ma, ko ma kita, ta hodko ma, ha nshkè Jean. 14Aman kin woy a kin cè'a, nenga'a Elie man ta gaƌa a di a shkè. 15Ndo man zlembaƌ na a zhè, da tsena'a!

16I lèmdè ndohi a géƋ herkeda haha a mè? Ta lèmèlèmè ara wudahai man ta nza a luma, a ta baba ta mandalahi tenga'a, a ta gaƋa: 17Nga voƋ shingelèk, a kin gatsa ɓai. Nga tsu nguzlah, a kin ga wobu ɓai. 18Jean a mshkè, a n'nda skwa ɓai, a nsa skwa ɓai, a ta gaƋa: madzagi a ga na. 19Kra-ndo a mshkè, a ndi skwai, a si skwai, a kin gaƋa: Na haha, ndo n'ndi skwi hamhama'a, ndo zom, mandal ndohi ncèkèlè skwai, a ndohi malihai! Maya a ngrédè auda te skwi man maya a gia'a.

20Te deɓa'a a nhüno man a gi ndzoan a géƋ kokwarhi mbibihia'a, man a gu nrkedi holhola'a te pa, aman ndohi ta ngwoda ndav ɓai.

21Woba ka, kokwar Chorazin! Woba ka, kokwar Bethsaida! Aman agassa ta gu nrkedihi te kokwar Tyr a Sidon, ara man ta gu a sam ngaya, ar ndohi te pa, ta ngwoda ndav ta te mèrwec n'nzi a zhè ma. 22Aman i gaƋa kinè: Kokwar Tyr a Sidon, dara tenga'a a kinè a pats kita.

23Ka Capemaum, ka da grè ta zhiklè Ƌè? A'ai! Ta da kalde ka a vogwa kita. Aman agassa ta gu nrkedihi te kokwar SoƋome, ara man ta gu a sam ngaya, ar kokwar SoƋome a nzi dai, ha nshkè na ma mpatsna. 24Aman i gaƌa kinè: Kokwar SoƋome dara nenga'a a kinè a pats kita.

25A pats nasa Yèsu a nhüno a ngaƋa:

I shida ka gèƋ, Bab ga, Bi zhiklè a Bi herkeda, aman ka nghede skwi haha a sam ndohi maya, a ndohi man ta sun skwi te gèƋ; ka ngredkoƋauda a sam ndohi man ta gre di ɓai. 26Halau, Bab ga, aman arsa ambaba ka. 27Skwi tèlèba Bab ga a mvay a rai. Ndo ngiƋè a sun kra ɓai, sèi Bab kra a suna a vava. Ndo ngiƋè a sun bab kra ɓai, sèi kra a suna a vava, a ndohi man kra a ngreda ta.

28Vowashkè a sam ga, kin tèlèba man ntulè a keƋ kinè, man skwi mwuƋitpa a ga kinè, a i da va kinè nshèk va. 29Vakelawda wof nte da'ai ga a da'ai kinè, vaslebau a sam ga! Aman iyè, i ndo man ndav lüɓekwa'a, a i manda gèƋ ga a hi a sam tèlèba; a ndav kinè a ngècè nshèk va. 30Aman wof nte da'ai ga, wuƋi a te pa ɓai; a skwi ga man kin zhüɓa'a, a nzala kinè azɓai.

المحددات الحالية:

Matthew 11: MAFNT

تمييز النص

نسخ