Tsutɨarika 5
5
'Arani nuiwarimama
1'Ikɨ 'Arani nuiwarimama mekanihɨkɨtɨni.
Kepauka Kakaɨyari tewi mutawewi, yuhepaɨ 'aneme putawewi. 2'Uki 'uka puwarutiwewi, meta 'aixɨa kaniwaruyurieni. Kepauka muwarutiwewi «teɨteri».#5:2 teɨteri. Hepɨrayukɨ 'Arani meta teɨteri panuyɨne.
3Kepauka 'Arani xeitsienituyari heimana xeitewiyari heimana tamamata wiyari mexeiyakai, xeimeta kaniutinuarieni yuhepaɨ 'anekame yuhepaɨ tiyuxexeiyame, Tseti katiniterɨwa. 4Tseti 'utinuiwaku, 'Arani kaniuyurieni 'atahaika tsienituyari wiyari, warayexeiyaka tawarita 'ukitsi meta 'ukari. 5'Arani kaniumɨni 'atanauka tsienituyari heimana xeitewiyari heimana tamamata wiyari hexeiyatɨ.
6Tseti pexeiyakai xeitsienituyari heimana 'auxɨwime wiyari kepauka 'Enuxi mayexei. 7'Utinuiwaku 'Enuxi, Tseti kaniuyurieni 'atahaika tsienituyari heimana 'atahuta wiyari, warayexeiyaka tawarita 'ukitsi meta 'ukari. 8Tseti kaniumɨni 'atanauka tsienituyari heimana tamamata heimana huta wiyari hexeiyatɨ.
9'Enuxi pexeiyakai nauka tewiyari heimana tamamata wiyari kepauka Kainahani mayexei. 10Kainahani 'utinuiwaku, 'Enuxi kaniuyurieni 'atahaika tsienituyari heimana tamamata heimana 'auxɨwime wiyari, warayexeiyaka tawarita 'ukitsi 'ukari. 11'Enuxi kaniumɨni 'atanauka tsienituyari heimana 'auxɨwime wiyari hexeiyatɨ.
12Kainahani pexeiyakai haika tewiyari heimana tamamata wiyari kepauka Marareri mayexei. 13Marareri 'utinuiwaku, Kainahani kaniuyurieni 'atahaika tsienituyari heimana huta tewiyari wiyari, tawarita warayexeiyaka 'ukitsi 'ukari. 14Kainahani kaniumɨni 'atanauka tsienituyari heimana tamamata wiyari hexeiyatɨ.
15Marareri pexeiyakai haika tewiyari heimana 'auxɨwime wiyari kepauka Kareri mayexei. 16Kareri 'utinuiwaku, Marareri kaniuyurieni 'atahaika tsienituyari heimana xeitewiyari heimana tamamata wiyari, tawarita warayexeiyaka 'ukitsi 'ukari. 17Marareri kaniumɨni 'atahaika tsienituyari heimana nauka tewiyari heimana tamamata heimana 'auxɨwime (895) wiyari hexeiyatɨ.
18Kareri pexeiyakai xeitsienituyari heimana haika tewiyari heimana huta wiyari kepauka 'Enuki mayexei. 19'Utinuiwaku 'Enuki, Kareri kaniutihuni 'atahaika tsienituyari wiyari, tawarita warayexeiyaka 'ukitsi 'ukari. 20Kareri kaniumɨni 'atanauka tsienituyari heimana haika tewiyari heimana huta (962) wiyari hexeiyatɨ.
21'Enuki pexeiyakai haika tewiyari heimana 'auxɨwime wiyari kepauka Matutsareni mayexei. 22'Utinuiwaku Matutsareni, 'Enuki Kakaɨyari hamatɨa 'aixɨa pɨtiuyeikakai haika tsienituyari wiyari, tawarita hipame pɨwarayexei 'ukitsi 'ukari. 23'Enuki kaniuyurieni haika tsienituyari heimana haika tewiyari heimana 'auxɨwime wiyari, 24'aixɨa mɨtiyurienekaikɨ Kakaɨyari hamatɨa, kaniutatɨmaiyarieni Kakaɨyari meiwitɨkɨ.
25Matutsareni pexeiyakai xeitsienituyari heimana nauka tewiyari heimana 'atahuta wiyari kepauka Rameki mayexei. 26'Utinuiwaku Rameki, Matutsareni kaniuyurieni 'atahuta tsienituyari heimana nauka tewiyari heimana huta wiyari, tawarita warayexeiyaka 'ukitsi 'ukari. 27Matutsareni kaniumɨni, 'atanauka tsienituyari heimana haika tewiyari heimana 'atanauka (969) wiyari hexeiyatɨ.
28Rameki pexeiyakai xeitsienituyari heimana nauka tewiyari heimana huta wiyari kepauka Nuhexi mayexei. 29Rameki Nuhexi pɨtiterɨwaxɨ mɨpaɨ mutayɨkɨ: «'Ikɨ nunutsi pɨtatsika'uxipitɨani ketemɨte'uximaya tete'uka'eniwatɨ meta ketemɨte'uximaya kwiepa Yawé 'axa'iyurieku». 30Nuhexi 'utinuiwaku, Rameki kaniuyurieni 'auxɨwime tsienituyari heimana nauka tewiyari heimana tamamata heimana 'auxɨwime (595) wiyari, tawarita warayexeiyaka 'ukitsi 'ukari. 31Rameki kaniumɨni 'atahuta tsienituyari heimana haika tewiyari heimana tamamata heimana 'atahuta (777) wiyari hexeiyatɨ.
32Nuhexi peixeiyakai 'auxɨwime tsienituyari wiyari kepauka Tsemi, Kami, Kapeti, muwapaapatɨkai.
المحددات الحالية:
Tsutɨarika 5: hch
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2020, Wycliffe Bible Translators, Inc.
