VAKATEKIVU 2
2
1A sa buli oti na lomalagi kei na vuravura kei na ka kecega sa tu kina. 2Ena i kavitu ni siga, a sa oti kina na veibuli, ka sa vakacegu na Kalou mai na nona cakacaka.#Ipe 4.4,10 #Lako 20.11 3A vosa vakalougatataka na i kavitu ni siga na Kalou, ka vakatabuya, ka ni a vakacegu kina mai na nona cakacaka ni sa oti na nona veibuli. 4O ya na i tukutuku ni kena a buli na vuravura kei na ka kecega era tu ena maliwa lala.
Na i Teitei o Iteni
Ena gauna e a bulia kina na vuravura kei na veika kecega sa tu ena maliwa lala na Kalou ko Jiova, 5e sa sega sara ni dua na kau a tubu tu ena dela i vuravura, a sega talega ni dua na sore ni kau me bula tu kina, ka ni a sega ni vakatauca na uca ena dela i vuravura na Kalou ko Jiova; a sa sega na tamata me teivaka na vanua. 6A sa tubu cake na wai mai na qele ka vakasuasuataka na dela i vuravura.
7A sa qai taura eso na soso mai na qele#2.7 qele… tamata: Ena vosa vakaiperiu, na “tamata” (Adam) kei na “qele” (Adamah) e tautauvata na kedrau balebale. na Kalou ko Jiova ka bulia kina na tamata;#2.7 qele… tamata: Ena vosa vakaiperiu, na “tamata” (Adam) kei na “qele” (Adamah) e tautauvata na kedrau balebale. a sa ceguva ki ucuna na i cegu ni bula; a sa yaco kina me tamata bula.#1Kori 15.45
8A sa qai tea na Kalou ko Jiova e dua na i teitei mai Iteni, ena tokalau; a sa la'ki vakatikora kina na tamata e a bulia. 9A sa vakatubura mai na qele na Kalou ko Jiova na kau rairai vinaka kecega ka rawa ni laukana. Ena lomadonu ni i teitei sa tu kina na kau ni bula, kei na kau sa kilai kina na ka vinaka kei na ka ca.#2.9; 2.17 kau ni kila-ka me baleta na ka vinaka kei na ka ca; se kila-ka me baleta na ka kecega. #Vtaki 2.7; 22.2,14
10A sa drodro mai Iteni e dua na uciwai ka basoga-i-va me vakasuasuataka na i teitei. 11Na yaca ni kena i matai o Pisoni; a drodro wavolita na vanua o Avila. 12(Sa kunei e kea na koula vinaka sara, na drega boi vinaka kei na vatu talei na onikisa.) 13Na kena i karua na yacana o Kioni; sa drodro wavolita na vanua o Kusa.#2.13 Kusa (mai Mesopotemia); se Eciopea. 14Na yaca ni kena i katolu o Taikirisi; sa drodro wavolita na tokalau kei Asiria. Ia na yaca ni kena i kava o Uferetisi.
15Sa qai kauta na tamata na Kalou ko Jiova ka vakatikora ena teitei o Iteni me vakacokotaka ka vakatawana. 16A sa vakarota na tamata ka kaya, “Sa rawa mo kania na veimataqali vuanikau kecega sa tu ena i teitei, 17ia na kau sa kilai kina na ka vinaka kei na ka ca,#2.17; 2.9 kila-ka me baleta na ka vinaka kei na ka ca; se kila-ka me baleta na ka kecega. mo kakua sara ni kania na vuana. Ia ena gauna o na kania kina, o na mate vakaidina.”
18A sa kaya na Kalou ko Jiova, “E sega ni vinaka me tiko duadua voli ga na tamata. Au na bulia e dua na nona i tokani me dau vukei koya.” 19A sa taura na soso mai na qele na Kalou ko Jiova ka bulia kina na veimataqali manumanu kecega ni vanua, kei na veimataqali manumanu vuka kecega, a sa kauti ira vua na tamata me vakayacani ira. Ia na yaca e vakatokai ira yadua kina ena yaco me yacadra. 20A sa vakayacana o Atama na manumanu manoa kecega, na manumanu kila kei na manumanu vuka. Ia sa sega ni dua vei ira oqo me nona i tokani vinaka ka me dau vukei koya.
21A sa vakavuna e dua na via moce levu na Kalou ko Jiova, ka sa moce lutu kina o Atama. A sa qai ucuna mai e dua na sui mai na sarisarina ka sema tale na lewe ena yasana o ya. 22A sa bulia na Kalou ko Jiova e dua na yalewa mai na sui e a ucuna mai vua na tagane, ka sa kauti koya yani na yalewa ki vua. 23A sa kaya o Atama,
“Sai koya oqo na tiki ni yagoqu dina,
na sui mai na suiqu ka lewe mai na lewequ;
Ena vakatokai me ‘Yalewa’
baleta ni sa kau mai vua na tagane.”#2.23 yalewa… tagane: Ena vosa vakaiperiu, na ‘yalewa’ (ishshah) kei na tagane (ish) e veivolekati na kedrau i balebale.
24Oqo na vuna ena biuta kina na tamana kei na tinana na tagane ka kabita na watina, erau na yaco me lewe dua ga.#Maciu 19.5; Mari 10.7-8; 1Kori 6.16; Efe 5.31
25Erau sa luvawale ruarua na tagane kei na yalewa, ia erau sa sega ga ni maduataka.
المحددات الحالية:
VAKATEKIVU 2: FNV
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Fijian New Version Bible, Revised Edition © Bible Society of the South Pacific, 2017, 2021.
