MATIUS 6
6
Passala assare passidakka
6:1-4
1 #
Mat. 23:5
”U'rangi, akolalo geokangi atoranna agamamu ri a'rakanna tau solanna rijanjang ri iyai, saba' ampa appakonjo, kau gele nguppa sahala battu ri Ammammu ri Suruga. 2Jari, ampa kau assare passidakka, akolalo lagarai passala injo, assimpole nulageokang injo tau munape' inni lalang ri sapo passambajangang na ripamolonang seppang, solanna iyai lapuji tau. Sitoje'na Nakke appau mange ri kaui: Iyai lauppamu sahala'na. 3Mingka ampa kau assare passidakka, andalalo laisse' lima kairimmu apa nulageokang lima kanammu. 4Sibaji'na passidakkamu injo ripassareangi surangang tassa'bu, jari Ammammu nuanjanjang inni nutassa'bu laa'balasa mange ri kaui.”
Passala ngera dowaang
6:5-15
(Luk. 11:2-4)
5 #
Luk. 18:10-14
”Ampa ngera dowaangko, akolalo ngera dowaang assimpole tau munape'. Iyai injo langai ngera dowaang ampa ammentengi lalang ri sapo passambajangang na risikonjo pappengkaang lalang bakka', solanna iyai rijanjang ri tau. Sitoje'na Nakke appau mange ri kaui: Iyai injo maeng lauppamu sahala'na. 6Mingka ampa kau ngera dowaang, antama'ko ri bili'mu, tongko'i pallo'bi'na na ngera dowaangko mange ri Ammammu nurie' injo ri tampa' tassa'bu. Ri appakonjona, Ammammu nuanjanjang injo nutassa'bu laa'balasa mange ri kaui.
7La'bipa pole lalang ripangera dowaammu akolalo akkalu'-kalu' assimpole kabiasaanna tau maraeng gele injo tappa' ri Allataala. Iyai injo laare'i ma'nassana rilohena pau pangera dowaanna laripilangngeri. 8Jari, akolalo ngera dowaang assimpole iyai, saba' Ammammu laisse'i numuparalluang injo, rigelenapa muera mange ri Ia. 9Injomo saba'na, ngera dowaanglaloko appakonni:
Ammamba ri Suruga,
Ripakatangkasalalo aremMu,
10rie'lalo PakkaraengamMu,
a'jarimu a'ra'Mu
ri lino assimpole ri suruga.
11Sareangkang allo inni kanreamba siganna'na
12na ampungilalokang battu rikasalaamba,
assimpole kambe todo' ngampungi tau rie' injo salana mae ri kambe;
13na andakang rilappasang laantama' lalang ripasso'ri,
mingka lappasanglalokang battu risipa' daa.
[Saba' Kaumo opuna Pakkaraengang na kahasa surang kala'birang situlusu'na. Aming.]
14 #
Mark. 11:25
Saba' ampa kau ngampungi kasalaang tau, Ammammu ri suruga langampungi todo' ri kau. 15Mingka ampa kau gele ngampungi tau, Ammammu gele todo'i laampungi kasalaammu.”
Passala appuasa
6:16-18
16”Ampa kau appuasa, andalalo luja rupammu assimpole tau munape'. Iyai injo lapakaluja rupanna, solanna lajanjang tau ma'nassana iyai attangnga appuasa. Sitoje'na Nakke appau mange ri kaui: Iyai injo maeng lauppamu sahala'na. 17Mingka ampa appuasaiko, minnyakilalo ulummu, na tima'ruki rupammui, 18solanna andai lajanjang tau ma'nassana kaui appuasa, passangadinna sangga ri Ammammu jua nurie' injo ri tampa' tassa'bu. Jari Ammammu nuanjanjang injo nutassa'bu laa'balasa mange ri kau.”
Passala apparappung kakalumannyangang
6:19-24
19 #
Yak. 5:2-3
#Luk. 12:33-34”Akolalo apparappung kakalumannyangang ri kalemmu ri lino; ri lino rangnga' na ta'gara lamanraki na palukka' langonsala ampai lalukka'. 20Mingka parappungi kakalumannyangang ri suruga; papparappungangi kalemmu pa'barang-barangang ri suruga; ri suruga rangnga' na ta'gara gele lapanraki na palukka' gele laonsala ampai lalukka'. 21Saba' ri antee mae pa'barang-barangammu, ri injo todo'i nyahamu.
22 #
Luk. 11:34-36
Mata intu kanjoli batangkale. Ampa baji' matammu, sinara intu sibatu batangkalemmu; 23ampa matammu daa sipa'na, kalammangi sibatu batangkalemmu. Jari, ampa sinara rie' injo ri kaui a'jari kalammang, anteemu kamua akkapu'na kalammang injo.
24 #
Luk. 16:13
Gele rie' manna se're tau akkulle akkasihiang ri rua karaeng. Saba' ampa appakonjo, ia lalikingi mange rise're tau na ngamaseangi mange ri tau maraeng injo, iyareka ia lamallang mange rise're tau na gele lapilangngeri tau maraeng injo. Geleko akkulle akkasihiang mange ri Allataala surang mange ri Mamon battuanganna: Kakalumannyangang lino.”
Passala rikabata-bataang
6:25-34
(Luk. 12:22-31)
25”Injomo saba'na, Nakke appau mange ri kaui: Akolalo bata-bata ripassala tallasa'mu, ripassala apa nua'ra' lamukanre iyareka lamuinung, na akolalo todo' bata-bata ripassala batangkalemmu, ripassala apa nua'ra' lamupake. Gelejua tallasa intu la'bi parallu battu rikanre na batangkale intu la'bi parallu battu ri pakeang 26Pariatisai jangang-jangang injo ri langi' nugele a'lamung na gele anduru na gele apparappung bokong lalang ri palampang, mingka risare kanre ri Ammammu ri suruga. Gelejua kaui la'bi riekang anggaranna battu ri jangang-jangang injo? 27Inaimo ri kau saba' kabata-bataanna akkulle latambai sirappa tallasa'na? 28Ngura kaui bata-bata ripassala pakeang? Pariatisai taju'-taju' intu ri parang, nuattimbo na gele anjama surang gele attannung, 29#1 Raj. 10:4-7; 2 Taw. 9:3-6mingka Nakke appau mange ri kaui: Suleman lalang risikonjo kakalumannyanganna gele makeang ballo assimpole risala se'renna battu ri taju'-taju' injo. 30Jari, ampa appakonjo Allataala lapakaballo ruku' rie' injo ri parang, nuallo inni rie'i na mintara ripabuangi antama' ri api, gelejua Ia la'bi lapakaballoko, oe tau kurang tappa'? 31Injomo saba'na, akolalo bata-bata na appau: Apa latakanre? Apamo latainung? Apamo latapake? 32Iangase'na injo labojai tau maraeng gele injo tappa' ri Allataala. Mingka Ammammu ri suruga laisse'i ma'nassana kau muparalluangi iangase'na injo. 33Mingka bojalalo riolo Pakkaraengang Allataala surang a'ra'Na, jari iangase'na ritambai mange ri kau. 34Injomo saba'na, akolalo bata-bata ripassala allo mintara, saba' allo mintara rie' to'jua bata-batana. Kasusaang siallo ganna'mu ri siallo.”
المحددات الحالية:
MATIUS 6: LAI_SLY
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
@LAI 2012 Indonesian Bible Society (Lembaga Alkitab Indonesia)
