MATIUS 11
11
1Sungka'namo Isa lapa'maeng pappasanNa mange ri sampuloiya rua suro-suroNa, Ia a'lampai battu ri injo langajara na lappala'bang Injili ri kota maraeng.
Isa na Yahya Pario
11:2-19
(Luk. 7:18-35)
2Lalang ri pattarungkuang Yahya lalangngere passala jamaanna Almase, 3jari assuro ri ana'-ana' gurunna mange akkuta'nang ri Ia, ”Kaumoka tau larie' injo iyareka parallu juapakang attajang tau maraeng?” 4Appihali Isa ri iyai, ”A'lampako na paulalo mange ri Yahya apa mulangngere surang apa mujanjang: 5#Yes. 35:5-6, 61:1tau buta anjanjang, tau pesu' a'lingka, tau kattakang a'jari tangkasa, tau bongolo allangngere, tau mate ripakaattallasa muliang na mange ri tau kaasi-asi injo ripappauwangi kareba baji'. 6Sunggulalo tau gele injo a'boko ri Nakke.”
7Sungka'i a'lampa ana'-ana' gurunna Yahya, pakaramulamu Isa a'bisara mange ri tau lohe injo ripassala'na Yahya, ”Apa pattujummu a'lampa mange ri parang luara? Lamangeka anjanjang bulo lairi' anging? 8Iyaireka apa pattujummu a'lampa? Lanjanjang tau makeang ballo? Tau makeang ballo injo tampa'na rie'i ri sapo karaeng. 9Jari, apa pade' pattujummu a'lampa? Lamange anjanjang nabbi? Nabai, saba' la'bi battu ri nabbi. 10#Mal. 3:1Saba' ripassala'na ia rie' ta'ukiri:
Janjangimu, Nakke assuro suroKu a'lampa riolo ri Kau,
ia laappakasadia pa'lalangamMu ri a'rakamMu.
11Sitoje'na Nakke appau mange ri kaui: Risikonjo turilaherang inni ri bahine gele minang rie' manna se're tau la'bi bakka' battu ri Yahya Pario, mingka tukaminang ki'di' injo lalang ri Pakkaraengang Suruga la'bi bakkakang battu ri ia. 12#Luk. 16:16Pakaramula rie'na Yahya Pario sa'genna konni-konnina, Pakkaraengang Suruga ridomung na tau a'domung injo laparri-parri laalle. 13Saba' sikonjo nabbi na kitta' Tora' lapappiissekangi sa'genna rie' Yahya 14#Mal. 4:5; Mat. 17:10-13; Mark. 9:11-13na – ampa ia a'ra'i mutarima – iamo Elia tularie' injo. 15Inai attoli, sibaji'na ia appilangngeri!
16Apamo a'ra' Kupassinrapangangi tau konni-konni? Iyai injo assimpole ana'-ana' attangnga injo attolong ri pasara na assibalasai kelong surang bahaanna:
17Kambe tapassulingangko, mingka geleko attari-tariang,
kambe akkelong se're kelong kapa'risang, mingka geleiko simpung.
18saba' Yahya rie'i, ia gele nganre, gele nginung, na iyai appau: Ia latabai setang. 19Maeng injo Ana' Rupatau rie', Ia nganre na nginungi, na iyai appau: Janjangimu, Ia se'rei tubalala na painung, bahaanna palele sima ngowa na tau doraka. Mingka pangisse' ri Allataala ripa'nabai ripanggeokanna.”
Isa attadea lohe kota
11:20-24
(Luk. 10:13-15)
20Jari Isa pakaramulamu attadea rilohe kota gele injo jarra, mannamamo injo ri injo Ia kaminang lohe lapaa'jari kajariang nugeleNa samara, 21#Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4”Silakamo kau Khorazim! Silakamo kau Betsaida! Saba' ampa ri Tirus na ri Sidon a'jari kajariang numaeng a'jari injo ritangnga-tangngamu, iyai injo sallomu maeng jarra na pa'risi. 22Mingka Nakke appau mange ri kaui: Ri allo pangadelang, tanggonganna Tirus na Sidon lala'bi ringangang battu ritangongammu. 23#Kej. 19:24-28; Yes. 14:13-15Na kau Kapernaum, apa kau laripanai' sa'genna langi'? Gele, kau laripanaung sa'genna ri anja! Saba' ampa ri Sodom a'jari kajariang numaeng a'jari injo ritangnga-tangngamu, kota injo tantu rie' juapa sa'genna allo inni. 24#Mat. 10:15; Luk. 10:12Mingka Nakke appau mange ri kaui: Ri allo pangadelang, tanggonganna Sodom lala'bi ringangang battu ritanggongammu.”
Pakkeo'na Pappakasalama'
11:25-30
(Luk. 10:21-22)
25Rihattu injo appaui Isa, ”Nakke sukkuru mange ri Kau, Amma, Karaeng langi' na lino, saba' iangase'na injo Kau musa'bu ri tau ngisse' na ri tau sara'de', mingka Kau mupappijanjangangi mange ri tau ki'di'. 26O Amma, iamo injo baji' mange ri Kau. 27#Yah. 1:18, 3:35, 10:15Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.
28Maeko ri Nakke, sikuanna tau mangngang na tau bera' intu eranna, Nakke laassare kalogaang mange ri kaui. 29#Yer. 6:16Sompoi erang Kupierangiang injoko na appilajarako ri Nakke, saba' Nakke lumu nyaha na tuna pa'mai' na nyahamu nguppa kasannangang. 30Saba' erang nuKupierangi injo appakasannangi na erangangKu ringang todo'i.”
المحددات الحالية:
MATIUS 11: LAI_SLY
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
@LAI 2012 Indonesian Bible Society (Lembaga Alkitab Indonesia)
