Génesis 35
35
Jacob pexe ichapa Betel adu dasudi
1“Betel adu itawe”, Diospa Jacob wadi: “Naduxu Dios ruwe petsainaxutawe na ẽ biki dukudi adu Esaúki besekaĩdi mi ichuax idi adu”, Diospa Jacob wadi. 2Naskata Jacobpa awẽ kaiwuu na awe ibiswu atu yuidi: “Na ma udiwaxu ikũira waa putakawe. Dashikawe. Matu saweti weda sawekawe. 3Betel adu nu wunukawe”, atu wadi. “Narixu ẽ ruwe petsaidikanu naduxu ẽ Dios idimaxuxikĩ. Ewẽ uchiki ẽ besekaĩdi kaidu naatu ea sharawaxudi. Naatu ea kexesharadi waĩ ẽ kaidu”, atu wadi.
4Yura keskara wakaxu na ikũira wapaudiwu Jacob inadiwu. Atũ pachu adu sawekata netabiswu nawu inawudu Jacobpa baiwadi iwi awẽ ade encina nama pexe ichapa awẽ ade Siquem chaiba. 5Jacobpa awẽ yurawuwe kaidu Epa Dios yura chaiba ikawu atu besenawadi. Naskake Jacobpa awẽ wakewu tsuã beewaĩdiba.
6Jacob awẽ yurawuwe pexe ichapa awẽ ade Luz nadu dukudiwu. Awẽ ade wetsa Betel idi. Na bai adu Canaán idi. 7Ruwe petsaidaxu nadu adedi El-betel, wadi. Betel wakĩ “Epa Dios awẽ Betel”, idi. Nadu Epa Dios aki dukudi awẽ uchiki besekaĩdi ichuadu. 8Naduax Rebeca awẽ uibati Débora dadi. Iwi awẽ ade encina nama bai wadiwu Betel chaiba. Naskake nadu adedi Elón Bacut.#35.8 Elón Bacut wakakĩ Da iwi adu nu siaiki.
9Padán-aram aduax Jacob dasuadu Epa Dios aki dukudi. Naskata Epa Dios shina shara inadi. 10Iskara tsaima Diospa Jacob yuidi:
“Datiã mewẽ ade Jacob.
Ana mewẽ ade Jacob ikiba.
Mewẽ ade Israel iki”, Epa Diospa Jacob wadi.
Naskata Diospa awẽ ade wetsa axudi.
11Chipu Diospa yuidi: “Ẽ Dios bitsisipa.
Wake ichapa mewẽ kaiwuunuax ichapanawã kaĩpakedakawu.
Mi uduax yura xuku wetsa ipaxanuwu.
Naskatari mewẽ kaiwuu uduax ichapanawã kaĩpakedakawu ichapa diaiwu ipadakawu.
12Na bai ẽ Abraham inadi naskatari ẽ Isaac inadi
naa bai ẽ bia inai.
Mewẽ kaiwuunuax ichapanawã kaĩpakedakawu ẽ bia inanupukui”, Epa Diospa Jacob wadi.
13Naduax Epa Dios Jacobwe tsaita kadi. 14Naduxu Jacobpa ruwe widiniwuwãdi naniti keskara naa Dioswe tsaika aduxu. Naniti keskaraki xidi nachita vinori nachidi naduxu Dios idimaxuxikĩ. 15Dioswe tsaikadu nadu Jacobpa adedi Betel,#35.15 Betel wakĩ Dios awẽ pexe, wadi. wadi.
Raquel dadi
16Betel aduax wuwaiwudu pexe ichapa Efrata chaibakiduax Raquel wake kaĩ isikui beedi. 17Wake wibistu Raquel wake akaidu yuidi: “Beseyabawe. Werunawake wetsa mi aki”, wadi. 18Ma daki awẽ wake adedi Ben-oní,#35.18 Ben-oní wakĩ Ewẽ wake shinabetsaiyai, wadi. wadi. Naskaweke awẽ apã adedi Benjamín,#35.18 Benjamín wakĩ Ewẽ meke bibiyauridua, wadi. wadi. 19Ma Raquel daadu pexe ichapa Efrata wai kaa adu baiwadiwu. Datiã nadu awẽ ade Belén. 20Raquel baiyadu Jacobpa naniti keskara widiniwuwãdi. Datiã Raquel baiyadu ma tapinabea.
21Naskadu Israel kadi. Eder winuwaĩta awẽ yuina wichi nadu tapasdi. 22Naduxu Israelpa awĩ wetsa Bilhá Rubén ikaitu naa dikai Jacob sidakuidi.
Jacobpa awẽ wakewu doce idiwu
23Israel wakeya idi Líaweta aka. Awẽ wakewu Rubén iyua idi. Akachiuridua Simeón idi. Awẽ wakewu wetsa Leví wetsari Judá wetsari Isacar atũ chipuke Zabulón idi.
24Israel Raquelweta wake rawe adi. Awẽ wake iyua José awẽ wake wetsa awẽ ade Benjamín.
25Raquel awẽ uibati awẽ ade Bilhá nawetari Israel wake rawe adi. Awẽ wake iyua Dan wetsa Neftalí.
26Lía awẽ uibati awẽ ade Zilpá nawetari Israel wake rawe adi. Awẽ wake iyua Gad wetsa Aser. Naawu Jacobpa awẽ wakewu bai Padán-aram aduax kaĩdiwu.
Isaac dadi
27Jacob apã pexe adu dasudi. Apa Isaac ipaudi pexe ichapa awẽ ade Mamré awẽ ade wetsa Arbá wetsari Hebrón. Nadu Abraham Isaac ipaudiwu adu. 28Isaac dai ciento ochenta wari akax dadi. 29Adiwukuiyax dadi awẽ xidiwuwe iki kai kadi. Ma daadu Esaúweta Jacobpa baiwadiwu.
المحددات الحالية:
Génesis 35: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
