Génesis 14
14
Awẽ pia Lot iyunawudu Abrampa iwitadi
1Nadu askayaidu Amrafel diaiwu idi bai #14.1 Sinar awẽ ade wetsa Babilonia.Sinar adua. Arioc diaiwu idi Elasar bai adua. Quedorlaómer diaiwu idi Elam bai adua. Tidalri diaiwu idi Goím bai adua. 2Na cuatro diaiwuu atũ soldadowuya cinco diaiwuu wetsawu atũ soldadowuyari retenai wudiwu. Bera, Sodoma bai adua atũ diaiwuuwe. Birsá Gomorra bai adua atũ diaiwunu, Sinab bai Admá adua atũ diaiwunu, Seméber bai Seboím adua atũ diaiwu naskatari bai Bela aduawawe atũ diaiwuri atuwe retenapaudiwu. Na bai Bela awẽ ade wetsa Sóar idi. 3Cinco diaiwuwawe nadu wisti atũ soldadowu ichanawadiwu bai mispa Sidim awẽ ade wetsa Iãmawa Daa adu. 4Diaiwu Quedorlaómer awẽ tsai dikakuipaudiwu. Doce wari ma ika idi. Ma trece wari ikadu na cinco diaiwuwawe shinadiwu awe retenaxikakĩ. 5Diaiwu Quedorlaómerwe na diaiwu wetsawawe ikũirawaawu wari wetsa retenai wudiwu. Bai Astarot Carnaim aduxu na refaítawu retediwu. Naskata chipu zuzitawu retediwu bai Ham aduxu. Emitawu retediwu bai Savé-quiriataim aduxu. 6Na horeowu atu retediwu bachiwu Seír aduxu atu beewaĩkaxu El-parán bai chaibaxu tsua ikabaduxu. 7Naskaxu Quedorlaómerwe diaiwu wetsawu atũ soldadowuya dasudiwu. En-mispat bai adu dukudiwu. Awẽ ade wetsa Cadés adu. Wukakĩ na uĩyaiwu atu retediwudiwu na ichuitawu amalecitawawe atũ bai aduxu. Naskatari. Na atu aka keskawadiwu amorreowuri daawu bai Hasesón-tamar adu ipaudiwu.
8Naskake Sodoma bai adua diawu Gomorra bai adua Admá bai adua Seboím bai adua Bela bai adua diaiwuu naawu wudiwu bai mispa Sidim adu. 9Nariax naa diaiwu cincotii atuwe retenadiwu. Quedorlaómerwe Tidalwe Amrafelwe Ariocwe daawu cuatro idi. Bai Elam Goím Sinar Elasar aduawu atũ diaiwuu daawu idiwu. 10Na bai mispa Sidim adu kidi mera wui idi. Na Gomorra Sodoma adua diaiwutii ichupaikadax na kidi mera pakediwu. Diaiwu wetsawu bachiwu ari ichudiwu.
11Naskake na cuatro diaiwuwawe atũ awarawu unekaxu atũ awara sharawutii wikata bai Sodoma adua bai Gomorra aduari pitiwu widiwu. Naskata naduax wudiwu. 12Na Sodoma adu Lot ika idi Abrampa awẽ pia naariwi iyudiwu awẽ awarawuya. 13Abram hebreo iwiwu wadanabea Mamré adu ipaudi dukuwede wisti ichuatu uxũ yuidi. Naa dukuwede amorreopa awẽ udiwetsa rawe idi Escolwe Aner naa rawe Abramwe rawebiswu idi.
14Ma Abrampa awẽ pia iyunawudu atu ichanawadi. Na awẽ pexe aduax kaĩdiwu awẽ uibatiwu trescientos dieciocho idiwu. Naawuyaxu atu beewaĩdi na diaiwutii. Na pexe ichapa awẽ ade Dan adu dukudiwu. 15Yabeta Abrampa trescientos dieciocho dukuwedewu paxkanawadi atu retenuwu. Cuatro diaiwuwawe tapiawubadu beewaĩkaxu atu retediwu. Pexe ichapa awẽ ade Hobá na Damasco amanauri chaiba idi. 16Da awarawu wiitawu daawu atu wiãdiwu naskatari Lot awẽ awarawu wiãwu naawu Abrampa widi. Naskata dukuwedewu awĩwuya Abrampa atu iwidi.
Melquisedecpa Abram tsai shara yuidi
17Abram dasuxu ma atu reteta na diaiwu Quedorlaómer wetsawuwe diaiwu awe rawebiswu idi na diaiwu Sodoma aduariwi kadi na bai mispa Savé diaiwuwawe awẽ bai adu. 18Nadu Melquisedec diaiwu idi bai Salem adua. Naa sacerdotepa Dios ikũira waa. Panya vinoya tsekakaxu Abram inadi. 19Tsai shara ma Melquisedecpa Abram yuidi:
“Dios tsuã winutiruba dai udiwata bairiwi udiwadi.
Naskake Epa Dios bia sharawai.
20Dios tsuã winutiruba nu uĩbai Dios sharakui.
Bia axuwaidu na bia duikaspabiswu ma mi atu kachikiriwaa”, Abram wadi.
Naskata Abrampa awẽ awarawu diez widi wisti Melquisedec inadi.
21Diaiwu Sodoma aduatu Abram yuidi: “Abram ea inawe na yurawu awarawuya netexikĩ”, wadi.
22Abrampa kebadi: “Ẽ paraba. Dios ẽ yuikuiya. Epa Dios dai udiwata bairiwi udiwadi. 23Ẽ bia awa wiãiba. Mewenawu yume pishta wiãiba. Ẽ bia zapato awẽ dishi wiãpaibari. Naskake mia yuidakaba: ‘Ẽ Abram awarawu inadi’, mi idakaba. 24Ẽ bia awa nuiba. Na dukuwedewawe piawu wisti ẽ axui atuna dukuwedewu ewe wuawutii Aner Escol na Mamré naawu ewe rawebiswu”, Abrampa diaiwu Sodoma adua wadi.
المحددات الحالية:
Génesis 14: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
