Génesis 13
13
Abramwe Lot paxkadiwu
1Abram tsekedi Egipto aduax awẽ awĩwe. Awẽ pia Lot atuwe kadi. Atũ awarawuya dasudiwu bai Négueb adu. 2Abram awa yupapaudiba. Yuina idawanabetiruwu peiwu ichapayari oro ichapayari ipaudi.
3Négueb aduax dasudi awẽ awarawu awẽ yuinawuya awẽ uibatiwuyari wenamashta wudiwu pexe ichapa awẽ ade Betel dukudiwu. Naskata naduax Pexe ichapa Betelweta pexe ichapa Ai da reke tapas wadi adu kadi. 4Abrampa nadu awẽ yuina wichi tapas wadi idi. Abrampa ruwe petsaidadi naduxu Epa Dios awara shara inaxikĩ naduxuriwi Epa Dios kiwĩxikĩ.
5Lot awane yupapaudiba ovejawu vacawuri awẽ uibatiwuyari idi awẽ kuka Abram ikai keskai. 6Na ikawu adu ana wani itiruwuba idi Lotwe Abram. Naa ikawu adu ana wasi wuaidiba yuinawawe pipanawawe ana adu na rawe itiruwuba idi. 7Abram yuina kexexubiswu Lot yuina kexexubiswuwe chakapaudiwu. Naskaratiã cananeowu ferezeowu nadu ipaudiwu. 8Peda wetsa Abrampa yuidi Lot: “Mimai ewẽ kaiwuke nu chakanatiruba. Mewẽ uibatiwu ewẽ uibatiwuya nu chakayabanu. 9Baiwu naatiiwi na mi duiyai mewena itiru. Ẽaduax paxkawe. Mi wari ubiskiri mi kaidu ẽ wari kabiskiri kai. Mi wari kabiskiri kaitu ẽ na wari ubiskiri kai”, Abrampa wadi.
10Lotpa uĩdi akebataiba ede Jordán adu uĩdi. Bai Sóar adu ede keyubisba idi. Bai sharakui idi na Egipto adua keskara. Naskara iyupaudi Epa Dios chakanawayuabadu pexe ichapawu Sodomaya Gomorra. 11Naskake Lotpa bai Jordán widi. Naduax kadi na wari ubiskiri. Naskata Abramwe Lot paxkanadiwu. 12Abram bai Canaán adu netedi nadu iixikĩ. Lot kadi pexe ichapa iki kai Sodoma chaiba. 13Sodoma adua yurawu chakakuiwu idi. Diaiwu Dios dikataba chakakui wisti shinapaudiwu.
14Chipu ma Lot kaadu Epa Diospa yuidi Abram: “Da mi ikaduxu da bai wixu uĩyakewe wari uwaikiri uĩta wari kaikiri uĩwe. 15Da baiwu ẽ bia inai mewena ipaxanu na mewẽ kaiwuu uduax ichapanawã kaĩpakedakawunari. 16Naskatari ẽ aaxiwi bai putu tsuã tanawatiruba naatii mewẽ kaiwuu uduax ichapanawã kaĩpakedakawu inuwu. 17Kaxu uĩyakewe na bai awẽ chaidipa awẽ peta. Ẽ na bia inaiki”, Epa Diospa wadi.
18Naskake Abram widinakawãdi. Awẽ yuina wichi tapasdi aduax kadi. Na pexe ichapa awẽ ade Hebrón iki kai kadi. Iwiwawe awẽ ade Mamré dii adu chaiba idi. Abrampa ruwe petsaidadi naduxu Dios awara shara inaxikĩ.
المحددات الحالية:
Génesis 13: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
