Luk 7
7
1An netereni petum nakaran min tahan le nepagtelege neremim neteruan Kaperneam.
2An iolatkokun nar te sentiurion ker ramakamis iwaket am remis, ierem rolkeikeipuk.
3An netererou nar le Iesu neterhalipen nerem asul le Ju min ton mamehrapuk ton moma terua mol ut iolatkokun nar tahan.
4An ilar netakarua to Iesu mamaikeikei puk kam in mamani, In ravit am moma tenakol nar uk ton.
5Mero in ka rolkeikei nahuto tetar an in ena romal nimwa ahwak tetar.
6An Iesu netereroupen ilar. An remesolan moma in isou to nimwa an sentiurion neterhalipen taniel min nevin ton mameni ton, Ieremera, tenesolan nalkutan lam, mero in ka iesevitan moma tenekua le nimwa tahak.
7An le nar uk iemesenian moma iakavit moma tiakuna tonik; mero ani am nakaran an iolatkokun nar tahak tapol ut.
8Mero in ka io mun ieremim kamehlau io to nolan nowa, an soldier min kamarol nowa tahak, an tiakani to ierem uk, Uan, an teruan; an to ker mun, Ua, an in terua, an to iolatkokun nar tahak, Ol nar uk, an in terol.
9An Iesu neterou nar min uk an nowa nanumun neterika ton, an neterhwin mameni to nahuto kamaiuatisig in, Tiakani to kamiar, iemesahman nuparhienan ker ribor mok lan resolan moma le nerem Israel.
10An nerem kahmalipa ilar netakalelegpen imwa maihm iolatkokun nar reknemiuh.
11An lauk neteruan le nauanu ker netigen Nein, an tan ieremim min netekaruan ilar min mene nahuto ribor.
12An neterua iwaket le nukulu le nauanu, an ahm ru netakailis iatou ierem ramemis ker, in am inen remles karena am, an inen beravin kamemis etag, an nahuto ribor le nauanu ka kairoupen in.
13An Ieremera neterahm in, an nekin neteramahma ton, an netereni ton, Apas nasakan.
14An neterua iwaket miap ulaula, an nerem kamaros netakailil; an netereni, Temalua, tiakani tonik, armig.
15An ierem ramemis neterowata an netererwowun mamakar; an neterofen kam inen.
16An naginan neteros ilar min, an netakamani vivi Wuhgin, mamani, Profeta asul ker reknermig le nekitar, an, Wuhgin reknua to neremim tahan.
17An nausitoan uk lan neteruan le ten min petum Judia mene iken min.
18An tan ieremim min netakaiusito in nar min uk kam Jon.
19An Jon neteraunin ton tan ieremim mil kiu, an neterhalipen ilau to Ieremera mameni, Ik ierem nakava wa tiakameitanin ierapusen?
20An ieremim mil netikiava ton mamuani, Jon ierem ramol nebaptisoan rehmalipa kamlau tonik mameni, Ik ierem nakava wa tiakameitanin ierapusen?
21Le aur ka ramol ut neremim ribor le nemisan min mene netetan min mene nanumun tat min, an ramofen naitan kam nemnou ribor.
22An neteraram meni to ilau, Iavan muausito in kam Jon nar min namuahm mamuarou; nemnou kamaihm mun nar, nerem kamarevitat kamailiwak, nerem kamaremis le leprosi kehnapel ilar, nerem nepagtelegen ilar ralu kamairou nar, nerem kamaremis kamos miuh ilar, an navantat min kenausito in nakaran ut to ilar.
23An ierem keikei ierem terasapitetelan lak.
24An ierem mil Jon rehmalita ilau netikialelegpen, an netererwowun mameni to nahuto min le Jon, Neta nemarier leluan mama tenakaihm? Nuig ramkiukiu le nemeteg?
25Mero neta nemarier mama tenakaihm? Ieremim kameviu le nar remeruk? Ahm ru nerem kamaruan le napen ut aken mamarkin nar ut kamairik le nimwa te neremera.
26Mero neta nemarier mama tenakaihm? Profeta? Nuparhien, itakani to kamiar, an ierem rerai ita profeta.
27In uk ierem kamrai lan,
Ahm ru, tiakhalitat ieremim tahak paupan le nemram,
In terepol ut suatu taham aupan lam.
28Tiakani to kamiar, le neki nerem kuaih ilar le neberavin resolan moma ker ribor kama Jon; mero ierem resuas aken le niko te Wuhgin in ierem rerai ita in.
29An neremim petum kamairou mene nerem kamaros atin nar, an netakamani vivi Wuhgin, mero in ka kamaros nebaptisoan te Jon.
30Mero Farisi min mene nerem le nowa asul kamaipas atu nowa te Wuhgin mesarosan nebaptisoan ton.
31Mero in ka tiapeni nepsen neremim uk moma karolkoma fe, an ilar karolkoma neta?
32Ilar karolkoma kovakova min kamaiwata imaim maiunin ilar mun mamani,
Kamar iemahil nowatetal to kamiar an nemeseimakoan,
Iamemaisak an nemesaisakan.
33Mero in ka Jon ierem ramol nebaptisoan rava meskinan bred mesamnuman wain, an nakamani, Iaremis ramarik lan.
34Neri Ieremim rava mamaugan mamamnum, an nakamani, Ahm ru, ieremim iauganipuk mene iamnumpuk wain, taniel nerem kamaros atin nar mene noletat.
35An nalbakauan keneni vivi le nererin min.
36An karena le Farisi min netererhapuk ton moma tukuaugan was; an neteruan le nimwa te Farisi, neteramowata to nauganan.
37An ahm ru beravin ierem ramarik le nauanu ka, ioletat ker; an neterhinatin moma in ramowata to nauganan le nimwa te Farisi ka, neteros mua nevige albaster kaluk lan.
38An neterail le numatan nelikin rakava iken mamasak, an netererwowun mamaui nelikin le hninemrin, an neteramrai ita le nemami nowanun, an neterapaih nelikin mametepi le kaluk.
39Mero Farisi ierem ramaunin in neterahm netereni le nekin, moma, Takama wus uk profeta in terefhinatin moma pehe mene beravin etol uk ierem ramiap in, moma in ioletat.
40An Iesu neteraram meni ton, Saimon, iakama tiakani nar ker tonik. An netereni, Ietikun, ani.
41Ieremim mil kiu kamiaos apnapin am mani to iaurai in tain nar ker. Ker ramos apnapin am 500 peni, an ker 50.
42An ilau kamesiaosan tain to nofenan, an neterapas am ilau kiten. An pehe le ilau terepolkeikeipuk in?
43Saimon neteraram meni, Iakama nerem ramapas asul kam in. An netereni ton, Neknaram matu.
44An neteretalelin to beravin netereni to Saimon, ik nakamahm beran uk? Iava le nimwa taham, nemesofean nu to nelikok; mero in reknaui nelikok le hninemrin, mamrai ita le nemami nowanun.
45Nemesapaihan io; mero in rava am ka mapaih nelikok mesamigan.
46Nemesetepian nowanuk le nihinar; mero in rametepi nelikok le kaluk.
47Mero in ka le nar uk, tiakani tonik, tehwaga tat tahan ierem ramibor kenosita, mero in ka ramolkeikeipuk; mero ierem kenosita asuas ton, in rolkeikei asuas.
48An netereni to beravin, Tehwaga tat taham kenosita.
49An nerem kamaiwata ilar min to nauganan netakani le nekin ilar, Pehe uk ierem ramosita mun tehwaga tat?
50An netereni to beravin, Nuparhienan taham reknos miuh ik; uan le nemelinuan.
المحددات الحالية:
Luk 7: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
