Nar 13
13
1An profeta nevin mene nerem kamatikun netakamairik Antiok le neki nahwak min iken, Barnabas mene Simion, ierem netigen Naijer, mene Lusias, ierem Sairini, mene Manaen, ierem kamaugan was ilau Herod ieremera, mene Saul.
2An ilar kamarol atkokun nar to Ieremera mamaimek, an Nanumun Ausim netereni, Aihlau pusen Barnabas mene Saul kam io to nolan nar iaknaunin ilau ton.
3An netakaimek mameihwak mameihlau nelimin ilar le ilau mahilipen ilau.
4An ilau kahmalipen le Nanumun Ausim netukuatite miava Selusia, an netukuasua iken miavan Saipras.
5An netikiava Salamis mamuausito in nakaran te Wuhgin le nimwa ahwak min te Ju min. An netikiaos mun Jon to nolatkokunan nar.
6An netukuavan petum le ten mur ka muaroatisipen Pafos, an netukuahm ierem rameuhiatin til to nosiatoan nar mene nolan pisapis min, profeta eiwa Ju ker netigen Bar‐Iesu.
7Ierem ramarik ilau ieremera Serjias Paulus, ierem rinerik aken. Ieremim uk neteraunipun Barnabas mene Saul, molkeikei moma tererou nakaran te Wuhgin.
8An Elimas ierem rameuhiatin til le nosiatoan nar mene nolan pisapis min, mero in ka netigen rol mok le nakaran uk, netereilail le ilau, molkeikei moma teralelin ikalin ieremera to nenian nuparhienan.
9Mero Saul, ierem netigen ker mun Paul, nekin remet iau le Nanumun Ausim, nemrin neteramarik hmahma lan, netereni,
10Ik ierem nekim ret iau le neiwean min mene le tehwaga ouloul min, neri iaremis, tikimer to tehwaga matu min, ik tenesapasan nolikoan suatu etuatu min taha Ieremera?
11An towek ahm ru, nelimi Ieremera rakamelpen lam, an nemram terapou, an tenepesahman mun mit meroatis nian ker. An ihwe am norouan neterampen lan mene napinapan, an neteramavan metkoigen nerem takaros nelimin marir in lan.
12An ieremera neterahm nar kamol, an netereni nuparhienan lan, an nanuman neterakamuka to netikunan te Ieremera.
13An nerem kamaruan ilar Paul netakaisua Pafos marua le Perka le Pamfilia. An Jon neterapas ilau meleleg pen mun Jerusalem.
14Mero ilau netikiasipe Perka miavan miaier Antiok le Paisidia, an netikiavan le nimwa ahwak le nian ausim, mamuawata.
15An netakahwinita nowa asul mene profeta min, neremera le nimwa ahwak netakahil ruan to ilau mani, Ieremim piemar mil, takama nemiaos nakaran to netikunan ker to neremim, uani.
16An Paul neterermig mameptutu le nelimin mameni, Kamiar nerem Israel, mene nerem nakamasiai Wuhgin, aiteleg in.
17Wuhgin te nerem uk nerem Israel ramahm pen riputar min, neteramosit neremim le narikan tenilar le ten Ijipt, an le nelimin asanen remir iatou ilar lan.
18An le nian min meroatis nu 40 ramamerou tehwaga tenilar le numnan.
19An rametaken nahuto katilum mekiu le ten Kenan, an ramofen ten tenilar kam ilar to tenilar aken le nu 450.
20An nar min uk neterua muan neterofen nerem takarhwaprai nar meroatis le Samiuel profeta.
21An mun ka netakaihrapuk to ieremera ker, an Wuhgin neterofen kam ilar Saul neri Kis, ieremim le nahuto taha Benjamin, le nu 40.
22An neterosita mun in, an neterosit Devid moma tereremera le ilar, ierem ramamausito in mameni, Iaknahm Devid neri Jese, ieremim nekiuk rolkeikei, ierem terepol petum nowak.
23Le namipu ieremim uk rolkoma reknemenita Wuhgin remir mua to Israel Ios miuh Iesu,
24Loanian Jon ramaupan mamausito in nebaptisoan to nelelegan to neremim petum Israel aupan in nuean tahan.
25An Jon ramamol atkokun ena nar neterameni, Nekimiar rakahmo moma io neta? Resolan moma io ka in; mero ahm ru, ieremim ker teroatisig in io, ierem io iesevitan moma tiakrisin nar le nelikin.
26Piak min, kamiar nereri namipu Ebraham, mene nerem le nekimiar nakamasiai Wuhgin, nakaran te nemihwan uk kehnalipa to katar.
27Mero in ka nerem kamairik Jerusalem mene neremera tenilar kamesarhinatinan in mene noia profeta min kamahwin ilar le nian ausim min, an netakani netetan ton marol etahun,
28An netesaihman noukari nar teremis ton, mero netakaihrapuk to Pailet mama tukhwapnin.
29An netakarol etahun naremnar min kamrai lan, netakarosiau in le nik mameihlau le nepag.
30Mero Wuhgin neterosit in le neki nerem kamaremis.
31An remier le nian rapus to nerem kamasipe Kalili ilar min maret marua Jerusalem, an nerem uk ilar nerem kamaihm esas lan to neremin.
32An kamar tiakaiusito in to kamiar nakaran ut le nar kamenita to riputar min,
33Moma Wuhgin reknamol ita nar uk to nereritar min, mero in ka reknosit mun Iesu, rolkoma kamrai mun le Sam ierem rol kiu, Ik Neruk, Io iemles ik towe.
34An moma ramosit mun in le neki nerem kamaremis, moma tereslelegpenan mun to namramuran, rekneni mok, Tiapofena kam kamiar neri ausim min taha Devid ierem min takaiparhien.
35Mero in ka rameni mun le ker mun, Ik tenepesofenan ierem ausim taham moma terahm namramuran.
36Mero in ka Devid ramol atkokun nar to nepsen neremim tahan le nowa taha Wuhgin, an neterapul, an kamehlau to ripun min, an ramahm namramuran,
37Mero ierem Wuhgin ramosit remesahman namramuran.
38Mero in ka pas tikhinatin le kamiar, piak min, moma le ieremim uk nositean tehwaga tat kenamausito in to kamiar.
39An le ieremim uk ierem tereni nuparhienan lan kenol ut le nar min ierem riakis to kamiar moma tokol ut le nowa taha Moses.
40Mero tenakamairouena kamiar moma nar ka kameni le profeta min teresuean le kamiar,
41Aihm ru, kamiar nerem nakasaniapkisan, an pas nowa nanumamiar terepuka an maremis, Mero in ka iakamol nolan ker le nepenian temiar, nolan ierem kamiar tenepesanian nuparhienan lan takama ieremim ker rausito in to kamiar.
42An ilar netakarier, an netamaikeikei mama nakaran min uk tapeni mun to ilar le nian ausim ierem terepua.
43An netakareasesen le nimwa ahwak, an Ju min ribor mene nerem kamasigavan Ju min mameihwak netakamairoupen Paul mene Barnabas; ierem mil kamuakar kam ilar mamuakeikei kam ilar muoma takamairik le nevitan te Wuhgin.
44An le nian ausim ierem roatisig iwaket neremim petum le nauanu ka karhwafugen mama takairou nakaran te Wuhgin.
45Mero Ju min netakaihm nahuto min, an nekin ilar neteret iau le nereran, netakameirai ita nar min Paul rameni, mameikar tat.
46An Paul mene Barnabas netakamuani ete nakaran mamuani, Nakaran te Wuhgin ramakeikei kaupan kani to kamiar. Mero kamiar nemaros ikalin, mamarhwaprai atu kamir mama kamiar nesarutan to nemihwan lilen, an aihm ru, tiakiahwin kamlau to nerem Jentail.
47Mero in ka Ieremera rameni mok lan to katar,
Iaknehlau ik nisia to nerem Jentail
Moma tapol ik nemihwan to nuhiefi ten.
48An nerem Jentail netakairou, an nekin ilar neteragien, netakamani vivi nakaran te Wuhgin, an nerem kamenita ilar to nemihwan lilen netakani nuparhienan lan.
49An nakaran te Wuhgin kenos kamavan petum le ten ka.
50Mero Ju min netakaisulasul neberan asul ierem min kameihwak mene neremera le nauanu ka, an netakarwowun nalikiamtean Paul mene Barnabas, an netakahiliatou ilau le nepag nemri ten tenilar.
51Mero ilau netukhuapel atagatag nemapten le nelikin ilau to ilar, an netikiava Aikoniam.
52An nahwak min nekin ilar neteret iau le nagienan mene Nanumun Ausim.
المحددات الحالية:
Nar 13: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
