Nar 11
11
1An apostelo min mene pian ilar min, ierem min kamairik Judia, netakairou mama Jentail min mun kenaros nakaran te Wuhgin.
2An Piter neteret muan Jerusalem an nerem kenasigipen ilar netakameitat in mamani, mama,
3Ik navan to nerem kasasigipenan ilar marugan was kamiar min ilar.
4Mero Piter netererwowun mamausito etuatu in to ilar moma,
5Io iemarik le nauanu Jopa mamohwak, an le nemelaitan iemahm nar pa, nevige nar ker ramatite rolkoma napen asul kamuatevata lan le neai le nikalin kuer, an rava tonio;
6An nemrok ramail hmahma lan, an nekiuk neterakahmo, an iemahm natipun ierem min nelikin ilar kuer le nemapten mene nabakaru mene nar min kamate mene nemenuk le neai.
7An iemerou mun nakaran ker rameni tonio, Armig, Piter, moho mekin.
8An netiakani, Kapa, Ieremera, mero in ka nar apnapen wa nar kashapelan resuean ena le nowak.
9Mero nakaran neteraram mun mau kiu mier le neai, Nar Wuhgin rekhnapel ik tenesenian moma nar apnapen.
10An nar uk kenol kau kisil, an kavit mun ilar petum le neai.
11An ahm ru in am hwaka ieremim kisil kahmailil aupan in nimwa ierem iakamairik lan, kahmalipa ihlel tonio khasipen Sesaria.
12An Nanumun netereni tonio moma tiakaroupen ilar mesenian neiwean lan. An pietar min uk katilum mekarena kamairoupa mun io, an netiakaruan le nimwa te ieremim ka.
13An neteramausito in to kamar moma ramahm agelo le nimwa tahan ramail mameni, Hal ruan le Jopa kiripa Saimon ierem netigen ker mun Piter,
14Ierem terepeni tonik nakaran tapos miuh ik lan, ik mene neremim petum le taham nimwa.
15An netiakerwowun mamakar, an Nanuman Ausim neterampen le ilar rolkoma le katar le nerwowunan.
16An nekiuk neterakahmo nakaran te Ieremera moma rameni, Jon ramaui le nu, mero tepaui kamiar le Nanumun Ausim.
17Mero takama Wuhgin ramofen kam ilar nofenan karena rolkoma kam katar mun nerem kamani nuparhienan le Ieremera Iesu Kristo, io fe iakasanen to nenhiauan Wuhgin?
18An netakairou nar min uk netakarika aken, an netakani vivi Wuhgin mamani, An Wuhgin reknofen mun kam Jentail min nelelegan to nemihwan.
19An nerem kamos arir ilar le nahwohwean kamol to Stifen netakamaivan min mairoatis Fenisia mene Saipras mene Antiok, mesanian nakaran to nar ker mero to Ju min am.
20Mero nevin le ilar, nerem Saipras mene Sairini, ierem min kamarua Antiok mameikar mun kam nerem Krik, mamaiusito in nakaran ut te Ieremera Iesu.
21An nelimi Ieremera ramarik to ilar, an nahuto puk nerem kamani nuparhienan lan netakarhwin ilar to Ieremera.
22An nausitoan in ilar neterua le nepagtelege neli nahwak min kamairik Jerusalem, an netakahilipen Barnabas ruan Antiok.
23An neterua mahm nevitan te Wuhgin neteragien, an neterakahwag kam ilar muka moma nekin ilar teraminerik mamairik tumutum to Ieremera.
24Mero in ka in ieremim ut, an nekin ret iau le Nanumun Ausim mene nuparhienan. An nahuto ribor kenofen mun kam Ieremera.
25An neterier muan Tarsas moma teratkoigen Saul.
26An neterahm neterir mua Antiok. An le nupuken ker ilar netakarhwafugen ilar nahwak min mamatikun nahuto asul. An le Antiok kamaupan kani netige Nawhak min moma Kristian min.
27An loanian ka profeta min nevin netakaitite masipen Jerusalem marua Antiok.
28An ker le ilar neterail, netigen Akabas, mameni le Nanumun moma terepoumus asul le ten min petum. Ierem kenol le nian te Klaudias.
29An nahwak min le nesanenan pusenpusen min tenilar netakani mama takhalipen nasituan to pian ilar min kamairik Judia.
30An netakarol naruk, mahilipen to nerem asul le nelimi Barnabas mene Saul.
المحددات الحالية:
Nar 11: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
