GENESIS 3
3
1Ana liona ne too uria lole la, wa aala sii nia e tatha ana do maruki ni sui bana i masuu ki mai, na tha Jihova God e thauwanida. Ma nia ka soree isana kini eri, Iu, tha God e una eri, mado? Kera lufi kamaroa mosi ania foee ’ai eki sui bana i la ra? 2Ma kini eri ka soree isana wa aala eri, Kera alamatai kamarea meki ania boo foee ’ai eki la ra: 3Sui ana foana ’ai na ni initoona ra eri, tha God e una eri, Mosi ania, mosi suana, ada moka maelia. 4Ma wa aala ka soree isana kini eri, Do e a’i si mamana; sa moka maelia e a’i. 5Uria na tha God e thaitoomana si kula nei, afa boṉi eri boo na moki ania siina, maamaroa kai laa, ma kamaroa moki ’uria god ki, moki thaitoomana lea la ma taa la. 6Ma si maṉa na kini eri ka rikia ’ai eri ani lana ka lea, ma riki lana ka lea ana maana, ’ai na imole kai thathamia fasi liona kai too sulia, kini eri ka bii ṉalia siina foana, ka ania, ka fale lau boo ifana kwaina bi nia, ma ni nia ka ania lau boo. 7Ma maadaroa ka laa, ma si do kero thaitoomana, keko talu; sui keko ofua ree thakwari, kekoi tai raoa, do kekoi toro ania neri. 8Ma keko roṉoa liṉana ṉata lana tha Jihova God na kai liliu ana i la ra i thaulafia afa boṉi eri: ma keroa tha Adam ma kwaina keko thaufuni imaalutana ’ai eki la ra faisia maana tha Jihova God. 9Ma tha Jihova God ka ’ai thatana tha Adam, ka una eri isana, O ni ifei? 10Ma nia ka sorea, Ku roṉoa liṉana ṉata lamu i la ra, kwa mau, uria ni nau ku talu; mania nau kwa thaufuni na ba. 11Ma nia ka una eri, Ni tei neri ne faaroṉo oe na oko talu? O ania foana ’ai eri na nau ku ṉata fifi sulia isamu na ba, ku sorea soki to faisia ani lana? 12Ma ṉa wane ka una eri, Kini ba no falea mai na ba fasi kai abetai nau, ni nia ne falea mai siina foana ’ai eri iaku, ma ni nau kwa ania. 13Ma tha Jihova God ka soree isana kini eri, Si ta neri no ilia na ba? Ma kini eri ka una eri, Wa aala ne lole nau, kwa ania. 14Ma tha Jihova God ka soree isana wa aala eri, Uria no ade una eri, taa la oe na kera alua fafi oe kai baita ka tatha ana taa la na kai thauṉia katele eki sui boo, ma do maruki sui boo i masuu ki mai; oki aṉo fafia rakemu, ma oki ania gegeona theegano afa boṉi eki sui bana noki maruki sulia. 15Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena. 16Sui nia ka soree isana kini eri, Nau kwai alua taa la ma fi‐wela la na kai thauṉi oe kai oro alaa faamau; ana liodila la oki tharea wela oe ki; ma oki thathamia kwaimu, ma ni nia kai inoto iamu. 17Ma nia ka soree isatha Adam, Uria no fafuroṉoa liṉana ṉata lana kwaimu, oko ania foana ’ai ba na nau ku ṉata fifi sulia isamu na ba, ku una eri, Osi ania foana: taa la kai to fafia theegano inunufamu; ana liodila la oki ania do eki na kai tagwasu mai faisia, afa boṉi eki sui bana noki maruki mai sulia. 18Kai fuṉu lau boo ana kwalo totora ma kwarafifi ki ifamu; ma oki ania kwake na i masuu; 19Ana iidana maamu oki ania berede, ka fula asi maṉa na toto oki oli lau uri theegano; sulaania kera ṉali oe mai faisia: uria ni oe ṉa do ana gegeona theegano, ma toto oki oli lau uria gegeona theegano eri. 20Ma tha Adam e alaṉia thatana kwaina ani Eve; uria ni nia ṉa thainana toa maruki ni sui bana. 21Ma tha Jihova God e thauwai nia tooni ki ana uṉana do na kera mae, sui nia ka faatoonidaroa.
22Ma tha Jihova God ka sorea, Rikia fasi, wane nei kera adea ka ’uria ta do iakulua, ka thaitoomana lea la ma taa la: ma si maṉa eri ada ka tekwasia abana, ka ṉalia lau boo foana ’ai eri ana marukia, ka ania, ma ka bii maruki toto si sui: 23Sulia si kula eri tha Jihova God ka arasi nia ka lae nana faisia ra eri i Itena, kai ’ilia theegano eri ne ita mai ania. 24Mania e taria kau wane eri; ka alua i maa faisia ra i Itena ibali tae lana thato Kerubimi ma nini ana firua na era ka lamalama i lala, na ka kakariabula suusia tala uria ’ai eri ana marukia.
المحددات الحالية:
GENESIS 3: MLU1949
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
British and Foreign Bible Society 1949, 1951
