Ipakilya 11
11
1Ni ntye yôdu y’avegagi nkambiṉi mô, n’igamb’imô.
2N’arweṉi gw’alubwi waô avila gô tongwa ni nkômbe, w’alèng’ôdèdè gô ntye yi Sinar, n’alwaṉi waô vovo. 3Awulyaṉi waô na waô inè: Gèndôṉi, azwè ga vange ibiriki, avika sô g’ôgôṉi gô joliza sô; n’agalwi ibiriki gôre waô adô, n’ôjô nombe w’agalwi gôre waô laso. 4N’arô bulyi waô inè: Gèndôṉi, azwè ga ṉôgiṉe ikuṽi yazô nkala mpôlô, ni nagô ndôndwi, ewônjô zi ga luke g’ôrôṽa; azwè ga vangiṉ’ikuṽi yazô ina, azwè vende pazangaṉa g’ôzô wi ntye yôdu. 5N’azum̃iṉi Yeôva gô jeṉe nkala ni nagô ndôndwi y’aṉôgôgô ne awaṉaga. 6N’awulyi Yeôva inè: Vôna, aṉaga w’avangyô ôkuṽa ômô, na waôdu wi kambe nkambiṉi mô; ndô ziṉo ne ezom̃a z’apakilyô waô gô denda, ndô vèṉo ezel’ezom̃a zi dega waô gô tiga, nt’are waô pikilya pa gô denda. 7Gèndôṉi, azwè ga zum̃iṉe aweviza vovo nkambiṉi yaô; yeṉo ko w’ayogo nyèṉè ôm’edu nkambiṉi y’ôm̃ori. 8Yeṉo avazangaṉi Yeôva waô avila vovo g’ôzô wi ntye yôdu; n’arigi waô gô nôge nkala. 9Yeṉo aweyô ina nya yô inè: Babèl, konde Yeôva awevizi nkambiṉi yi ntye yôdu vovo; n’avila vovo Yeôva avazangaṉi waô g’ôzô wi ntye yôdu.
10Siṉo ne imbamba si Sèm; Sèm avegagi nkam̃a y’impum̃a g’ôṉèro, n’ayaṉi yè Arpaksad eṉingô evôlô pila pa impum̃’imbaṉi. 11N’alwaṉi Sèm, ayè jaṉa p’Arpaksad, inkam̃a s’impum̃’ôtaṉè; n’ayaṉi yè awaṉ’aṉôm̃e n’awaṉ’antô.
12N’alwaṉi Arpaksad agômi m’impum̃’ararô n’impum̃’itaṉè g’ôṉèro, ayaṉi yè Sela. 13Arpaksad alwaṉi, ayè jaṉa pe Sela, inkam̃a s’impum̃a nay n’impum̃’irarô, ayaṉi yè awaṉ’aṉôm̃e n’awaṉ’antô.
14N’alwaṉi Sela agôm̃i m’impum̃’ararô g’ôṉèro, ayaṉi yè Ebèr. 15N’alwaṉi Sela, ayè jaṉa pe Ebèr, inkam̃a s’impum̃a nay n’impum̃’irarô, ayaṉi yè awaṉ’aṉôm̃e n’awaṉ’antô.
16Ndô Ebèr alwaṉi agôm̃i m’impum̃’ararô n’impum̃’inay, ayaṉi yè Pelèg. 17N’alwaṉi Ebèr, ayè jaṉa pe Pelèg, inkam̃a s’impum̃a nay, n’agôm̃i m’impum̃’ararô, ayaṉi yè awaṉ’aṉôm̃e n’awaṉ’antô.
18N’alwaṉi Pelèg agôm̃i m’impum̃’ararô g’ôṉèro, ayaṉi yè Reu. 19N’alwaṉi Pelèg, ayè jaṉa pe Reu, inkam̃a s’impum̃a mbaṉi n’impum̃’eṉôgôm̃i, ayaṉi yè awaṉ’aṉôm̃e n’awaṉ’antô.
20N’alwaṉi Reu agôm̃i m’impum̃’ararô n’impum̃’imbaṉi, ayaṉi yè Serug. 21N’alwaṉi Reu, ayè jaṉa pe Serug, inkam̃a s’impum̃a mbaṉi n’impum̃’ôrwageṉô, ayaṉi yè awaṉ’aṉôm̃e n’awaṉ’antô.
22N’alwaṉi Serug agôm̃i m’impum̃’ararô g’ôṉèro, ayaṉi yè Nakor. 23N’alwaṉi Serug, ayè jaṉa pe Nakor, inkam̃a s’impum̃a mbaṉi, ayaṉi yè awaṉ’aṉôm̃e n’awaṉ’antô.
24N’alwaṉi Nakor agômi m’impum̃’ambaṉi n’impum̃’eṉôgôm̃i g’ôṉèro, ayaṉi yè Tare. 25N’alwaṉi Nakor, ayè jaṉa pe Tare, nkam̃a y’impum̃a n’igôm̃i ny’impum̃’im̃ori n’impum̃’eṉôgôm̃i, ayaṉi yè awaṉ’aṉôm̃e n’awaṉ’antô.
26N’alwaṉi Tare, agôm̃i m’impum̃’ôrwageṉô g’ôṉèro, ayaṉi yè Abram, ni Nakor, n’Aran.
27Siṉo ne imbamba si Tare. Tare ayaṉi Abram, ni Nakor, n’Aran; n’ayaṉi Aran Lot. 28Aran ayuwi reri yè Tira e p’are bo, gô ntye y’ayanyô yè, gô Ur yi Kalde.
29N’ayômbi Abram ni Nakor antô; ina ny’ômwantô w’Abram ne Sarai, n’ina ny’ômwantô wi Nakor ne Milka, y’ômwaṉ’ômwantô w’Aran, rerè yi Milka, ni rerè yi Yiska. 30Ndô Sarai avegagi nkele, e re pegege du n’ômwaṉa.
31N’awongi Tare Abram, y’ômwaṉi wè, ni Lot, y’ômwaṉ’ôṉôm̃e w’ômwaṉi wè ôṉôm̃e w’Aran, y’ômwaṉi wè ôṉôm̃e w’ômwaṉi wè ôṉôm̃e; ni Sarai y’ômwantô w’Abram y’ômwaṉi wè ôṉôm̃e; n’agogwi waô na yè avila gô Ur yi Kalde gô kènda gô ntye yi Kanaan; n’aṽyeṉi waô kwanga gô Karan n’alwaṉi waô vovo. 32Ndô intyugu si Tare s’avegag’inkam̃a s’impum̃a mbaṉi n’impum̃’itaṉè, n’ayuwi Tare gô Karan.
المحددات الحالية:
Ipakilya 11: MYE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1927.
