Luk 5
5
Jisɔs akog Agbɔgamba Batɔnanjim
Matiyu 4.18-22; Mak 1.16-20
1Ɔfo brang na ji Jisɔs ajɔl bong alom na ɛgbok Aya ya Jɛnɛsarɛt#5.1 Jɛnɛsarɛt Aya ya Galili, ɛbɔngɛ anɛ atobɛ asibi agbola atɛm arɛ ayog alom Ɔsɔwɔ. 2Ayɛn ɛgba bibal na nkɛ alib naji ba bem ɔri alɔ tum asa, aroga atonfong abɔ. 3Jisɔs ayɛl na ɛgba jirang, ɛgba jifɔ ji Sayimɔn. Jisɔs atɔg Sayimɔn arɛ atimi ɛgba sed na nkɛ akag na alib. Wɛ ajɔl na ɛgba ateba ɛbɔngɛ anɛ ji fɔ.
4Na ji amalɔ ntɔga mbonga wɛ atɔg Sayimɔn, “Timi Sɔng na mfom yi adulɔ dul wun ɔdabɔ na ntofong ayɛl wun ɔbɔb ɔri.”
5Sayimɔn afanga, “Nsɔjama njo, ɛgba lem litom nkore nkore na alagtu afa ɛmalam ɛbɔb nyam alib ayiayi, naji ɔlɔ bong anɔ nɔng mɛ nkpɛ gara.”
6Na ji alemɔ anɔ abɔb ɔri ɛgbem ɛgbem ntofong aror akuma nyara. 7Akog atɛm na ɛgba jingɔ arɛ aba tɔb abɔ, ɔri ɛror na ɛgba ji fɔ bibal ɛgba ɛkuma ntɛra.
8Naji Sayimɔn Pita ayɛnɔ ji ɛlɔ lem ajumi ndung na libri Jisɔs abong, “Tata jɛra sɔng ngɔ mɛ nɛ abeɔfɛm yɔ.” 9Ɛkpɔ wɛ ɛsi na anɛ bangɔ na ɛgbem ɔri bi abɔbɔ. 10Jemsi na Jɔn, abɔn balom ba Sɛbɛdi atɛm a Simiyɔn ɛtɔb ɛkpɔ abɔ ɛsi. Jisɔs abong atɔg Sayimɔn, “Ɔtɔb bɛ, bɔm batig ana sɔng ɔsi, ɔjɔ fɛn ɔbem anɛ.” 11Abɔ atur bigba atu na ɛgbok, atum kpakpa nsɔl asa atɔna Jisɔs.
Jisɔs alem nɛnom abele anɔb
12Naji Jisɔs ajɔlɔ na ɛjiba jirang, ɛbɛl nɛnom yɔ ajɔl yam abele. Naji ayɛnɔ Jisɔs ajumi ndung akug libri na nde agɔrɛ wɛ abong, “Tata, ɛlɔ yɛbɛ wa ɔmal ɔlemam mɛ nɔb.”
13Jisɔs atini ɔbɔ alagɛ abong, “Ɛnɔngɛ ɛkɔra mam, ndɛ wɔ ɔnɔb.” fɔtutu abele afɔ amal. 14Jisɔs arigi wɛ, “Ɔtɔb tɔg nɛ awiawi. Sɔng teb ɛla naji nemanjɔm Ɔsɔwɔ wɔ ɔlem mɔng ajing a Mosis abongɔ ya arenɔ akarɛ ɛroga biji wɔ ɔteb anɛ arɛ wɔ ɔgba nɔb.”
15Ɛjɔl naji akarɔ wɛ lirigi lifɔ, ɔteb abangɛ Jisɔs ɛnyada na kpakpa afom ɛbɔngɛ anɛ abal arɛ aba yogɛ ɛtɔnafɔ anɔb ayam abɔ. 16Jisɔs ajɔga atuma ajiga na nara mfom aji kag ɔrɔ.
Jisɔs alem nɛnom yɔ ata alɔ jog anɔb
Matiyu 9.1-8; Mak 2.1-12
17Ɔfo birang na ji Jisɔs ajɔl teb, anɛ ba Farasi na ba teba ajing ba, ajogɔ na akpa ɛgbɛ kpakpa ya Galili bɔm na Judiya na Jɛrusɛlɛm. Ɛkɔ ji Tata ɛjɔl na Jisɔs ji ɛla lem anɛ ba ayam anɔb. 18Abalom asima njoga ata na ɛkpa agara arɛ atabɛ akag na ɛtɛk abomɛ na mfom yi Jisɔs arenɔ. 19Na ji adɛnɔ nɔ yɛn mba ateb ɛbɔngɛ anɛ ji ɛjɔlɔ, ayur na likɔng ɛtɛk li ɛrenɔ dandan aribi arɛda wɛ na ɛkpa ɛjɛ aseng na lika li ɛbɔngɛ anɛ abomɛ na libri Jisɔs.
20Na ji Jisɔs ayɛnɔ ntamɛ abɔ abong atɔgɛ arɛ, “Ntɛm, nitum nkara na abeɔfɛm aya.”
21Anɛ ba Farasi na ba teba Ajing akuma mbiba liabɔ, “Fa ba nɛ yɔ atoga Ɔsɔwɔ? Ba nɛ yɔ amala atum akara abeɔfɛm ndɛg Ɔsɔwɔ nanting?”
22Jisɔs akukun ji abɔ ajɔlɔ kɛrɛ, “Bɛjom ji wun ɔkɛrɛ nsɔl yi fa na ntem? 23Njin yi agalɔ jɔl ndɛra ɛjom arɛ ɔbong, ‘Ali tum akara na abeɔfɛm aya’ afi wɔ ɔbong arɛ ‘Tum yema wɔ ɔjɛn?’ 24Nsɛb ndɛ wɔ ɔkun arɛ mɛ Mɔn a Nɛnom yɔ akpenɔ ɛkɔ na nde yɔ atum akarɛ abeɔfɛm.” Abong atɔg nɛnom yɔ ata alɔ jog, “Mɛ ntɔga wa, tum yema tab ɛkpa ɛja sɔng kuri.” 25Fɔtutu nɛnom ɔfɔ atum ayema na libri abɔ, atab ɛkpa ɛjɛ atum akuri atiga Ɔsɔwɔ. 26Anɛ kpakpa ɛkpɔl abɔ ɛsi ajɔ tig Ɔsɔwɔ. Abɛl ɛkokob abangɛ ji abɔ ayɛnɔ, “Wur ɛgba yɛn akpɔga ɛsi a nsɔl ɛlɛl.”
Jisɔs akog Lɛfi arɛ atɔna wɛ
Matiyu 9.9-13; Mak 2.13-17
27Na ji jifɔ ɛlɔ seng, Jisɔs ajog na ɛtegla ayɛn nfora ataksi yɔ akoga wɛ arɛ Lɛfi ajɔl na mfom yi afora ataksi. Jisɔs abong atɔgɛ arɛ, “Tum tɔna mam.” 28Lɛfi atum ayema, atum nsɔl fɛb asa atɔna wɛ.
29Lɛfi alem ntakpa likag akarɛ Jisɔs na ɛtɛk ɛjɛ, anɛ ba taksi na anɛ ba ngɔ ajɔl li nsɔl na nɛ. 30Anɛ ba Farasi na ba teba ajing akuma numi atɔga batɔnanjim abɛ abonga, “Bɛjom ji ɛkera wun ɔliga nsɔl na bafora taksi na anɛ ba abeɔfɛm?” 31Jisɔs afanga abɔ, “Nɛ yɔ arenɔ na nsɛrɛ anim jɔga asɛba nɛ ɛte, ndɛg nɛ ɔyam. 32Mbalam ndɛ mba kog anɛ ba abarbar, mbal ndɛ mba kog anɛ ba abeɔfɛm agbɔ ndɔn.”
Anɛ abib Jisɔs abangɛ ɛjɔla njal
Matiyu 9.14-17; Mak 2.18-22
33Ɔfo brang anɛ abong atɔg Jisɔs, “Batɔnanjim ba Jɔn ajɔl jɔl njal akaga ɔrɔ, batɔnanjim ba Farasi ajɔl lem anɔ, baba ajɛna aliga awɔga.” 34Jisɔs afanga “Wɔ ɔmamal ɔlem ajɛn anɛ ba nfɔna likag ajɔl njal naji akpenɔre na abɔ ɛ? 35Ngara ayɔ bak yi ala tab nfɔna likag naji abɔ, na ngara yifɔ abɔ amal ajɔl njal.” 36Atob abɔ ligan lifa, Nɛ sang yɔ ala yara nkpakola mbɔma ajum akpa na nfɛ a mbɔma, ɔlɔ lem anɔ ɛla yara nfɛ abɔma ɛja nfɛ a mbɔma ɛnim kɔn na nkpakola. 37Ɛtɔb ɛre anɔ nɛ sang ayanga afɛ amum akag na nkokola ɛbam nkpango a nyam, ɔlɔ lem anɔ amum ala buri, amum ajog ɛbam ɛrungi. 38Afɛ amum ala yanga akag na nfɛ ɛbam nkpango a nyam. 39Nɛ sang yɔ alɔ wɔ akpakola amum yɔ akpɛ sɛb ya afɛ arɛ awɔ ateb wɛ ala bong arɛ, “Akpakola amum ya agalɔ nɔb.”
المحددات الحالية:
Luk 5: ABM
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©️2022 Luke Initiative for Scripture Translation
