ڢَارَوَ 1
1
ڢَارَوَرْ حَلِتَّ
1أَسَعَدَّ اللَّهْ يَڢَارَ حَلِتَّرْ سَمَ دَ دُونِيَا،
2دُونِيَا كُوَ بَاتَ دَ صِڢَّ، بَاتَ دَكُواْمٜىٰ،
بَڧِنْ دُهُ كُمَ يَا رُڢٜىٰ ڢُسْكَرْ ظُرْڢَڢَّنْ ضُوَيٜىٰ،
رُوحٌ اللَّهْ كُمَ يَنَ مُواْڟِ بِسَ ڢُسْكَرْ ضُوَيٜىٰنْ،
3سَيْ اللَّهْ يَثٜىٰ،
«بَرِ حَصْكٜىٰ يَكَسَنْثٜىٰ؞»
سَيْ يَكَسَنْثٜىٰ؞#2 كُوارْ 4.6
4 اللَّهْ يَاغَ حَصْكٜىٰنْ يَنَدَݣَوْ؞
سَيْ يَرَبَ حَصْكٜىٰنْ دَ دُهُنْ؞
5 اللَّهْ يَا كِرَا حَصْكٜىٰنْ «يِنِ»،
يَا كُمَ كِرَا دُهُنْ «دَرٜىٰ»؞
يَمَّ تَاوُثٜىٰ، سَاڢِيَ تَايِ، ݣُونَ طَيَ كٜىٰنَنْ؞
6سَيْ اللَّهْ يَثٜىٰ،
«بَرِ مُرْڢِ يَكَسَنْثٜىٰ ڟَكَانِنْ ضُوَيٜىٰ،
دُواْمِنْ يَرَبَ ضُوَيٜىٰنْ؞»
7 اللَّهْ يَيِ مُرْڢِ،
يَا رَبَ ڟَكَانِنْ ضُوَيٜىٰنْ دَسُكٜىٰ ڧَرْڧَشِنْ مُرْڢِنْ
دَ ضُوَيٜىٰنْ دَسُكٜىٰ عَبِسَنْسَ؞
حَكَ كُوَ يَكَسَنْثٜىٰ؞
8 اللَّهْ يَاكِرَا مُرْڢِنْ «سَرَرِنْ سَمَ»؞
يَمَّ تَاوُثٜىٰ، سَاڢِيَ تَايِ، ݣُونَ بِيُ كٜىٰنَنْ؞
9سَيْ اللَّهْ يَثٜىٰ،
«بَرِ ضُوَيٜىٰنْ دَسُكٜىٰ ڧَرْڧَشِنْ سَرَرِنْ سَمَ
سُتَارُ أَوُرِے غُدَا،
دُواْمِنْ بُوسَشِّيَرْ ڧَسَا تَبَيَّنَ؞»
حَكَ كُوَ يَكَسَنْثٜىٰ؞
10 اللَّهْ يَا كِرَا بُوسَشِّيَرْ ڧَسَا «ڧَسَا»،
تَتَّاضُوً ضُوَيٜىٰنْ كُوَ يَا كِرَاسُ «تٜىٰكُنَ»؞
اللَّهْ يَاغَ يَنَدَݣَوْ؞
11سَيْ اللَّهْ يَثٜىٰ،
«بَرِ ڧَسَا تَڢِتَرْدَ ڟِرٜىٰ ڟِرٜىٰ مَاسُ بَادَ إِرِ،
دَ كُواْوَنٜىٰ عِتَتُوَ عَڧَسَا مَاسُ بَادَ یَیَ مَاسُ إِرِ،
كُواْوَنٜىٰ كُوَ يَبَادَ یَیَ بِسَغَ إِرِنْسَ؞»
حَكَ كُوَ يَكَسَنْثٜىٰ؞
12سَيْ ڧَسَا تَڢِتَرْدَ ڟِرٜىٰ ڟِرٜىٰ،
ڟِرٜىٰ ڟِرٜىٰ مَاسُ بَادَ كُواْوَنٜىٰ إِرِ،
دَ كُواْوَنٜىٰ إِرِنْ إِتَاثٜىٰ
مَيْ بَادَ یَیَ مَاسُ إِرِ عَثِكِنْسُ؞
اللَّهْ يَاغَ يَنَدَݣَوْ؞
13يَمَّ تَاوُثٜىٰ، سَاڢِيَ تَايِ، ݣُونَ عُكُ كٜىٰنَنْ؞
14سَيْ اللَّهْ يَثٜىٰ،
«بَرِ حَصْكُواْكِ سُكَسَنْثٜىٰ أَسَرَرِنْ سَمَ،
سُرَبَ ڟَكَانِنْ يِنِ دَ دَرٜىٰ،
سُكُمَ ذَمَ عَلَمُ
نَنُونَ لُواْكَتَيْ دَ ݣُونَكِے دَ شٜىٰكَرُ؞
15بَرِ سُذَمَ حَصْكُواْكِ أَسَرَرِنْ سَمَ
سُبَادَ حَصْكٜىٰ عَدُونِيَا؞»
حَكَ كُوَ يَكَسَنْثٜىٰ؞
16 اللَّهْ يَيِ مَنْيَنْ حَصْكٜىٰ غُدَا بِيُ،
بَبَّنْ حَصْكٜىٰنْ يَيِ مُلْكٍ يِنِ،
ڧَرَمِنْ حَصْكٜىٰنْ يَيِ مُلْكٍ دَرٜىٰ،
يَا كُمَيِ تَوْرَرِ؞
17 اللَّهْ يَاسَاسُ أَسَرَرِنْ سَمَ
سُبَادَ حَصْكٜىٰ غَ دُونِيَا،
18سُيِ مُلْكٍ يِنِ دَ دَرٜىٰ،
سُكُمَ رَبَ ڟَكَانِنْ حَصْكٜىٰ دَ دُهُ؞
اللَّهْ يَاغَ يَنَدَݣَوْ؞
19يَمَّ تَاوُثٜىٰ، سَاڢِيَ تَايِ، ݣُونَ حُطُ كٜىٰنَنْ؞
20سَيْ اللَّهْ يَثٜىٰ،
«بَرِ ضُوَيٜىٰ سُثِكَ دَ تُلِنْ حَلِتُّو مَاسُ رَيْ،
بَرِ ڟُنْڟَيٜىٰ سُيِ تَكَيْوَ دَ كَٰوُاْوَ
عَبِسَ دُونِيَا عَڧَرْڧَشِنْ سَرَرِنْ سَمَ؞»
21تَهَكَ اللَّهْ يَا حَلِثِّ
مَنْيَنْ دَبُّواْبِنْ ضُوَ،
دَ كُواْوَنٜىٰ أَبُ مَيْرَيْ دَيَكٜىٰ مُواْڟِ
عَثِكِنْ ضُوَ بِسَغَ إِرِنْسَ،
دَ كُواْوَنٜىٰ إِرِنْ ڟُنْڟُ بِسَغَ إِرِنْسَ؞
اللَّهْ يَاغَ يَنَدَݣَوْ؞
22سَيْ اللَّهْ يَسَامُسُ أَلْبَرْكَ يَثٜىٰ،
«كُيِ تَحَيْڢُوَ سُواْسَيْ كُيَلْوَتَ،
كُثِثِّكَ ضُوَيٜىٰنْ تٜىٰكُنَ،
كُو ڟُنْڟَيٜىٰ كُيَلْوَتَ ثِكِنْ دُونِيَا؞»
23يَمَّ تَا وُثٜىٰ، سَاڢِيَ تَايِ، ݣُونَ بِيَرْ كٜىٰنَنْ؞
24سَيْ اللَّهْ يَثٜىٰ،
«بَرِ ڧَسَا تَڢِتَرْدَ كُواْوَنٜىٰ إِرِنْ حَلِتُّو مَاسُ رَيْ،
دَبُّواْبِنْ غِدَا،
دَ حَلِتُّو مَاسُ رَرَّڢٜىٰ،
دَ نَمُواْمِنْ دَاجِ إِرِ إِرِ؞»
حَكَ كُوَ يَكَسَنْثٜىٰ؞
25 اللَّهْ كُوَ يَيِ كُواْوَنٜىٰ إِرِنْ نَمُواْمِنْ دَاجِ عَدُونِيَا،
دَ كُواْوَنٜىٰ إِرِنْ دَبُّواْبِنْ غِدَا،
دَ كُواْوَنٜىٰ إِرِنْ حَلِتُّو مَاسُ رَرَّڢٜىٰ عَڧَسَا؞
اللَّهْ يَاغَ يَنَدَ ݣَوْ؞
26سَيْ اللَّهْ يَثٜىٰ،
«بَرِ مُيِ مُتُمْ#1.26 مُتُمْ: دَ إِبْرَانِيَنْثِ كَلْمَ مَيْ مَعَنَ مُتُمْ عِتَثٜىٰ أَدَمْ؞ عَكَمَنِّنْمُ دَ كُمَ صِڢَّرْمُ؞
ذَاسُيِ مُلْكٍ كِيڢَيٜىٰنْ تٜىٰكُ،
دَ ڟُنْڟَيٜىٰنْ سَرَرِنْ سَمَ،
دَ دَبُّواْبِنْ غِدَا،
دَ دُكَنْ دُونِيَا،
دَ دُكَنْ حَلِتُّو مَاسُ رَرَّڢٜىٰ عَڧَسَا؞»#1 كُوارْ 11.7
27تَهَكَ اللَّهْ يَا حَلِثِّ مُتُمْ عَكَمَنِّنْسَ،
عَكَمَنِّنْ اللَّهْ، اللَّهْ يَا حَلِثّٜىٰشِ،
نَمِجِ دَ تَمَثٜىٰ، يَا حَلِثّٜىٰسُ؞#مَتْ 19.4؛ مَرْ 10.6#ڢَارْ 5.1-2
28 اللَّهْ يَا سَامُسُ أَلْبَرْكَ يَثٜىٰ،
«كُيِ تَحَيْڢُوَ سُواْسَيْ كُيَلْوَتَ،
كُثِثِّكَ دُونِيَا كُكُمَ شَا ڧَرْڢِنْتَ؞
كُيِ مُلْكٍ كِيڢَيٜىٰنْ تٜىٰكُ،
دَ ڟُنْڟَيٜىٰنْ سَرَرِنْ سَمَ،
دَ كُواْوَنٜىٰ أَبُ مَيْرَيْ مَيْكَيْ دَ كَٰوُاْوَ ثِكِنْ دُونِيَا؞»
29سَيْ اللَّهْ يَثٜىٰ
«غَاشِ، نَا بَاكُ كُواْوَنٜىٰ إِرِنْ ڟِرٜىٰ ڟِرٜىٰ مَاسُ بَادَ إِرِ،
وَطَنْدَ سُكٜىٰ أَ ڢُسْكَرْ ڧَسَا،
دَ كُواْوَنٜىٰ عِتَتُوَ مَاسُ بَادَ یَیَ مَاسُ إِرِ،
دُكَنْسُ ذَاسُذَمَ عَبِنْثِ أَغَرٜىٰكُ؞
30غَ دُكَنْ دَبُّواْبِنْ ڧَسَا،
غَ دُكَنْ ڟُنْڟَيٜىٰنْ سَرَرِنْ سَمَ،
غَ دُكَنْ أَبِنْدَ يَكٜىٰ رَرَّڢٜىٰ عَڧَسَا
غَ دُكَنْ أَبِنْدَ يَكٜىٰدَ نُمْڢَشِنْ رَيْ،
نَابَاسُ كُواْوَنٜىٰ إِرِنْ ڟِرٜىٰ ڟِرٜىٰ يَذَمَ عَبِنْثِ أَغَرٜىٰسُ؞»
حَكَ كُوَ يَكَسَنْثٜىٰ؞
31 اللَّهْ كُوَ يَا دُوبِے دُكَنْ أَبِنْدَ يَيِ،
يَاغَ يَنَدَݣَوْ سُواْسَيْ؞
يَمَّ تَا وُثٜىٰ، سَاڢِيَ تَايِ، ݣُونَ شِدَ كٜىٰنَنْ؞
المحددات الحالية:
ڢَارَوَ 1: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020
