ମାତିସ୍ 3
3
ଆସ୍ନାନ୍ ଚିଉ ଯୋହାନ୍ସ୍କି ସେବା ନାଲ୍ଖୁ
(ମାର୍କୁସ୍ ୧:୧-୮; ଲୁକାସ୍ ୩:୧-୧୮; ଯୋହାନ୍ ୧:୬-୮,୧୫-୩୪)
1ଯେତ୍କବାକେନ୍ ଯୀଶୁସ୍ ନାଜ୍ରେତ୍ନୁ ରାଲିୟାସ୍ ହୁ ଉଲ୍ଲାନୁ ଆସ୍ନାନ୍ ଚିଉ ଯୋହାନ୍ସ୍ ବାରିକିରି ୟାହୁଦା ପ୍ରଦେଶ୍ନ୍ତା ଶୁନ୍ଶାନ୍ ଆଡ୍ଡାନୁ ପ୍ରଚାର୍ କାମାଗେ ଲାଗ୍ଗିୟାସ୍: 2“ପାସ୍ତାରା, ଏନ୍ଦେର୍ଗେକା ସରଗ୍ ରାଜୀଦ୍ ଚାହାନୁ ବାର୍ଚା କେର୍କିଚି।” 3ଇସ୍ ଆସିନ୍ ଏକାସ୍କି ବାରେ କା ଇଶାୟାହ୍ସ୍ ନାବୀସ୍କି ଦ୍ୱାର୍ନୁ ତେଙ୍ଗାକେର୍କିଚା: “ଶୁନ୍ଶାନ୍ ଆଡ୍ଡାନୁ ଅଣ୍ଟା ଚିର୍ରାରୁ ଆଲାସ୍କି ଶବଦ୍ ମେନ୍ଦ୍ରା କା, ପ୍ରାଭୁସ୍କି ଲାଗାନ୍ ପାବୁ ତିୟାର୍ କାମା, ଆରୁ ଆସ୍କି ପାବୁ ସିଧା କାମା।”
4ଆରୁ ଆ ଯୋହାନ୍ସ୍ ଓଁଟ୍ଘି ଚୁଟ୍ଟିତି ତିୟାର୍ ମାନ୍ଚ୍କା ଚିଢ଼ା ଆତ୍ତାଲିୟାସ୍, ଆରୁ କାଡ଼୍ମାନୁ ଚାପ୍ଟାଘି କାସ୍ନା ହିଁରାଲିୟାସ୍। ଆସ୍ ବଖ୍ଖୋ ମହାଁଲିୟାସ୍ ଆରୁ ଜଙ୍ଗଲ୍ ତା ତିନିରାସେ ହାପ୍ପାଲିୟାସ୍। 5ହତ୍କବାକେନ୍ ଯେରୁଶାଲେମ୍ ଆରୁ ଗୋଟା ୟାହୁଦା ପ୍ରଦେଶ୍, ଆରୁ ଯାର୍ଦାନ୍ ଯୋଡ଼ୁଘି ଚାହାଚାହାନ୍ତା ଆରୁ ଜାମା ଆଡ୍ଡାନ୍ତା ଆଲାର୍ ଉର୍ଖିକିରି ଯୋହାନ୍ସ୍କି ଚାହାଗେ ବାରାଗେ ଲାଗ୍ଗିୟାର୍। 6ଆରୁ ଆବ୍ଡ଼ାର୍ ନିଜର୍-ନିଜର୍ ପାପ୍ବନ୍ ସ୍ୱୀକାର୍ କାମ୍ଚାର୍ ଆରୁ ଯାର୍ଦାନ୍ ଯୋଡ଼ୁନୁ ଯୋହାନ୍ସ୍ ଆବ୍ଡ଼ାରିନ୍ ଆସ୍ନାନ୍ ଚିଚ୍ଚାସ୍।
7ଯେତ୍କବାକେନ୍ ଯୋହାନ୍ସ୍ ଏରିୟାସ୍ କା ଢେର୍ #୩:୭ ଫାରିସୀ ଆରୁ ସାଦ୍ଦୂକୀଜାମାର୍ ୟାହୁଦୀ ଧରମ୍ତା ଆଗୁୱା ରାଚାର୍ଫାରିସୀ ଆରୁ ସାଦ୍ଦୂକୀଜାମାର୍ ତାଙ୍ଘା ଚାହାଗେ ଆସ୍ନାନ୍ ହୁଆଗେ ବାରାଲ୍ନାଏ ତା, ଆସ୍ ଆବ୍ଡ଼ାରିନ୍ ତେଙ୍ଗିୟାସ୍, “ହେ ବିଷ୍ ରୁ #୩:୭ ନେର୍ରୁଘି ହାଦ୍ଦୁ ମତ୍ଲବ୍ ଫାରିସୀ ଆରୁ ସାଦ୍ଦୂକୀରିନ୍ ନେର୍ରୁଗାନେ ତୁଲ୍ନା କାମା କେର୍କିଚି ଏସ୍କେ କା ନେର୍ରୁନୁ ବିଷ୍ ନିନ୍ଦିକିରି ହନ୍ନେନ୍ ଆବ୍ଡ଼ାର୍ଘି ମନ୍ନୁ କପଟ୍ ନିନ୍ଦିକିରିନେର୍ରୁଘି ହାଦ୍ଦୁରୋ, ବାର୍ନାବାଲା ଖୀସ୍ତି ବୁଙ୍ଗାଗେ ନିମାନ୍ ନେଦ୍ ଚେତାବାନୀ ଚିଚ୍ଚାର୍?” 8ହୁଦ୍ଘିଲାଗାନ୍ ପାସ୍ତାରା ଆରୁ ପାସ୍ତାରାଚ୍କା ଲେଖା ଉଜ୍ଜା। 9ଆରୁ ନିଜର୍-ନିଜର୍ ମନ୍ନୁ ଇବନ୍ ଆମା ସୋଚା କା ଆବ୍ରାହାମ୍ସ୍ ନାହ୍ମା ବୁଆସ୍; ଏନ୍ଦେର୍ଗେକା ଏନ୍ ନିମାନ୍ ତେଙ୍ଗାଲ୍ଦାନ୍ କା ପାର୍ମେଶ୍ଵାର୍ସ୍ ଇ ଚାଁଚାନ୍ତି ଆବ୍ରାହାମ୍ସ୍କି ଲାଗାନ୍ ହାଦ୍ଦୁବଚ୍ଚ କାମାଅଙ୍ଗସ୍। 10ଆରୁ ଆକ୍କୁନ୍ ମାନ୍ନୁଘି ମୂଲିନୁ ବୁଡ଼ିୟା ହୋତ୍କା ରାଇଦ୍, ହୁଦ୍ଘିଲାଗାନ୍ ଏକା ମାନ୍ନୁଦ୍ ବାନେ ଫାଡ଼ୁ ମା ହାଞ୍ଜି, ଆବନ୍ ଛପିକିରି ଚିଚ୍ଚୁନୁ ଖେବ୍ଡ଼ାଚାକୋ।
11“ଏନ୍ତା ନିମାନ୍ ପାସ୍ତାରାନାଘି ଆସ୍ନାନ୍ ଆମ୍ମୁତି ଚିଆଲ୍ଦାନ୍, ଲେକିନ୍ ଏକାସ୍ ଏଙ୍ଘାଏ ପାଛ୍ଲି ବାର୍ନାବାଲା ରାଦାସ୍, ଆସ୍ ଏଙ୍ଘାସ୍ତି ବାଗ୍ଗେ ଶକ୍ତିଶାଲୀ ରାଦାସ୍; ଏନ୍ ଆସ୍କି ଜୁତା ଉଠାବାନାଘି ଲାଇଗ୍ ମାଲ୍ଦାନ୍। ଆସ୍ ନିମାଗେ ପାବିତାର୍ ଆତ୍ମା ଆରୁ ଚିଚ୍ଚୁତି ଆସ୍ନାନ୍ ଚସ୍। 12ଏସ୍କେ ଅଣ୍ଟା ଚାଷୀ ଆଲାସ୍ କେଁତେର୍ତି ଗହମ୍ ଆରୁ କୁଟ୍ଟାବନ୍ ଭିନେ କାମ୍ଦାସ୍, ଆନ୍ନେନ୍ ଆସ୍ ବାନେ ଆଲାରିନ୍ ଖାରାପ୍ ଆଲାର୍ସ୍ତି ଭିନେ କାମସ୍ ଆରୁ ଏସ୍କେ ବାନେ ଗହମ୍ବନ୍ ମଁଣା ବାଖ୍ରାନୁ ଉଇୟା କାଇ, ଆନ୍ନେ ଆସ୍ ବାନେ ଆଲାରିନ୍ ତାଙ୍ଗାଗେ ଚାଜସ୍ ଆରୁ ଏସ୍କେ କୁଟ୍ଟାବନ୍ ମା ତେବ୍ର୍ନା ଚିଚ୍ଚୁନୁ ବାସ୍ସା କାଇ, ଆନ୍ନେ ଆସ୍ ଖାରାପ୍ ଆଲାରିନ୍ ଚିଚ୍ଚୁନୁ ବାସ୍ସଚସ୍।”
ଯୀଶୁସ୍କେ ଯୋହାନ୍ସ୍ ଆସ୍ନାନ୍ ଚିଆଲ୍ଦାସ୍
(ମାର୍କୁସ୍ ୧:୯-୧୧; ଲୁକାସ୍ ୩:୨୧,୨୨; ଯୋହାନ୍ ୧:୩୧-୩୪)
13ହତ୍କବାକେନ୍ ଯୀଶୁସ୍ ଗାଲିଲୀନ୍ତି ଯାର୍ଦାନ୍ ଯୋଡ଼ୁଗେ ଯୋହାନ୍ସ୍ତି ଆସ୍ନାନ୍ ହୁଆଗେ ବାର୍ଚାସ୍। 14ଲେକିନ୍ ଯୋହାନ୍ସ୍ ଏନ୍ନେ ତେଙ୍ଗିକିରି ଆସିନ୍ ମାନା କାମାଗେ ଲାଗ୍ଗିୟାସ୍, “ଏଙ୍ଗାଗେ ତା ନିହ୍ମା ହେଖ୍ଖାନ୍ତି ପାବିତାର୍ ଆତ୍ମାତି ଆସ୍ନାନ୍ ହୋନାଘି ଦାର୍କାର୍ ରାଇ, ଆରୁ ନିମ୍ ଏଙ୍ଘା ଚାହାଗେ ବାର୍ଚ୍କାଦାର୍?” 15ଲେକିନ୍ ଯୀଶୁସ୍ ଆସିନ୍ ଯାବାବ୍ ଚିଚ୍ଚାସ୍, “ଆକ୍କୁନ୍ ତା ଏନ୍ନେନିନ୍ ମାନାଗେ ଚିଆ, ଏନ୍ଦେର୍ଗେକା ନାମାଗେ ଏନ୍ନେନିନ୍ ଜାମା ଧରମ୍ଘି ନିୟମ୍ବନ୍ ପୁରା କାମ୍ନା ଉଚିତ୍ ରାଇ।” ଆଙ୍ଗେନ୍ ଯୋହାନ୍ସ୍ ଆସ୍କି କାତ୍ଥାନୁ ରାଜୀ ମାନ୍ଚାସ୍। 16ଆରୁ ଯୀଶୁସ୍ ଆସ୍ନାନ୍ ହୋଇକିରି ହୁଙ୍ଗେନିନ୍ ଆମ୍ମୁନ୍ତି ଉର୍ଖିୟାସ୍, ଆରୁ ଏରା, ଆକାଶ୍ ଖୋଲ୍ରା କେରା, ଆରୁ ଆସ୍ ପାର୍ମେଶ୍ଵାର୍ସ୍କି ଆତ୍ମାବନ୍ ପେର୍ୱାଁଘି ରୂପ୍ନୁ ଏତ୍ତନାନ୍ ଆରୁ ତାଙ୍ଘା ମିଆଁ ବାର୍ନାନ୍ ଏରିୟାସ୍। 17ଆରୁ ଏରା, ଆକାଶ୍ତି ଅଣ୍ଟା ଶବଦ୍ ମେନ୍ଦ୍ରା: “ଇସ୍ ଏଙ୍ଘାଏ ଦୁଲାଡ଼ି ହାଦ୍ଦୁସ୍, ଇସ୍କି ମିଆଁ ଏନ୍ ମୁରୁକ୍ ଖୁସ୍ ରାଦାନ୍।”
المحددات الحالية:
ମାତିସ୍ 3: xis
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© (Active) Wycliffe Bible Translators, Inc. All rights reserved.
