मरकुस जानकारी
जानकारी
लिखणु आल़ा : मरकुस
पौढ़णु आल़ै : रोमी देशा न रौहणु आल़ै
ऐ लगभग 60-70 ईस्वी मौंझ़ै न लिखुदा ती।
मरकुस री शुरूआत औखै न होआ सा “परमेश्वरै रै बेटै यीशु मसीह रा खुशी रा समाद। “ऐथा न यीशु बै एक अधिकारा सैंघै कोम केरनु आल़ै मांहणु रै रूपा न दर्शाऊ सा।
तेइरा अधिकार तेइरी शिक्षा न, बुरी आत्मा पैंधै तेइरा अधिकार, होर लोका रै माफ़ केरनै न प्रगट हुआ। ऐथा न यीशु आपु बै, “मांहणु रा शोहरू” बोला सा। यीशु एथा री तैंईंयैं आऊ सौ लोका रै पाप माफ़ केरनै बै होर पापा न आज़ाद केरनै री तैंईंयैं आऊ होर आपणी जान देणै री तैंईंयैं आऊ।
मरकुस यीशु री शिक्षा होर वचना पैंधै नैंई बल्कि तिन्हरै कोमा पैंधै ज़ोर देआ सा। तैबै सौ तेइरी कथा बै सीधै, होर सान होर प्रभावशाली रुपा न प्रगट केरा सा। यूहन्ना बपतिस्मा देणु आल़ा होर यीशु रा बपतिस्मा होर यीशु री परीक्षा रै बारै न पूरी जानकारी होर लिखणु आल़ा तुरन्त यीशु री शिक्षा होर चंगाई री सेवा रै बारै न दसदा लागा सा ज़ैण्ढै-ज़ैण्ढै बौगत ज़ाँदा रौहु तैण्ढै-तैण्ढै यीशु रै मनणु आल़ै होर तेइबै शोभली तैरहा समझ़दै लागै। पर यीशु रै बैरी होर ज़ादा गुस्सा होंदै रौहे। आखरी पाठ यीशु रै आखरी बौगता री ज़िन्दगी होर आखरी हफ्ते रै बारै घटी हुन्दी गैला बै प्रगट केरा सा, ज़ुणीन खास सा, तेइरा क्रूसा पैंधै च़ढ़ाणा होर तेइरा दबारा ज़िन्दा होंणा।
रूप रेखा
खुशी रै समादा री शुरुआत 1:13
गलीला न यीशु री सेवा 1:14; 9:50
गलीला न यरूश्लेम शैहरा तैंईंयैं सफ़र 10:1-52
यरूश्लेम शैहरा न आखरी हफ्ता 11:1; 15:47
यीशु रा ज़िन्दा होंणा 16:1-8
ज़िन्दै होईया प्रभु रा हेरिणा होर स्वर्गा बै ज़ाणा 16:9-20
المحددات الحالية:
मरकुस जानकारी: KFX-NT
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
This work is licensed under Creative Commons Attribution-ShareAlike 4.0 License.