MATIUS 11
11
Raroi i Yohanes Mananahani
(Luk. 7:18-35)
1Suapang I Yesus bou nanul᷊ara su tumatuhu-E mapul᷊o dua e'e, i Sie nanintangu tampa e'e. I Sie natamai nanintiro l᷊au mul᷊ahabaru tatanata bou Mawu Ruata suapang soa ko masasandighi su se'e.
2I Yohanes Mananahani ko matatutupang nakaringihi hal᷊i u pul᷊ahal᷊i I Kristus. Bou e'e i sie nundoi pirangkatau tumatuhue patamai sarang koa I Yesus pakina, 3“Seng i Tuang taumata ko sarung ruminta tumuhu diandingu Mawu Ruata, arako i kami mambeng mangampal᷊i taumata kowal᷊inge?”
4I Yesus nusumimbahi, “Tamaite pusul᷊e sarang koai Yohanes, pangul᷊i apang ko seng nikaringihi dingang ko seng nikawuangi kumu: 5#Yes. 35:5-6, 61:1Tau ko wuta nakawua, tau ko kesohi nakaral᷊eng, taumata ko pia saki pisi ko makatataku#11:5: pia saki pisi ko makatataku: Putuhung 8:2. naul᷊e; tau ko wenggeli nakaringihi, taumata ko nate sau nuwiahi dingang u Habari Mapia bou Mawu Ruata seng nipakatitong suapang tau ko susa. 6Karal᷊uasi su taumata ko takoae alasange mandiriu Ia.”
7Suapang raroi i Yohanes e'e natamai, I Yesus nanita nangul᷊i su taumata ko maul᷊i hal᷊i i Yohanes e'e, angkung-E, “I kumu nakoa sarang tana l᷊inggi tadeau mutuhung apa? Ruku singkal᷊upa ko nitiungu anging? 8I kumu matamai tadeau makawua apa? Singkatau ko dingang u l᷊akue ko masidada? Taumata ko pia l᷊akue ko masidada, katanakenge ko su istana! 9Inau nakurawe i kumu matamai sarang tana l᷊inggi? Tadeau mutuhung singkatau nabi? Tingari, kateho mborong l᷊ai nangilebe bou singkatau nabi. 10#Mal. 3:1Watu u i Yohanes ko kere mal᷊ahabari su l᷊al᷊ungu ayeti su Buki Susi i'i,
‘Ko i'i raroiku, nihabaru Mawu,
Ia nundoi si sie mborong horo bo I Kau
tadeau panal᷊uahi ral᷊eng-U.’
11Tinaungete! Su dunia i'i mborong takoae nikarea taumata ko nangilebe l᷊abo boi Yohanes Mananahani. Kateho maning kere'e, taumata ko kadiokange su komol᷊angu manga umat u Mawu Ruata nangilebe l᷊aboe boi Yohanes. 12#Luk. 16:16Nanita i Yohanes bou namombengu habare sarang orasi i'i, umat u Mawu Ruata rokatengu manga taumata ko mundea mo mangawasa dingang u kal᷊ahasa. 13Sarang rarintangi Yohanes, kaul᷊i u torati Musa dingang u tintiro ngu manga nabi mul᷊ahabaru hal᷊i ko sarung mariadi. 14#Mal. 4:5; Mat. 17:10-13; Mrk. 9:11-13Dang boko i kumu mangimang, i Yohanes e'e ko i Elia, sasongongeseng bou niul᷊i. 15Boko pia tul᷊i, raringihe!
16Dingangu apa hinong daku i sul᷊ung taumata orasi i'i? I sire musul᷊ungu manga rario kakaiang su pasari. Singkomol᷊i nunggo su kowal᷊inge. 17‘I kami nusamperi samperi ko makal᷊uasi si kumu, kateho i kumu mandi musal᷊ai! I kami nusamperi samperi ko makasasusa, dang i kumu mandi mumpal᷊ehe!’ 18I Yohanes nusumongo – i sie nupuasa ta nanginung anggori, taumata nangul᷊i ‘I sie nikasukangu setang!’ 19Orasi i'i Ahusu Taumata nusumongo – I Sie kimang dingang nanginung; bou e'e taumata nangul᷊i, ‘Tuhungete taumata e'e! Makombang, mawukang, ghawengu mananuntu balasteng dang taumata ko marosa.’ Maning kere'e, kapapandengu Mawu Ruata mal᷊ahe bou manga kakanoae.”
Apang soa ko tamangimang
(Luk. 10:13-15)
20Bou e'e I Yesus nanita nuhinakang apang soa, ko kaul᷊ikangngu tatia ko makal᷊aherang nikoa-E. Watu u manga taumata su kaul᷊i u soa e'e mandi mutobati bou dosa ngi sire. 21#Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4“Silaka si kumu, Korazim! Dang silaka l᷊ai si kumu, Betsaida! Kiko kaul᷊i u tatia ko makal᷊aherang ko nikoa su tal᷊oara i kumu seng nikoa su Tirus dingang u Sidon, nal᷊ahe manga taumata pai se'e seng mal᷊iwue nutobati bou dosa ngi sire, dang nul᷊al᷊utu dingang nundui awu su timbo. 22Putinaungte, su L᷊ou Kiamati, tau Tirus dingang u Sidon mborong nangilebe mal᷊owo iampungangu Mawu Ruata boi kumu! 23#Kej. 19:24-28; Yes. 14:13-15Dang i kumu Kapernaum! Apa i kumu sarung i tirei pakarange muratingu sorga? Ta! I kumu katewe i wahung su naraka! Watu u kiko kaul᷊i u tatia ko makal᷊aherang ko seng nikoa sutal᷊oara i kumu e'e seng nikoa su Sodom, ute Sodom e'e mborong ene sarang orasi i'i! 24#Mat. 10:15; Luk. 10:12Tinaungete, su L᷊ou Kiamati, tau Sodom mborong nangilebe mal᷊owo iampungangu Mawu Ruata boi kumu.”
Maite sarang koa-Ku
(Luk. 10:21-22)
25Su tempo e'e I Yesus nukal᷊iomaneng, “Yamang, Mawu mangawasa su l᷊angi dingang u su dunia! Ia mutarimakase si Kau watu u kaul᷊i e'e tanipakal᷊ahe sumanga taumata ko pande dingang ko pia titongi sire, kateho i Kau nupakal᷊ahe su manga taumata ko takoae titongi sire. 26E'e nakal᷊uasi naung I Yamang.”
27 #
Yoh. 3:3, 1:18, 10:15 Bou e'e I Yesus nangul᷊i, “Kaul᷊i u hal᷊i seng nisarakang I Yamang si Sia. Takoae sarang singkatau matitongu Ana su l᷊ikur I Yamang. Takoae l᷊ai ko matitongi Yamang su l᷊ikuru Ana, dang sumanga taumata ko nipakatitongu Ana hal᷊i I Yamang.
28Maite sarang koa-Ku i kumu kaul᷊ie ko nawau, dang ko nakapundang ko mabuha; Ia sarung mangonggo karal᷊oahi si kumu. 29#Yer. 6:16Maite putuhu si Sia dang pangundung te si Sia. Watu u Ia ko masikome dingang marinda, ute i kumu sarung makapundang karal᷊oahu naung. 30Watu u apang parenta-Ku makal᷊uasi naung, dang wawang ko Daku pakiwawa si kumu mahang.”
المحددات الحالية:
MATIUS 11: LAISXN
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
2014 Indonesian Bible Society (Lembaga Alkitab Indonesia)
