MATIUS 3
3
Lipeliba Yohanes Mone Pejhiu
(Mrk. 1:1-8; Luk. 3:1-18; Yoh. 1:19-28)
1Pa awe naanne ta dakka ke Yohanes Mone Pejhiu la kebhalla-ae pa Yudea, jhe jhari ta peliba lii. 2#Mat. 4:17; Mrk. 1:15 Ta lii ke no, ”Jharra we mu ngati lubhu harro nga menyilu mu, rowi adho ke do ta tui ri, do medae ke Deo ta pereda mii heddau Duae!”
3 #
Yes. 40:3
Yohanes ke ne ddau do pale ri Nabi Yesaya ne pa dhara lipali no do mina hedhe,
”Era ne ddau do langu do petoda pa dhara padha nga meraddha,
’Pemoke we ne rujhara tu Muri;
pemere we ne rujhara tu No!’ ”
4 #
2Raj. 1:8
Ne bhara pake Yohanes, rrau unta. Ne dari wake no ngati kuri, jhe ne bhara nga'a no mokebhara nga ei-oni addu. 5Ae ne ddau ngati Yerusalem, ti hari hewue ihi rai Yudea, ngati hari-hari era do pehedharra nga Loko Yordan dakka langa Yohanes. 6Ta kelolo ke ri ro hari-hari ne lubhu harro nga menyilu do tao ri ro, ta pejhiu ke ro ri Yohanes pa pa Loko Yordan.
7 #
Mat. 12:34, 23:33 Ae lema ne do Farisi nga do Saduki do dakka langa Yohanes, tu ta la pejhiu. Tapulara ta ngaddi ro ri Yohanes, ta lii ke pa ro, ”Mu hedhe ddau do apa do kerewe! Nadu ke ne do lii pa mu ta ludu mu ngati dhara lua wolo Deo ne hine? 8Pedhelo we ri mu pa dhara wui ai-wui tao mu ta do jharra ke mu ngati lubhu harro nga menyilu mu. 9#Yoh. 8:33 Bhole penge ri mu ta do ta ludu mu ti dhara lua wolo nga pali ta do Abraham do ama-appu ri mu. Henge, ngati wowadu do na hedhe lema, do nara ta tao ri Deo, ta jadhi ana-appu tu Abraham! 10#Mat. 7:19 Ketaka do moko ke ta petue ne ajhu tade dhai hape la amo dha'i-rai. Kepue ajhu do nami we do dho bhule nga wue do woie do medae ta petue, jhe nabhe la dhara rao ai. 11Pejhiu mu ri ya ri ei-loko we tu ta peteleo ta do jharra ke mu ngati lubhu harro nga menyilu mu; tapulara ri No do medae ta dakka leto ne, do ta pejhiu mu ri Henga Deo nga ri ai. No do rihi mone-ae ngati ya. Ta tebhe ne helapa No he le we jhamma tu-tu dho ya. 12Pa dhara wola-abba No do era ke ne kerigi-dai tu ta dai nga ta ohe hari-hari namuhi tade mmau. Namuhi do mmau do ta ihi la dhara hoka, tapulara kaa nga hewaku do ta tunu pa dhara rao ai do dho i'a made wari.”
Jhara lua pejhio Yesus
(Mrk. 1:9-11; Luk. 3:21-22)
13Pa dhara awe naanne ngati Galilea ta kako ke Yesus la Loko Yordan. Pa ni ta kako ke No langa Yohanes, jhe ame ta pejhio No. 14Tapulara ta hakko ke ta nyakke ri Yohanes ne liami Yesus do naanne. Ta lii ke Yohanes mina he dhe, ”Ne pa petu ne, ya ri ko ne do ta pejhio ne ri Ama. Mina mii ne jhamma, Ama ri ne do dakka ta ma pejhio ri ya.”
15Tapulara ta bhale ke ri Yesus pa no, ”La'a le ko we no pa dhara awe na dhe. Rowi ri lai do nadhe ke ne petobe ri di hari-hari ne lua ddhei Deo.” Moko ta pejhio ke Yesus ri Yohanes.
16Ta alle pepejhio ta hae dhangnge ke Yesus ngati dhara ei ne. Ta boka-anni hetakka ke liru, jhe ngadde ri Yesus Henga Deo do puru mii hengi'u koro jhawa he la wokolo No. 17#Kej. 22:2; Mzm. 2:7; Mat. 12:18, 17:5; Mrk. 1:11; Luk. 9:35 Ta alla pemina harre rangnge ke hahhi lipedai ngati era do mmau do megala, do pali, ”Nadhe ke ne Ana Ya, Ana hajha nga Ana ddhei ne Ya. No ke ne do pemengallo dhara Ya.”
المحددات الحالية:
MATIUS 3: LAIHVN
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
