Mwa 5
5
Nzyawa sya Atamu
(1Mav 1.1-4)
1 #
Mwa 1.27-28
Ũũ nĩw'o ũelesyo ũla mũandĩke wa nzyawa sya Atamu. Yĩla Ngai woombie mũndũ, nĩwamũmbie ailyĩ take. 2#Mat 19.4; Mk 10.6 Nĩwoombie mũndũ-ũme na mũndũ mũka, na amaathima. Yĩla wamombie nĩwametie, “Mũndũ.” 3Yĩla Atamu waĩ na ũkũũ wa myaka ĩana na mĩongo ĩtatũ, nĩwasyaie kavĩsĩ kamũtutĩtye, na aketa Sethi. 4Ĩtina wa kũsyaa Sethi, Atamu nĩwekalile thayũ myaka maana nyanya. Nĩwasyaie syana ingĩ, 5na akw'a e na ũkũũ wa myaka maana kenda na mĩongo ĩtatũ.
6Yĩla Sethi waĩ na ũkũũ wa myaka ĩana na ĩtano, nĩwasyaie kavĩsĩ na aketa Enosi. 7Ĩtina wa kũsyaa Enosi, Sethi nĩwekalile thayũ myaka maana nyanya na mũonza. Nĩwasyaie syana ingĩ, 8na akw'a e na ũkũũ wa myaka maana kenda na ĩkũmi na ĩlĩ.
9Yĩla Enosi waĩ na ũkũũ wa myaka mĩongo kenda, nĩwasyaie kavĩsĩ keetawa Kenani. 10Ĩtina wa kũsyaa Kenani, Enosi nĩwekalile thayũ myaka maana nyanya na ĩkũmi na ĩtano. Nĩwasyaie syana ingĩ, 11na akw'a e na ũkũũ wa myaka maana kenda na ĩtano.
12Yĩla Kenani waĩ na ũkũũ wa myaka mĩongo mũonza, nĩwasyaie kavĩsĩ keetawa Maalaleli. 13Ĩtina wa kũsyaa Maalaleli, Kenani nĩwekalile thayũ myaka ĩngĩ maana nyanya na mĩongo ĩna. Nĩwasyaie syana ingĩ, 14na akw'a e na ũkũũ wa myaka maana kenda na ĩkũmi.
15Yĩla Maalaleli waĩ na ũkũũ wa myaka mĩongo thanthatũ na ĩtano, nĩwasyaie kavĩsĩ keetawa Yeleti. 16Ĩtina wa kũsyaa Yeleti, Maalaleli nĩwekalile thayũ myaka maana nyanya na mĩongo ĩtatũ. Nĩwasyaie syana ingĩ, 17na akw'a e na ũkũũ wa myaka maana nyanya na mĩongo kenda na ĩtano.
18Yĩla Yaleti waĩ na ũkũũ wa myaka ĩana na mĩongo thanthatũ na ĩlĩ nĩwasyaie kavĩsĩ keetawa Enoko. 19Ĩtina wa kũsyaa Enoko, Yaleti nĩwekalile thayũ myaka maana nyanya. Nĩwasyaie syana ingĩ, 20na akw'a e na ũkũũ wa myaka maana kenda na mĩongo thanthatũ na ĩlĩ.
21Yĩla Enoko waĩ na ũkũũ wa myaka mĩongo thanthatũ na ĩtano, nĩwasyaie kavĩsĩ keetawa Methũsela. 22Ĩtina wa kũsyaa Methũsela, Enoko nĩwekalile e na kĩkĩo kya Ngai vandũ va myaka maana atatũ, na asyaa syana ingĩ. 23Enoko ekalile thayũ myaka maana atatũ na mĩongo thanthatũ na ĩtano. 24#Yuta 14; Aevl 11.5 Enoko ekalile e na kĩkĩo kya Ngai, na andũ maeka kũmwona, nĩkwĩthĩwa Ngai nĩwamwosie.
25Yĩla Methũsela waĩ na ũkũũ wa myaka ĩana na mĩongo nyanya na mũonza, nĩwasyaie kavĩsĩ keetawa Lameki. 26Ĩtina wa kũsyaa Lameki, Methũsela nĩwekalile thayũ myaka maana mũonza na mĩongo nyanya na ĩlĩ. Nĩwasyaie syana ingĩ, 27na akw'a e na ũkũũ wa myaka maana kenda na mĩongo thanthatũ na kenda.
28Yĩla Lameki waĩ na ũkũũ wa myaka ĩana na mĩongo nyanya na ĩlĩ, nĩwasyaie kavĩsĩ, 29na asya, “Kana kaa kakatũthũmũsya kuma wĩanĩ witũ w'onthe mũito ũla tũtethasya, nũndũ wa mũthanga ũla Mwĩai Ngai waumanĩie,” na kwoou nĩwaketie Noa. 30Ĩtina wa kũsyaa Noa, Lameki nĩwekalile thayũ myaka maana atano na mĩongo kenda na ĩtano. Nĩwasyaie syana ingĩ, 31na akw'a e na ũkũũ wa myaka maana mũonza na mĩongo mũonza na mũonza.
32Ĩtina wa Noa kwĩthĩwa na ũkũũ wa myaka maana atano, nĩwasyaie syana itatũ, nasyo nĩ Semu, Amu, na Yavethi.
المحددات الحالية:
Mwa 5: KAMBA
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
BIBLE SOCIETY OF KENYA © 2011
